1 Timoteo 3:1 - Indagano Inyaaya mu-Chijita

¹ Omusango gunu ni gwa echimari, “Omuunu unu keegomba emirimu ja okubha omwangarisi wa rikanisa, oyo keegomba emirimu ja ekisi.”

INDAGANO INYA:YA

¹ Gunu nigwo omusango mwiikanybwa ati, omu:nu akenda oburo:ji kenda omurimu gwo bwana.

1 Timoteo 3:1 ပူးပေါင်းရင်းမြစ်များ

Ruuka 15:10

“Enibhabhwira ati, nikwo kutyo Nyamuwanga kaakonderwa imbere ya bhamaraayika, araabha omuunu umwi owa ebhibhiibhi akata ebhibhiibhi bhyaye na okubhisiga.”

Ebikorwa 1:20

Mbe, Peetero ˆnaagenderera okwayika ati, “Emisango ejo ejimenyekana mu‑chitabho cha Ijabhuri ati, ‘Inju yaaye ribhe etongo, aasiga okubha‑wo omuunu unu arisigara omwo.’ “Ka wone, ikaamirwe ati, ‘Omurimu gwaye gwa okutangasya, ayaanwe omuunu owundi.’

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

Barumi 11:13

Woori, enaayika na emwe bhanu mutari Bhayisirayeeri. Chimari Nyamuwanga ꞉aantumire nibhe itumwa inguru ya abhaanu bhanu bhatari Bhayisirayeeri. Enikusya emirimu jinu niyaaywe,

Baefeso 4:12

꞉Aabhateeye‑wo bhakore abheeru bha Nyamuwanga bhabhe bhatengeejere inguru ya emirimu ja obhukosi, korereki rikanisa rya Kirisito ryumbakwe, eryo nigwo omubhiri gwaye.

Bafilipi 1:1

Inyarubha inu, niikaamire anye Pawuro, niri aamwi na Timoteewo, omukosi weejaasu wa Kirisito Yeesu. Echikaamira abhaangarisi na abhasakisi bha rikanisa, na emwe abheeru bhoone bha Nyamuwanga Firiipi eyo, bhanu muri na obhumwi na Kirisito Yeesu.

1 Batesalonika 5:14

Emwe, abhayiri bheeswe, echibheerembeeresya mugonye abharenga na musimbiisye bhoone bhanu bhafuuwe emitima. Ka wone musakire bhanu bhatari na amanaga na mubhe na obhwigumiirisya ku‑bhaanu bhoone.

1 Timoteo 1:15

Omusango gunu ni gwa echimari na gwiyire okwikirisibhwa ati, “Kirisito Yeesu ꞉eejire mu‑chaaro, korereki achungure abha ebhibhiibhi.” Anye niri owa ebhibhiibhi okukira abho bhoone.

1 Timoteo 4:9

Omusango ogwo ni gwa echimari na gwiyire okwikirisibhwa.

2 Timoteo 2:11

Omusango gunu ni gwa echimari ati, “Araabha chifuuwe aamwi na Kirisito, wone echija okubha abhaanga aamwi nage.

Tiito 1:7

Okubha omukaruka wa rikanisa, ni mwangarisi wa emirimu ja Nyamuwanga. Kutyo, kaakenʼywa abhe muunu unu atari‑ko esoro. Asige okubha na echigundu, asige okubha na risungu, asige okubha omukorwa, asige okubha omurwani, ka wone asige okubha na inamba imbiibhi ya okubhona jipirya.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.

Baeburania 12:15

Mwiyangarirega, korereki omuunu woonewoone aasiga okugerukirwa obhwitiriranya bhwa Nyamuwanga. Ka wone, aasiga okwibhuka omuunu agati yeemwe unu ari rwa riiti riruru. Omuunu rwa oyo kaja okubhanyaasya, na okujabhiyasya abhaanu bhaafu.

1 Petero 2:25

Okubha mwariga muri rwa jinaama jinu jibhurire, nawe woori, mwasubhire ku‑Mureefi na ku‑Mwangarisi wa emyoyo jeemwe.

1 Petero 4:15

Nawe, omuunu woonewoone kw‑imwe aasiga okunyaasibhwa kwa okubha ati ni mwiti, ni mwifi, ni mukosi wa ebhibhiibhi amwi omusokanya wa abhaanu.

1 Petero 5:2

mubhe abhareefi bha ekisi ku‑bheekirisya bhanu ꞉mwayaaywe na Nyamuwanga. Ka wone, mubhaangarire mu‑mutima gwa ekisi, kutari kwa okusinyiirisibhwa, kutyo nikwo Nyamuwanga keenda. Musige okukora emirimu jeemwe kwa okurigira jipirya, tari okusooka mu‑mitima jeemwe joone.