1 Timoteo 5:5 - Indagano Inyaaya mu-Chijita

⁵ Omutumbagasi wa echimari unu atari na omuunu wa okumusakira, oyo keeyikanya Nyamuwanga, kaamuramya na okusabhwa obhusakisi ku‑mwene mu‑ngeta na mu‑mwisi.

INDAGANO INYA:YA

⁵ Nawe unu kaba mutumba kata, nasigwa enyere, niwe ke:ikanya Nyamuanga, nakome:ra okusabwa no kuremberesya mu mwisi na mu ngeta.

1 Timoteo 5:5 ပူးပေါင်းရင်းမြစ်များ

Ruuka 18:1

Mbe, Yeesu ˆnaabhwira abheeyigisibhwa bhaaye echijekekanyo, korereki okubheeresya ati, bheenderwe bhagenderere okusabhwa Nyamuwanga okufwa omutima wuri.

Ruuka 18:7

Nikwo okwayika ati, Nyamuwanga, ataribhagira abhaanu bhanu ꞉aasorere? Aribha bhaamuririra mu‑ngeta na mu‑mwisi, angu arikoora okubhategeresya?

Ruuka 2:37

ˆNaabha omutumbagasi, ˆnaakingira rikura rya miguuga makumi gataanu na gasatu na ena. Omugasi oyo, aasiibhaga mw‑Iyekaru, mwanya gundi aasabhwaga mu‑ngeta na mu‑mwisi kurya wuri.

Ebikorwa 26:7

Omurago ogwo, noorwo abhaanu bha jingʼanda jeeswe ekumi na ebhiri abheeyikanya ati Nyamuwanga aribhakuumisisya. Niyo isonga abhamuramya mu‑ngeta na mu‑mwisi. Mukama awe, obhwo nibhwo obhwiyikanyo bhwani bhunu obhukora Abhayawudi bhansitaake reero!

Ebikorwa 6:1

Mu‑siku ejo, obhukumi bhwa abheeyigisibhwa bha Yeesu bhwariga nibhugenderera okwiyongesya. Agati yeebhwe bhaariga bhari‑mo Abhayawudi bhanu bhaaromaga Echiyunaani, na Abhayawudi bheejaabho bhanu bhaaromaga Echiyebhuraniya. Bhanu bhaaromaga Echiyunaani bheerurujaga ati, mu‑mirimu ja okugabha ebhiryo bhya bhuri rusuku, abhatumbagasi bheebhwe bhataagabhirwaga ebhiryo kisi na bhanu bhaaromaga Echiyebhuraniya.

Ebikorwa 9:39

Mbe, Peetero ˆneemuka, ˆnaagenda aamwi nabho. Omwanya gunu ꞉bhaakingire Yoopa, nibhamusira mu‑chisago echo. Omwo abhatumbagasi bhaafu nibhabha ayeeyi nage nibhariraga na okumweresya emingiro na emyenda ejindi jinu Tabhiija aariga abhabhaririiye omwanya gwa obhuwanga bhwaye.

Ebikorwa 9:41

Peetero ˆnaamugwata okubhoko, ˆnaamwimereegusyu. ˆNaabhirikira abhatumbagasi bharya na abheekirisya abhandi, ˆnaamutuura imbere yeebhwe, ari muwanga kerechu.

Barumi 1:12

Chinu eneenda ni ati, eriikirisya ryemwe rindumatanye, na eriikirisya ryani ribharumatanye.

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

1 Bakorinto 7:32

Eneenda mwasiga okubha na echiwerewere inguru ya emisango ja obhurame bhunu. Omuunu unu achaari okutwara, kaafurubhendera emirimu ja Raatabhugenyi, keeganirisya kutyo arikondisya Raatabhugenyi.

1 Bakorinto 7:34

obhwiganirisya bhwaye bhuribha mbaara ebhiri. Wone omugasi unu atari na omurume, noorwo omuyarakaji kaafurubhendera emirimu ja Raatabhugenyi korereki eesoosye omubhiri na omwoyo ku‑Raatabhugenyi. Nawe omugasi unu atwawe, kaanyaakiririra emisango ja obhurame bhunu, keeganirisya kutyo arikondisya omurume waaye.

Baefeso 6:18

Musabhwe Nyamuwanga omwanya gwone nimutangasibhwaga na Mwoyo Mweru. Mumusabhwe na okumwirembeeresya bhunyatayigwa ku‑bhuri musango. Ka wone, mugenderere okusabhirwa abheeru bha Nyamuwanga bhoone.

Bafilipi 4:6

Musige okusurumbara inguru ya echiinu choonechoone, tari mu‑joone, musabhwe Nyamuwanga, mumwirembeeresye aamwi na okumusiima. Obhukene bhwemwe bhumenyekane ku‑mwene.

1 Timoteo 2:1

Nyabharinyabhari, enibhakomeeresya mukore risabhwa rya bhuri mbaga inguru ya abhaanu bhoone. Musabhwe Nyamuwanga asakire na okuyaana abhaanu bhoone amabhando. Ka wone, mumubhwire kutyo omumusiima inguru ya abhaanu abho bhoone.

1 Timoteo 5:16

Araabha omugasi omwikirisya ari na abhatumbagasi mu‑bhayiri bhaaye, abhasakire, korereki rikanisa risige okusitoyerwa. Kutyo, rikanisa riribha na omwanya gwa okusakira abhatumbagasi abhandi bhanu bhatari na obhusakisi.

1 Timoteo 5:3

Uyaane echibharo abhatumbagasi bhanu bharabheeye abhatumbagasi katakata.

2 Timoteo 1:3

Enisiima Nyamuwanga unu enikorera emirimu mu‑mutima omweru, rwa kutyo ꞉bhaamukoreeye bhasaaja waani. Omwanya gwone enikwichuka, mw‑isabhwa ryani mu‑ngeta na mu‑mwisi.

1 Petero 3:5

Nikwo kutyo kara wone, abhagasi bhanu bhaariga nibheeyikanya Nyamuwanga, bheenojooryaga na okugayuka abharume bheebhwe.