1 Timoteo 1:9 - Indagano Inyaaya mu-Chijita

⁹ Wone jiiyire okumenya ati, ebhiraagiro bhitateeywe‑wo inguru ya abharengeresi, tari inguru ya bhanu abhanyamura ebhiraagiro na inguru ya bhanyatagayuka, ku‑bhanu bhatakuramya Nyamuwanga na ku‑bhakosi bha ebhibhiibhi, ku‑bhanu bhatari na mitima myeru na ku‑bhajabhi, ku‑bhanu abheeta bheesemwene, bhanyiramwene na ku‑bheeti bha abhaanu,

INDAGANO INYA:YA

⁹ Cimenyere ati, ebiragiro bitatereyweo barenge:resi, nawe banu batari barenge:resi na be:koti, banu bataku:baya Nyamuanga na be bibi:bi, banu bate:rere na banu abarema Nyamuanga, banu abe:ta be:semwene na banyiramwene, na be:ti ba ba:nu,

1 Timoteo 1:9 ပူးပေါင်းရင်းမြစ်များ

Matayo 10:21

“Ku‑mwanya ogwo, omuunu wa inda imwi, ariromera iniku owaabho, korereki eetwe. Ka wone, omwibhusi wa echirume ariromera iniku omwana waaye, korereki eetwe. Abhaana wone bhatarigayuka abheebhusi bheebhwe na okureterera abheebhusi bheebhwe bheetwe.

Barumi 1:30

abha amafumo, na bhasokere Nyamuwanga. Bhatakwigana emisango ja abheejaabho, ka wone ni bhaanu bha okwikumangya na okwikuuya. Bhuri mwanya abhayenja injira inyaaya ya okukora ebhibhiibhi. Bhatakugayuka abheebhusi bheebhwe,

Barumi 4:13

Nyamuwanga ꞉aaragire Bhurayimu na abhaanu bha orwibhuro rwaye ati, aribhayaana echaaro choone okubha omwandu gwebhwe. Nyamuwanga ꞉ataabharagire kutyo kwa okubha Bhurayimu aariga ˆnaakuumisya ebhiraagiro, tari kwa okubha aariga ˆneekirisya Nyamuwanga na omurago gwaye. Niwo ˆnaabharwa okubha omurengeresi imbere ya Nyamuwanga.

Barumi 5:20

Ebhiraagiro bhya Muusa ꞉bhyejire, nibhireterera ebhibhiibhi okwiyongesya. Noorwo kutyo, omwanya gunu ebhibhiibhi ꞉bhyeyongesiisye, obhwitiriranya bhwa Nyamuwanga wone nibhugenderera okwiyongesya muno.

Barumi 6:14

Echibhiibhi chitaribhatunga rindi, kwa okubha mutakutangasibhwa na obhuturo bhwa ebhiraagiro, tari omutangasibhwa na obhwitiriranya bhwa Nyamuwanga.

Bagalatia 3:19

Woori, ebhiraagiro bhiri na emirimu ki? Ebhiraagiro ꞉bhyateeywe‑wo inguru ya bhunyatagayuka bhwa abhaanu. ꞉Bhyateeywe‑wo okukingira anu ariija omwibhurwa wa Bhurayimu, unu Nyamuwanga ꞉aaragire ati ariija. Ebhiraagiro ebhyo, Nyamuwanga ꞉aayaaye Muusa okutura ku‑bhamaraayika, na Muusa ˆnaabha omugwatanya agati ya Nyamuwanga na abhaanu bhaaye.

Bagalatia 5:18

Araabha omutangasibhwa na Mwoyo Mweru, mutaritungwa na ebhiraagiro rwa abhagaya.

Bagalatia 5:21

orwiso, obhukorwa, obhunanamba na jinu jiri rwa ejo. Enibhabhwira rindi rwa kutyo naariga naabhabhwiriiye ati, abhaanu bhanu abhakora emisango ejo, bhataribha na omwandu gwonegwone mu‑bhukama bhwa Nyamuwanga.

Bagalatia 5:23

obhworooro na okwiyingirira. Chitari‑wo echiraagiro chinu echiyingirira omuunu asige okukora emisango ejo.

2 Batesalonika 2:8

Awo niwo Omunyamusi oyo arituurwa abhweru. Nawe Raatabhugenyi Yeesu aribha aasubha rindi, arimwita na omwika gwa mu‑kanwa kaaye na arimusingaarisya na rikusyo rya okuuja kwaye.

1 Timoteo 4:7

Awe usige chimwi jingani ja abhaanu bha kara jinu jitari na obhugajuro bhwonebhwone, nawe wiikomeesye siku joone okwikara rwa kutyo Nyamuwanga keenda.

1 Timoteo 6:20

Timoteewo wangarire kisi echimari chinu Nyamuwanga akuyaaye. Wiikenge na emisango emijabhi jinu jitari na obhugajuro na jimamba ja echitaamutaamu, kwa okubha bhitakureeta echibharo ku‑Nyamuwanga. Abhaanu abhandi, abhatoga emisango ejo ati ni obhusombookerwa, nawe chimari bhutari obhusombookerwa.

