1 Timoteo 1:4 - Indagano Inyaaya mu-Chijita

⁴ Ubhagaanye bhasige okugwatira jingani ja kara jinu jitari na obhugajuro na okwinyaasya na emiroobho ja amasiina ga bhasaaja ganu gatari na obhuteero. Emisango ejo joone ejireeta jimamba era, jitakusakira abhaanu okwikirisya Nyamuwanga, rwa kutyo bhuri obhutinge bhwaye bhwa okuchungura abhaanu.

INDAGANO INYA:YA

⁴ Amwi basigega kungwa sumo ne bitabo byo kwiburwa binu bitana bute:ro. Ebyo ebire:ta jimamba, nawe bitakusakira kumbaka kwa Nyamuanga kunu kuri mu kwikirisya.

1 Timoteo 1:4 ပူးပေါင်းရင်းမြစ်များ

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

Baefeso 3:2

Mwamarire okuungwa ati, Nyamuwanga anaaye obhukosi bhwa okuraasya obhwitiriranya bhwaye kw‑imwe.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

1 Timoteo 4:7

Awe usige chimwi jingani ja abhaanu bha kara jinu jitari na obhugajuro bhwonebhwone, nawe wiikomeesye siku joone okwikara rwa kutyo Nyamuwanga keenda.

1 Timoteo 6:11

Nawe awe, omuunu wa Nyamuwanga, wiiruke ejo. Uruubhega rirenga, okurama rwa kutyo Nyamuwanga keenda, eriikirisya, eryenda, okwigumiirisya na obhworooro.

1 Timoteo 6:20

Timoteewo wangarire kisi echimari chinu Nyamuwanga akuyaaye. Wiikenge na emisango emijabhi jinu jitari na obhugajuro na jimamba ja echitaamutaamu, kwa okubha bhitakureeta echibharo ku‑Nyamuwanga. Abhaanu abhandi, abhatoga emisango ejo ati ni obhusombookerwa, nawe chimari bhutari obhusombookerwa.

2 Timoteo 2:14

Wiichukye abheekirisya emisango ejo. Ubharagirire imbere ya Nyamuwanga, bhasige okubhambasyanya inguru ya emisango emitoototooto. Jimamba ejo jitari‑mo omuriiro, tari ejinyamura bhanu abhoongwa.

2 Timoteo 2:22

Wiiruke obhurigire bhwa echisigaji, uruubhega rirenga, eriikirisya, eryenda na omurembe. Ugwatirire ejo, aamwi na bhoone bhanu abhasabhwa Raatabhugenyi kwa omutima omweru.

2 Timoteo 2:23

Nawe wiikenge na jimamba ja echitaamutaamu, kwa okubha jitari‑mo omuriiro na owumenya ati ejo ejiibhura inyombo.

2 Timoteo 4:4

Bharisiga okutegeresya echimari echo na bhariruubha jingani ja abhaanu bha kara jinu jitari na obhugajuro bhwonebhwone.

Tiito 1:1

Inyarubha inu, niikaamire anye Pawuro, omukosi wa Nyamuwanga na itumwa ya Yeesu Kirisito. Nitumirwe okusimbiisya abhaanu bhanu Nyamuwanga asorere, korereki bhabhe na eriikirisya enene na bhamenye ameeyigisyo ga echimari inguru ya Kirisito. Ameeyigisyo ago, garibhakora okurama rwa kutyo Nyamuwanga keenda.

Tiito 1:14

Bhasige okutegeresya jingani ja Echiyawudi jinu jitari na obhugajuro bhwonebhwone na amaragiriro ga abhaanu bhanu bhasigire echimari.

Tiito 3:9

Nawe, wiikenge jimamba ja obhutaamutaamu, emiroobho ja amasiina ga bhasaaja, inyombo na riremo inguru ya ebhiraagiro bhya Muusa. Mu‑misango ejo joone gutari‑mo omuriiro gwonegwone.

Baeburania 13:9

Musigega okugegwagegwa na ameeyigisyo maafumaafu amagenyi, kwa okubha obhwitiriranya bhwa Nyamuwanga nibhwo obhurumatanya emyoyo jeemwe, noorwo bhitari ebhiraagiro inguru ya ebhiryo. Ebhiraagiro ebhyo bhitakusakira gwonegwone ku‑bhaanu bhanu abhabhiruubha.

2 Petero 1:16

Omwanya gunu chaariga nichiiyigisya kutyo ariija ku‑bhuturo bhwaye, Raatabhugenyi weeswe Yeesu Kirisito, chaariga chitakwiyikanya jingani ja kara jinu jikaamirwe kwa obhwenge. Tari eswe ꞉chaarorere rikusyo ryaye kwa ameeso geeswe abheene.