1 Timoteo 2:1 - Indagano Inyaaya mu-Chijita

¹ Nyabharinyabhari, enibhakomeeresya mukore risabhwa rya bhuri mbaga inguru ya abhaanu bhoone. Musabhwe Nyamuwanga asakire na okuyaana abhaanu bhoone amabhando. Ka wone, mumubhwire kutyo omumusiima inguru ya abhaanu abho bhoone.

INDAGANO INYA:YA

¹ Mbe, kukira byone, enibakomeresya ati, mubaremberesisye bo:ne aamwi no kusabwa, no kutongerera, no kusi:ma.

1 Timoteo 2:1 ပူးပေါင်းရင်းမြစ်များ

Ebikorwa 17:30

Kara awo, abhaanu bhaariga nibhakora ejo mu‑bhumuumu, Nyamuwanga aariga atakuringira obhumuumu obhwo. Nawe woori, kaabhwira abhaanu bhoone bha bhuri rubhaara ati bhasige ebhibhiibhi bhyebhwe.

Barumi 1:8

Nyabharinyabhari, enisiima Nyamuwanga okutura ku‑Yeesu Kirisito, inguru yeemwe bhoone, kwa okubha emisango inguru ya eriikirisya ryemwe ejimenyekana mu‑chaaro choone.

Barumi 6:17

Kara, emwe mwariga muri bhagaya bha echibhiibhi. Nawe enisiima Nyamuwanga, kwa okubha woori mweekirisya na emyoyo jeemwe joone okugayuka ameeyigisyo ga echimari ganu ꞉mwaramiiye.

1 Bakorinto 15:3

Ameeyigisyo ga bhusibhusi ganu anye ꞉naaramiiye, nigo ꞉naabheeyigisiisye ati, Kirisito ꞉aafuuwe inguru ya ebhibhiibhi bhyeswe, rwa kutyo jikaamirwe mu‑Bhikaame Ebhyeru.

2 Bakorinto 8:6

Kurwa ejo, ꞉cheerembeeresiisye Tiito ati, aaje abhasakire okumara omurimu gwa obhwitiriranya ogwo, kwa okubha niwe ꞉aagwambisiisye kw‑imwe.

Baefeso 3:13

Kutyo, enibhasabhwa mwasiga okufwa omutima ku‑nyaako jinu ejimbona. Eninyaaka kutya inguru yeemwe, korereki emwe mubhone rikusyo.

Baefeso 5:20

Bhuri rusuku, kw‑isiina rya Raatabhugenyi weeswe Yeesu Kirisito, musiimega Raata Nyamuwanga ku‑bhuri chiinu.

Baefeso 6:18

Musabhwe Nyamuwanga omwanya gwone nimutangasibhwaga na Mwoyo Mweru. Mumusabhwe na okumwirembeeresya bhunyatayigwa ku‑bhuri musango. Ka wone, mugenderere okusabhirwa abheeru bha Nyamuwanga bhoone.

Bafilipi 1:3

Bhuri mwanya nikabheechuka, enisiima Nyamuwanga waani.

Bafilipi 4:6

Musige okusurumbara inguru ya echiinu choonechoone, tari mu‑joone, musabhwe Nyamuwanga, mumwirembeeresye aamwi na okumusiima. Obhukene bhwemwe bhumenyekane ku‑mwene.

1 Batesalonika 3:12

Raatabhugenyi abhoongesye eryenda, korereki mugenderere okwendana muno emwe abheene kwa abheene, mwende wone abhaanu abhandi bhoone, rwa kutyo eswe wone echibheenda.

2 Batesalonika 1:3

Woori, abhayiri bheeswe, echikenwa chisiime Nyamuwanga bhuri rusuku ku‑songa yeemwe. Jiiyire chikore kutyo, kwa okubha eriikirisya ryemwe eriiyongesya muno, ka wone, eryenda ryemwe erigenderera okwiyongesya kw‑imwe abheene kwa abheene.

1 Timoteo 2:4

Nyamuwanga keenda abhaanu bhoone bhachungurwe na okumenya echimari.

1 Timoteo 5:5

Omutumbagasi wa echimari unu atari na omuunu wa okumusakira, oyo keeyikanya Nyamuwanga, kaamuramya na okusabhwa obhusakisi ku‑mwene mu‑ngeta na mu‑mwisi.

2 Timoteo 2:24

Ka wone, omukosi wa Raatabhugenyi ateeyire abhe omuunu wa inyombo. Nawe abhe omwigumiirisya, omworooro ku‑bhaanu bhoone na unu kaamenya okwiyigisya kisi.

Tiito 2:11

Okubha obhwitiriranya bhwa Nyamuwanga bhunu obhureeta obhuchungusi ku‑bhaanu bhoone bhwasweruuywe.

Tiito 3:2

Bhatongere bhasige okufuma omuunu woonewoone, bhasigega okuyomba, bhabhe na jitungwa ja ekisi na bhabhe bhoorooro muno ku‑bhaanu bhoone.

Baeburania 6:11

Eniigomba muno ati bhuri umwi weemwe eeresyega okwikomeesya okwookwo okukingira ku‑bhuteero, korereki muramire joone jinu omwiyikanya.

Yakobo 5:16

Kurwa ejo, bhuri umwi weemwe abhe ˆnaata ebhibhiibhi bhyaye ku‑weejaabho na okusabhirana ku‑Nyamuwanga korereki muwosibhwe amarwara geemwe. Risabhwa rya omuunu omurengeresi riri na obhuturo na erikora emirimu.