1 Timoteo 4:1 - Indagano Inyaaya mu-Chijita

¹ Woori, Mwoyo Mweru kaayika abhwerubhweru ati, mu‑siku ja obhuteero, abhaanu abhandi bharisiga eriikirisya rya echimari, bharitegeresya emyoyo jinu ejiyabhya na bharigayuka ameeyigisyo ga amasyetaani.

INDAGANO INYA:YA

¹ Mbe Omwoyo ka:ikirira abweru ati, mu siku ja ku bute:ro aba:nu abandi bariso:ka mu kwikirisya, baryungwa emyoyo jinu ejiyabya, no kwiigisya kwa masambwa,

1 Timoteo 4:1 ပူးပေါင်းရင်းမြစ်များ

Matayo 18:7

Jiribhabhona emwe abhaanu bha echaaro chinu, ku‑songa ya okukora emisango jinu ejireterera abhaanu okukora ebhibhiibhi! Chimari ati amaregeejo agakenwa gabhe‑wo, nawe jiribhona omuunu unu arireterera amaregeejo ago!

Ruuka 17:1

Yeesu ˆnaabhwira abheeyigisibhwa bhaaye ati, “Amaregeejo ganu agakora abhaanu bhakore ebhibhiibhi, garibha‑wo ku‑siku joone. Nawe, jirimubhona omuunu unu arireterera amaregeejo ago.

Yowana 16:13

Mwoyo wa echimari oyo, aribha aaja kw‑imwe, aribhatangasya okusombookerwa echimari choone. Ataryayika ku‑bhuturo bhwaye omwene, tari aryayika jinu aryungwa na okubhabhwira jinu jirikorekana.

Ebikorwa 13:2

Bhunu bhaariga nibharamya Raatabhugenyi na okwiyima okurya ebhiryo, Mwoyo Mweru ˆnaabhabhwira ati, “Munsorere Bharinaabha na Saawuri ku‑mirimu jinu nibhabhirikiriiye.”

Ebikorwa 17:18

Niwo abhaanu abharebhe bha obhwengeeso bhanu bhaatogwaga ati Abhayepukiriyo, aamwi na Abhasitoyiko, nibhaamba okubhambasyanya na Pawuro na okurema emisango jaaye. Abhandi mu‑bheene nibhabhuusya ati, “Ni misango ki jinu omuromiromi unu kaayika?” Abhandi nibhaayika ati, “Eyibhonekana ati kaayikira inguru ya amasambwa ga echaaro echindi.” ꞉Bhaayikire kutyo kwa okubha Pawuro aabharaasisyaga inguru ya Yeesu na inguru ya okusuuruka mu‑bhafuuwe.

Ebikorwa 20:23

Enimenya ati, bhuri musi gunu enitura, Mwoyo Mweru kaanyeeresya ati, enija okweswa mw‑ibhoyero na enija okubhona jinyaako.

Ebikorwa 21:11

Omuragi oyo ˆnaachiija‑ko, ˆnaagega omuchipi gwa Pawuro, ˆneebhoya amaguru na amabhoko, ˆnaayika ati, “Mwoyo Mweru kaayika ati, ‘Kutya, nikwo Abhayawudi bha Yerusareemu abhaja okubhoya mwene omuchipi gunu, na abhaja okumutuura mu‑mabhoko ga abhaanu bhanu bhatari Bhayawudi.’”

Ebikorwa 28:25

Kurwa ejo, Abhayawudi abho nibhaamba okusooka‑wo bhateekirisyanyisye wuri abheene kwa abheene. Bhunu bhaariga nibhasooka‑wo, Pawuro ꞉aabhabhwiriiye ati, “Mwoyo Mweru ꞉aayikire echimari ˆnaabhwiraga bhasaaja weeswe, ku‑njira ya omuragi Iisaya ati,

1 Bakorinto 10:20

Wuri! Omusango gunu enaayika ni ati ebhyogo bhinu abhasoosya abhanyamanga, bhatakubhisoosisya Nyamuwanga, tari abhabhisoosisya amasambwa. Ka anye nitakwenda emwe musangire aamwi na amasambwa.

1 Bakorinto 11:19

Okwawukana ni bhusibhusi kubhe‑wo agati yeemwe, korereki bhanu bhari bha echimari bhamenyekane.

1 Bakorinto 12:11

Mwoyo oyooyo umwi kaakora emirimu ejo joone. Omwene kaayaana bhuri muunu echiyaanwa chaaye, rwa kutyo Mwoyo omwene keenda.

1 Bakorinto 2:10

Nawe eswe, Nyamuwanga ꞉aacheeresiisye ejo okutura ku‑Mwoyo Mweru, kwa okubha Mwoyo Mweru kaatatirisya joone, noorwo obhutinge bhwa Nyamuwanga bhunu bhubhisirwe.

