1 Timoteo 4:12 - Indagano Inyaaya mu-Chijita

¹² Omuunu woonewoone asige okukugaya, kwa okubha ati uchaari musigaji, tari wiikomeesye okubha echijekekanyo cha ekisi ku‑bheekirisya mu‑nyaayika, mu‑tungwa, mu‑ryenda, mu‑riikirisya na mu‑bhwima.

INDAGANO INYA:YA

¹² Omu:nu wo:ne asiga kugaya obuto:to bwao nawe nubega co kurorerako ku banu abe:kirisya, mu kwaika, na mu kwenda, na mu kwikirisya, na mu bweru.

1 Timoteo 4:12 ပူးပေါင်းရင်းမြစ်များ

Matayo 18:10

Yeesu ˆnaagenderera okubhabhwira ati, “Mukabhuke, mwasiga okugaya owumwi ku‑bhatooto bhanu! Enibhabhwira kutyo, kwa okubha bhamaraayika bheebhwe mu‑rwire eyo, siku joone bhari imbere ya Raata waani wa mu‑rwire. [

1 Bakorinto 11:1

Kutyo mubhega nimunduubha, rwa kutyo anye wone eniruubha Kirisito.

Bafilipi 4:8

Ku‑bhuteero, abhayiri bhaani, emisango ja echimari, emisango jinu jiiyire jiyanwe echibharo, emisango ja obhurengeresi, emisango emyeru, emisango jinu ejikondisya, emisango jinu jiri ja ekisi, emisango jinu jiiyire okukuuyibhwa, ejo nijo mwiganirisye.

1 Batesalonika 1:6

Emwe noorwo kutyo ꞉mwanyaasiibhwe muno inguru ya eriikirisya ryemwe, ꞉mwaruubhire omusango ogwo kwa rikonderwa rinu ꞉mwayaanirwe na Mwoyo Mweru. Kwa okukora kutyo, ꞉mwaruubhire echijekekanyo cheeswe na echa Raatabhugenyi Yeesu.

1 Batesalonika 2:10

Emwe omumenya, Nyamuwanga wone kaamenya ati, bhunu ꞉cheekaaye kw‑imwe abheekirisya, itungwa yeeswe yaariga iri ya ekisi na eya obhurengeresi, ka wone chaariga chitari na esoro.

1 Timoteo 1:14

Chimari, Raatabhugenyi weeswe Kirisito Yeesu ꞉aanyitiriiye obhwitiriranya bhwafu muno. Ka wone, ꞉aanaaye eriikirisya na eryenda mu‑kubha na obhumwi nage.

2 Timoteo 2:15

Ikomeesya okwiyigisya omusango gwa echimari, rwa kutyo Nyamuwanga keenda. Niwo owuja okubha omukosi wa emirimu unu atakwiswara inguru ya emirimu jaaye. Ejo nijo Nyamuwanga keekirisya.

2 Timoteo 2:22

Wiiruke obhurigire bhwa echisigaji, uruubhega rirenga, eriikirisya, eryenda na omurembe. Ugwatirire ejo, aamwi na bhoone bhanu abhasabhwa Raatabhugenyi kwa omutima omweru.

2 Timoteo 2:7

Timoteewo, iganirisya muno inguru ya emisango jinu enikubhwira. Raatabhugenyi kaja okukuyaana obhuturo bhwa okusombookerwa joone.

Tiito 2:15

Mbe, iyigisya abhaanu emisango ejo, bhasimbiisye na okubhagonya ku‑bhuturo bhwone. Ka wone, omuunu woonewoone asige okukugaya.

Tiito 2:7

Awe wone, ku‑misango ejo joone, ubhe echijekekanyo cha okwiyikanyibhwa cha ebhikorwa bhya ekisi. Mu‑meeyigisyo gaawo, weeresye echimari na echibharo.

Yakobo 3:13

Niga mw‑imwe unu ari na obhwengeeso na okusombookerwa? Mbe, eeresye obhwengeeso bhwaye na okusombookerwa kwaye mu‑kukora ebhikorwa bhya ekisi, mu‑bhworooro bhunu obhusooka mu‑bhwengeeso.

Yakobo 3:17

Nawe obhwengeeso bhunu obhusooka ku‑Nyamuwanga, cha okwamba ni obhweru, ka wone ni murembe na ni bhworooro, ni bhwangu okutegeresya abhaanu abhandi, bhwijuuye echigongo na ebhikorwa bhya ekisi, bhutakusoroora abhaanu noorwo bhutari na obhwirimaanya.

1 Petero 5:3

Mwasiga okubha abhareefi abharuru ku‑bhanu omutangasya, tari rwa kutyo mwikaaye, mubhe echijekekanyo cha ekisi ku‑bheene.