1 Timoteo 3:7 - Indagano Inyaaya mu-Chijita

⁷ Tari, abhe omuunu unu kaayikwa kisi noorwo na bhanyateekirisya, korereki aasiga okwayikwa kubhiibhi na okukomwa mu‑rutuura rwa Syetaani.

INDAGANO INYA:YA

⁷ Kumwiire one okwaikwaga kisi na be mwira, asiga kugwa mu kufumwa na mu mutego gwa Syetani.

1 Timoteo 3:7 ပူးပေါင်းရင်းမြစ်များ

Mariko 4:11

ˆNaabhasubhya ati, “Emwe muyaaywe okusombookerwa emisango jinu jiri mbisike inguru ya obhukama bhwa Nyamuwanga. Nawe abhaanu bhanu bhatakunduubha, enibhabhwira joone ku‑bhijekekanyo,

Ebikorwa 10:22

Nibhamubhwira ati, “Chaatumwa na omwangarisi umwi wa abhasirikare, risiina ryaye ni Koroneeriyo. Omwene ni muunu wa obhurengeresi na kaagayuka Nyamuwanga, ka wone kaakuuyibhwa na Abhayawudi bhoone ati ni muunu wa ekisi. ꞉Aabhwiriiywe na maraayika omweru ati, akukume iika ewaaye, korereki ategeresye emisango jinu owuja okumubhwira.”

Ebikorwa 22:12

“Damaasiko awo, aariga ari‑wo omuunu umwi, risiina ryaye aatogwaga Ananiiya. Omwene aariga ˆneekomeesya muno okugayuka ebhiraagiro bhyeswe. Ka wone, Abhayawudi abhaafu bheende eyo bhaamukuuyaga ati aariga ari muunu wa ekisi.

Ebikorwa 6:3

Woori, abhayiri bhaasu, mwawure abhaanu bhataanu na bhabhiri bha echirume agati yeemwe, abha jitungwa ja kisi, bhanu bheejuuywe Mwoyo Mweru na obhwengeeso. Abho echija okubhayaana emirimu ejo,

1 Bakorinto 10:32

Mwasiga okubha echiikuujuro ku‑Bhayawudi, ku‑bhaanu bhanu bhatari Bhayawudi, noorwo mw‑ikanisa rya Nyamuwanga.

1 Bakorinto 5:12

Mbe woori, gutari murimu gwani okuramura bhanu bhatari bheekirisya. Abho Nyamuwanga omwene niwe aribharamura. Nawe emwe mwiyire okuramura bhanu bhari mw‑ikanisa, rwa kutyo jikaamirwe mu‑Bhikaame Ebhyeru ati, “Mubhirimye omuunu omubhiibhi asooke mw‑imwe.”

2 Bakorinto 6:3

Chitakukorera omuunu woonewoone omusango gwonegwone gunu ogumureterera okwikuujura, korereki obhukosi bhweswe bhwasiga okwayikwa kubhiibhi.

2 Bakorinto 8:21

Obhukarariiye bhweswe, ni kukora jinu jiri ja ekisi, jitari imbere ya Raatabhugenyi era, nawe na imbere ya abhaanu wone.

Bakolosai 4:5

Mubhe na obhwengeeso mu‑bhungwani bhwemwe na abhaanu bhanu bhachaari okwikirisya Yeesu. Bhuri mwanya, mukorega ja ekisi.

1 Batesalonika 4:12

Mukakora kutyo, omubha abhaanu bha jitungwa ja ekisi imbere ya abhaanu bhanu bhatari bheekirisya. Ka wone mutariisiga ebhiinu bhya abhaanu abhandi.

1 Batesalonika 5:22

ka mwikenge obhubhiibhi bhwone bhwa bhuri mbaga.

1 Timoteo 3:6

Ka wone, asige okubha omuunu unu aamamara okuchunguka, korereki aasiga okwikuuya. Okwikuuya okwo okutura okumukora aramurwe rwa kutyo Syetaani ꞉aaramuuywe.

1 Timoteo 5:14

Woori, anye enikena abhatumbagasi abhasigaji, bhabhe nibhatwarwa, bheebhure abhaana na okwangarira jinyuumba jeebhwe abheene, korereki abhasoko bheeswe bhaasiga okuchayika kubhiibhi.

1 Timoteo 6:9

Nawe abhaanu bhanu bhari na obhurigire bhwa obhuniibhi, abhagwa mu‑maregeejo, nibhakomwa mu‑tuura na mu‑namba nyafu ja obhutaamutaamu. Obhurigire obhwo obhubhanyamura okukingira bhasingaarisibhwe.

2 Timoteo 2:26

Niwo, obhwenge bhwebhwe bhubhasubhire, bhachunguke okusooka mu‑rutuura rwa Syetaani. Omwene abhagwatire, korereki bhabhe nibhakora eryenda ryaye.

Tiito 2:5

Ka wone, abhagasi abhatooto, bheeyingirire, bhabhe bheetongeeye, bhakorega kisi emirimu mu‑misi jeebhwe, bhagayuke abharume bheebhwe. Bhakomeeresye bhakore kutyo, korereki omusango gwa Nyamuwanga gusige okwifumirisibhwa.

Tiito 2:8

Ameeyigisyo gaawo gabhe ga echimari ganu abhaanu bhatakubhona‑mo echikayo choonechoone. Noorwo omuunu unu kaabha atakwimire‑ko eesware, kwa okubha, atari na omusango gwonegwone omubhiibhi gwa okwayika inguru yeeswe.

3 Yoana 1:12

Abhaanu bhoone abhakuuya Demetiriiyo, abhaayika ati ni muunu wa ekisi. Kaaruubha echimari cha Nyamuwanga mu‑bhurame bhwaye. Noorwo eswe wone, echaayika ati ni muunu wa ekisi. Awe omwene, owumenya ati obhubhambaasi bhweswe ni bhwa echimari.