2 Bakorinto 11:3

Nawe woori enuubhaya ati, rwa kutyo Aawa ꞉aajigirwe na injoka irya indigendige, na emwe wone mwasiga okujigwa, nimusiga okwenda Kirisito mu‑bhwiyikanyibhwa na omutima omweru.

Bakolosai 2:18

Bhari‑wo abhaanu bhanu abhakomeeresya muno emisango ja okwikeeya kwa anja na eja okuramya bhamaraayika. Mwasiga okubheekirisisya bhabhateesye echiyaanwa cheemwe. Abhaanu abho abheekuuya na okwayika ati bhaarora emisango ejo mu‑bhiroro. Nawe chimari, bhawosoosokere mu‑bhwiganirisya bhwebhwe obhubhiibhi kwa okubha ni bhwa echaaro.

2 Timoteo 3:13

Nawe bhanu abhakora ebhibhiibhi na abhajigi, bharigenderera okukora ebhibhiibhi muno, bharibhaga nibhajiga na okujigwa.

2 Timoteo 4:4

Bharisiga okutegeresya echimari echo na bhariruubha jingani ja abhaanu bha kara jinu jitari na obhugajuro bhwonebhwone.

Yakobo 3:15

Obhwengeeso bhwa imbaga eyo, bhutakusooka ku‑Nyamuwanga, tari ni bhwengeeso bhunyachaaro, bhunyamuunu na obhusooka ku‑Syetaani.

1 Petero 1:20

Echaaro noorwo chichaari okubhumbwa, Nyamuwanga omwene aariga aamarire okumwawura ku‑bhukarariiye obhwo. Nawe ˆnaarindirira okukingira jisiku ja obhuteero jinu, ˆnaamubhuurisya abhwerubhweru ku‑bhaanu bhoone. Ejo joone, ꞉jaakorekeene ku‑songa yeemwe.

2 Petero 2:1

Nawe omwanya gwa abharagi, ꞉bheebhukire abharagi abhabheeyi agati ya Abhayisirayeeri. Nikwo kutyo wone, abheeyigisya bha orubheeyi bhariibhuka agati yeemwe. Abhaanu abho, bhariyigisyaga ku‑bhurigerige ameeyigisyo ga okuyabhya abhaanu, noorwo bhariigaana Raatabhugenyi, unu abhagurire. Ku‑njira eyo, abheene bhariireetera bhwangu okusingaarika kwebhwe abheene.

2 Petero 3:3

Omusango gwa bhusibhusi gunu omukenwa mumenye ni ati, mu‑siku ja obhuteero, bhariija abhaanu abha okusiijaaka muno, bhanu bhariruubhaga okurigira kwebhwe okubhiibhi. Bharisiijaaka

1 Yoana 2:18

Abhaana abheendwa mu‑riikirisya, jisiku ja obhuteero jaakinga! Mwonguuwe ati omusoko wa Kirisito kaaja, noorwo woori abhasoko abhaafu bha Kirisito bheejire. Kutyo nikwo echimenya ati chiri mu‑siku ja obhuteero.

1 Yoana 4:6

Nawe eswe chiri bhaana bha Nyamuwanga. Omuunu woonewoone unu kaasombookerwa Nyamuwanga, keekirisya ameeyigisyo geeswe. Nawe unu atari mwana wa Nyamuwanga, atakugeekirisya. Nikwo kutyo echimenya obhutaasyanya bhwa abhaanu bhanu abhatangasibhwa na Mwoyo wa echimari, na bhanu abhatangasibhwa na mwoyo wa orubheeyi.

Yuuda 1:18

Bhaabhabhwiraga ati, “Mu‑siku ja obhuteero bhariibhuka abhaanu abha okusiijaaka, bhanu bhariruubhaga okurigira kwebhwe okubhiibhi.”

Yuuda 1:4

Enibhakaamira inyarubha inu, kwa okubha bhari‑wo abheeyigisya abharebhe bha orubheeyi bhanu bheeyingisiisye mw‑imwe bhumbise. Abhaanu abho, bhatakugayuka Nyamuwanga. Mu‑meeyigisyo gwebhwe, abhayindura obhwitiriranya bhwa Nyamuwanga weeswe, abhakora bhubhe rwa isonga ya okukora emisango ja orukubho. Ka wone, abheegaana Raatabhugenyi weeswe Yeesu Kirisito, omutangasya weeswe omukuru. Nawe okwambira kara jikaamirwe mu‑Bhikaame Ebhyeru ati, abhaanu abho, bhariramurwa rwa kutyo abhandi ꞉bhaaramuuywe.

Obhusweruro 13:14

Ku‑bhibharikisyo bhinu ꞉ryayaaywe okukora imbere ya rityanyi rya okwamba rirya, nirijiga abhaanu bha ku‑chaaro anu. Niribhwira abhaanu bhabhaaje risusano rya okuyaana echibharo rityanyi rya okwamba, rinu ꞉ryawutasiibhwe kwa imbanda, nawe niriwora, nirigenderera okwikara.

