1 Timoteo 4:6 - Indagano Inyaaya mu-Chijita

⁶ Ukeeyigisya abheejaasu bhoone emisango ejo, niwo uribha omukosi wa ekisi wa Kirisito Yeesu. Ka wone, uribhaga urererwe kisi mu‑chimari cha eriikirisya na ameeyigisyo ga ekisi ganu awe uruubhire.

INDAGANO INYA:YA

⁶ Ure:cukyaga ba:na ba:su ebyo, urabaga mukosi we kisi owa Yesu Kristo, niwiri:sya mu misango jo kwikirisya ne jo kwiigisya kwe kisi kunu waru:bire.

1 Timoteo 4:6 ပူးပေါင်းရင်းမြစ်များ

Matayo 13:52

Omwene ˆnaabhabhwira ati, “Omwiyigisya woonewoone unu kaasombookerwa ebhiraagiro bhya Muusa na obhukama bhwa mu‑rwire, ari rwa omwene musi unu kaasoosya mw‑ibhiikiro ryaye ebhiinu ebhiyaaya na ebhikokoro.”

Ruuka 1:3

Anye wone ꞉neeyenjeye kisi kutyo ꞉jaakorekeene okusookerera ku‑bhwambiro, nindora ati nikukaamire emisango ejo, kwa obhwisombooro bhwa ekisi,

Ebikorwa 1:15

Ku‑mwanya ogwo, abheekirisya bha Yeesu nibheekofyanya, obhukumi bhwebhwe bhwariga wuti egana rimwi na makumi gabhiri (120) kutya. Niwo Peetero ˆneemereeguru agatigati yeebhwe, ˆnaabhabhwira ati,

Ebikorwa 20:31

Kurwa ejo, mwiyangarire! Mwichuke ati, naamarire emiguuga esatu nintongeraga bhuri umwi weemwe, nindiriraga‑ko amasiga mogomogo mu‑ngeta na mu‑mwisi.

Ebikorwa 20:35

Mu‑joone jinu ꞉naakorere, naariga nimbeeresya ati echikenwa okukora emirimu, korereki chibhone ebhiinu bhya okusakira abhaanu bhanu bhatari na obhuturo. Echikenwa wone okwichuka emisango jinu Raatabhugenyi Yeesu omwene ꞉aayikire, ‘Amabhando maafu ari mu‑kusoosya okukira mu‑kuramira.’”

Barumi 15:15

Noorwo kutyo, naabhakaamira emisango ejindi mu‑nyarubha inu kwa ribhaasi, korereki nibheechukye emisango ejo. Naakora kutyo, kwa okubha Nyamuwanga anaaye obhwitiriranya,

1 Bakorinto 4:17

Ku‑songa eyo, ꞉naatumire Timoteewo, omwana waani omwendwa, unu ari mwiyikanyibhwa ku‑mirimu ja Raatabhugenyi. Omwene kaja okubheechukya kutyo anye eniruubha Kirisito, jiri rwa kutyo eniiyigisya abhaanu bhuri rubhaara mu‑makanisa goone.

2 Bakorinto 11:23

Siga woori naayike rwa omusasi ati, araabha abheene ni bhakosi bha Kirisito, anye niri mukosi wa Kirisito okubhakira. Anye niikomeesiisye okukora emirimu muno, nibhoyerwe mw‑ibhoyero kwiya kaafu muno, nibhumirwe kwiya kaafu muno, ka wone naariga niri mu‑ngʼanga ya okufwa kwiya kaafu.

2 Bakorinto 3:6

Omwene niwe ꞉aachiyaaye obhuturo bhwa okubha abhakosi bha indagano inyaaya. Indagano eyo itakusookana na ebhiraagiro bhinu ꞉bhyakaamirwe, tari eyisooka ku‑Mwoyo Mweru, kwa okubha ebhiraagiro ebhireeta orufu, nawe Mwoyo Mweru kaareeta obhuwanga.

2 Bakorinto 6:4

Tari, echeeresya mu‑misango joone ati, eswe chiri bhakosi bha Nyamuwanga. Echiigumiirisya muno mu‑bhinyaasyo, mu‑nyaako na mu‑bhukomeeye,

Baefeso 6:21

Tukiiko, omuyiri weeswe omwendwa na omukosi omwiyikanyibhwa ku‑Raatabhugenyi, aribhabhwira bhuri musango, korereki emwe wone mumenye kutyo niri na kutyo emirimu ejigenderera.

Bafilipi 2:20

Okubha nitari na omuunu owundi anu unu chimari kaabhegana rwa Timoteewo.

Bafilipi 2:22

Nawe mumenyere kutyo orukuma rwa Timoteewo rwariga ruri rwa ekisi. ꞉Aakorere aamwi na anye emirimu ja okuraasya Emisango ja Ekisi, rwa omwana na esemwene.