2 Timoteo 2:16

Wiikenge na emisango emijabhi jinu jitari na obhugajuro bhwonebhwone na jinu jitakuyaana Nyamuwanga rikusyo. Okubha ejo ejisoosya abhaanu ku‑mwene nijibhasira kura muno.

2 Timoteo 3:2

Omwanya ogwo, abhaanu bharibhaga nibheeyenda abheene, bharibhaga nibheegomba jiyera, bharibhaga abha orwikuuya, bharibhaga abha echigundu, bharibhaga abhafumi, bharibhaga bhatakuyaana abheebhusi bheebhwe echibharo, bhataribha na risiima, bhataribha na emitima myeru.

Tiito 1:10

Okubha bhari‑wo abhaanu bhaafu bhanyatagayuka, abhaayika emisango jinu jitari na obhugajuro bhwonebhwone, ni bhajigi, chimwichimwi, abhaanu bhanu abhakomeeresya jitungwa ja Echiyawudi. Abhaanu abho ni bhusibhusi bhagaanyibhwe okwiyigisya.

Tiito 1:16

Abheene abhaayika ati bhamenyere Nyamuwanga, nawe ebhikorwa bhyebhwe ebhyeresya ati abhamwigaana. Abho ni bhaanu bhanu abhafuruurusya muno, ni bhanyatagayuka, bhateeyire ku‑bhikorwa bhyonebhyone bhya ekisi.

Tiito 1:6

Bhuri mukaruka wa rikanisa, akenerwe okubha omuunu unu atari‑ko esoro. Abhe murume wa omugasi umwi era, abhaana bhaaye bhabhe abheekirisya, bhasige okubha abhanyamusi bha jipirya noorwo bhanyatagayuka.

Tiito 3:3

Okubha eswe wone, kara awo chaariga chiri bhataamutaamu, bhanyatagayuka na chijigirwe. Chaariga chitungirwe na okurigira na jitungwa jimbiibhi ja bhuri mbaga. Nyabhuriko chaariga chiikaaye mu‑bhujabhi na orwiso, nichibhiiyisya na chisokeene eswe abheene kwa abheene.

Baeburania 11:31

Eriikirisya niryo ꞉ryakorere Raabhu, omugasi unu eegusyaga okwibhonera ribhona, ꞉ataasingaarisiibhwe aamwi na abhaanu bhanu bhaariga bhatakugayuka Nyamuwanga. ꞉Aawonere kwa okubha ꞉aakumire abhatatirisya Abhayisirayeeri iika ewaaye kwa omurembe.

Baeburania 12:16

Mwiyangarirega, korereki agati yeemwe aasiga okubha‑wo omuunu omuromesi amwi omuunu unu atakuyaana echibharo Nyamuwanga rwa kutyo Esawu aariga atakumuyaana. Omwene Esawu ꞉aagusiisye rirenga rya omwibhurwa wa obhubhere inguru ya riribhire rimwi era.

1 Petero 2:7

Kw‑imwe bhanu omwikirisya ribhuyi eryo, ni rya obhurambu bhunene. Nawe, ku‑bhanu bhatakwikirisya, “Ribhuyi rinu abhoombaki ꞉bhaaremere, niryo ryabha ribhuyi rinene rya orufuka.”

1 Petero 3:20

Emyoyo ejo, ni ja abhaanu bhanu ꞉bhataagayukire Nyamuwanga kara awo, omwanya gunu Nuuwu aariga achaakonja ingarabha. Nyamuwanga ꞉eegumiirisiisye ebhibhiibhi bhyebhwe okukingira omwanya gunu ingarabha ꞉yaamarirwe okukonjwa. Mu‑ngarabha omwo, nimwo ꞉bheengiiye abhaanu bhatooto era, abhaanu bhataanu na bhasatu, bhanu ꞉bhaawonere okusingaarika mu‑manji.

1 Petero 4:18

Jikaamirwe mu‑Bhikaame Ebhyeru ati, “Araabha ni kukomeeye ku‑bharengeresi okuchunguka, jiribha kutiki ku‑bha ebhibhiibhi, bhanyataramya Nyamuwanga?”

Yuuda 1:15

Kaaja korereki aramure abhaanu bhoone na okuyaana ebhitiibha bhanu bhatakugayuka Nyamuwanga inguru ya ebhikorwa bhyebhwe bhyone ebhibhiibhi, na inguru ya emisango emijabhi joone jinu abha ebhibhiibhi bhaayikire inguru yaaye.”

Obhusweruro 21:8

Nawe abhoobha, abhaanu bhanu bhatakwikirisya Nyamuwanga, bhanu abhamufuruurusya, abheeti, abharomesi, abharosi na bhanu abharamya amasusano, aamwi na abhabheeyi, bhoone abho orubhaara rwebhwe ni mu‑nyanja ya omuriro omururu gwa emisimu ja echibhiriiti. Okwo nikwo okufwa kwa kabhiri.”

Obhusweruro 22:15

Nawe, abharosi bhoone, abharomesi, abheeti, abhaanu bhanu abharamya amasusano na abhaanu bhoone bhanu abheenda okwayika orubheeyi, bharibha anja ya omusi ogwo rwa jimbwa.