Obhusweruro 16:14

Amasambwa ago, gaariga gari na obhuturo bhwa okukora ebhibharikisyo na emirimu jaago ni kugenda ku‑bhakama bhoone ku‑chaaro na okubhakumanya, korereki bhakore riremo ku‑rusuku rurya orukuru rwa risungu rya Nyamuwanga owa obhuturo bhwone.

Obhusweruro 18:2

ˆNaamura obhuraka bhunene muno, ˆnaayika ati, “Gwasingaarika! Omusi omukuru gwa Bhaabheeri gwasingaarika! Woori gwabha obhwikaro bhwa okwiyibhisa‑mo amasambwa ga bhuri mbaga. Gwabha obhwigamo bhwa bhuri inyonyi joone jimbiibhi na jinu ejifuruurusya.

Obhusweruro 18:23

Idara itaryaka rindi. Noorwo bhutaribha‑wo obhuregesi bhwa omutwasi noorwo bhwa omwenga. Omusi gwa Bhaabheeri gurikorwa kutyo kwa okubha abhakaani bha ebhiinu bhyagwo bhaariga bhari abhaanu abhakuru bha echaaro. Ku‑bhurosi bhwa omusi ogwo, amaanga goone gajigirwe.

Obhusweruro 19:20

Nawe rityanyi, aamwi na omuragi omubheeyi unu ꞉aakorere ebhibharikisyo ku‑songa ya rityanyi eryo, ꞉bhaagwatirwe ngwatwa. Ku‑njira ya ebhiruguusyo bhinu omuragi oyo ꞉aakorere, aariga ajigire abhaanu bhanu bhaariga bhateeywe‑ko orunabho rwa rityanyi eryo na okuramya risusano ryaryo. Bhoone ku‑bhubhiri bhwebhwe nibheeswa bhari bhaanga mu‑nyanja ya omuriro omururu gwa emisimu ja echibhiriiti.

Obhusweruro 2:11

Unu kaategeresya, noongwe emisango jinu Mwoyo Mweru kaabhwira amakanisa. Omuunu woonewoone unu ariyiga, atarikuunibhwa‑ko noorwo kutooto na orufu rwa kabhiri. Orufu orwo nirwo omuriro gwa akajaanende koone.

Obhusweruro 2:17

Unu kaategeresya, noongwe emisango jinu Mwoyo Mweru kaabhwira amakanisa. Omuunu woonewoone unu ariyiga, nirimuyaana ribhaara rya ebhiryo bhya emanu inu ibhisirwe. Nirimuyaana wone ribhuyi eryeru. Ribhuyi eryo rikaamirwe‑ko risiina riyaaya. Atari‑wo omuunu unu arimenya risiina eryo, tari unu ariyaanwa ribhuyi eryo.

Obhusweruro 2:29

Unu kaategeresya, noongwe emisango jinu Mwoyo Mweru kaabhwira amakanisa.”

Obhusweruro 2:7

Unu kaategeresya, noongwe emisango jinu Mwoyo Mweru kaabhwira amakanisa. Woonewoone unu ariyiga, nirimwikirisisya okurya amatwasyo ga riiti rinu erisoosya obhuwanga bhwa akajaanende koone. Riiti eryo riri mu‑rwire mw‑isambu rya Nyamuwanga.

Obhusweruro 20:10

Syetaani unu aabhajigaga, aryeswa mu‑nyanja ya omuriro omururu gwa emisimu ja echibhiriiti. Omwo nimwo ꞉ryeeserwe rityanyi rirya na omuragi omubheeyi urya. Abho bhoone bharinyaasibhwa omwo mu‑ngeta na mu‑mwisi, akajaanende koone.

Obhusweruro 20:8

Mbe, omwanya gunu ariigurirwa, arigenda okujiga amaanga mbaara joone ja echaaro, ganu agatogwa Googu na Amagogi. Syetaani aribhakofya korereki bharwane riremo, wone bharibha abharuubhirisya bhaafu rwa omusenyi gwa inyanja.

Obhusweruro 3:13

Unu kaategeresya, noongwe emisango jinu Mwoyo Mweru kaabhwira amakanisa.

Obhusweruro 3:22

Unu kaategeresya, noongwe emisango jinu Mwoyo Mweru kaabhwira amakanisa.”

Obhusweruro 3:6

Unu kaategeresya, noongwe emisango jinu Mwoyo Mweru kaabhwira amakanisa.

Obhusweruro 9:20

Abhaanu bhanu ꞉bhataafuuwe ku‑tambara jinu ꞉jaabhwene abheejaabho, ꞉bhataataaye ebhibhiibhi bhyebhwe. ꞉Bhaagendereeye okuramirisya amasambwa na amasusano ga inaaryo, jipirya, isyabha, amabhuyi na jimbawu ganu ꞉bhaakonjere abheene. Amasusano ago gatakurora, gatakungwa, noorwo gatakuribhata.