Bafilipi 3:16

Echiinu cha bhusibhusi woori ni ati echikenwa okuruubha jinu Nyamuwanga aacheeresiisye.

Bakolosai 2:19

Abhaanu abho bheekindikire okusooka ku‑Kirisito omutangasya wa rikanisa, niwe omutwe gwa omubhiri gwaye. Kirisito niwe kaariisya na okugwatanya aamwi ebhiwuga na jinga joone. Ku‑njira eyo, omubhiri gwaye gwone ogukura kisi rwa kutyo Nyamuwanga keenda.

Bakolosai 3:16

Omusango gwa Kirisito gwikare kwa obhwafu mu‑myoyo jeemwe, keenu nimwiyigisyanya na okukengyanya mu‑bhwengeeso bhwone. Mwimbire Nyamuwanga kwa emyoyo jeemwe na okumusiima, okutura mu‑jabhuri, mu‑nyimbo na jinyimbo ja echinyamwoyo.

Bakolosai 4:7

Omuyiri weeswe omwendwa Tukiiko ni mukosi omwiyikanyibhwa. Echikora emirimu ja Raatabhugenyi Yeesu aamwi nage. Omwene aribhabhwira emisango jaani joone.

1 Batesalonika 3:2

Nichituma Timoteewo omuyiri weeswe, korereki aaje okukomeesya emyoyo jeemwe na okubhasimbiisya inguru ya eriikirisya ryemwe. Omwene ni mukosi weejaasu wa Nyamuwanga, wa okuraasya Emisango ja Ekisi inguru ya Kirisito.

1 Timoteo 1:10

ku‑bharomesi na ku‑bhanu abhasambuka abharume abheejaabho, ku‑bhanu abheetegaanira abhaanu na okubhagusya mu‑bhugaya, abhabheeyi na ku‑bhanu abharayira ku‑rubheeyi. Ebhiraagiro bhiteeywe‑wo ku‑misango joone jinu jitakwikirisyanya na ameeyigisyo ga echimari.

1 Timoteo 4:16

Iyangarira awe omwene, inguru ya jitungwa jaawo na ameeyigisyo gaawo na ugenderere okukora kutyo. Ukakora ejo urichunguka awe omwene aamwi na abhaanu bhanu abhakutegeresya.

1 Timoteo 6:3

Bhari‑wo abhaanu bhanu abheeyigisya ameeyigisyo ga orubheeyi. Abheeyigisya ameeyigisyo ganu gatakwikirisyanya na ameeyigisyo ga echimari ga Raatabhugenyi weeswe Yeesu Kirisito, ka wone gatakwikirisyanya na ameeyigisyo ganu agasakira abhaanu okwikara rwa kutyo Nyamuwanga keenda.

2 Timoteo 1:6

Niyo isonga, enikwichukya ati komeera okukorera emirimu echiyaanwa chinu Nyamuwanga ꞉aakuyaaye omwanya gunu ꞉naakutereeye‑ko amabhoko.

2 Timoteo 3:10

Mbe awe, uruubhire ameeyigisyo gaani, jitungwa jaani, obhukarariiye bhwani, eriikirisya ryani, obhwigumiirisya bhwani,

2 Timoteo 4:3

Okubha guriija omwanya gunu abhaanu bharibhaga bhatakutegeresya ameeyigisyo ga echimari. Bharyenda okutegeresya ganu agabhakondisya era na okusora abheeyigisya bha okubheeyigisya ganu abheenda okuungwa.

Tiito 2:1

Nawe awe Tiito, mu‑meeyigisyo gaawo, wiyigisye abhaanu ameeyigisyo ga echimari era.

1 Petero 2:2

Woori mwamarire okurabha na okumenya ati Raatabhugenyi Yeesu ni wa ekisi. Mbe mubhe rwa abhaana abharera kutyo abhakena amata, emwe wone mubhe na obhwiro bhwa amata ga ekisi ga echinyamwoyo, korereki ku‑managa gaago murumatane mu‑bhuchungusi bhwemwe.

2 Yoana 1:9

Omuunu woonewoone unu atakugenderera okuruubha ameeyigisyo ga Kirisito, ka wone kaagayindura, oyo atari na obhumwi na Nyamuwanga. Nawe, unu kaagenderera okugaruubha, oyo ari na obhumwi na Raata Nyamuwanga na Omwana waaye wone.

Yuuda 1:5

Noorwo kutyo mumenyere kisi ejo joone, enikena okubheechukya kutyo Raatabhugenyi ꞉aawoniisye Abhayisirayeeri okusooka mu‑chaaro cha Miisiri munu bhaariga nibhanyaaka, nawe ejire aamara ˆnaasingaarisya abhaanu bhanu ꞉bhaaremere okumwikirisya.