1 Petero 5:14 - Indagano Inyaaya mu-Chijita

¹⁴ Mukeesyanye mu‑ryenda rya echimari. Emwe bhanu mwikirisiisye Kirisito, omurembe gubhe aamwi na emwe bhoone.

INDAGANO INYA:YA

¹⁴ Muke:syanye no kunyunyana kwo kwenda. Omurembe gubega nemwe bo:ne banu bari mu Kristo.

1 Petero 5:14 ပူးပေါင်းရင်းမြစ်များ

Matayo 5:47

Ka wone, araabha omukeesya abheejaanyu era, omubha mukirire ki abhandi? Noorwo abhanyamanga wone, abhakeesya abheejaabho.

Yowana 14:27

Enibhasigira omurembe, omurembe gwani enibhayaana. Omurembe ogwo gutari rwa gunu ogusooka ku‑bhaanu bha ku‑chaaro kunu. Musige okusurumbara mu‑myoyo jeemwe, ka wone musige okuubhaya choonechoone.

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Yowana 20:19

Yejire yaakinga keegoro orusuku orwoorwo, abheeyigisibhwa bha Yeesu nibheekumanya mu‑nju imwi. Bhejire bheengira nibheegara jinjigi, isonga iri ati bhoobhayaga abhatangasya bha Abhayawudi. Noorwo kutyo jinjigi jaariga jigaaywe, Yeesu ˆnaabhonekana abhwerubhweru, na okwimereeguru agati yeebhwe, ˆnaabhabhwira ati, “Omurembe gubhe aamwi na emwe!”

Yowana 20:26

Jejire jaatura siku etaanu na esatu, abheeyigisibhwa bha Yeesu nibheekumanya aamwi rindi mu‑nju. Orusuku orwo Tomaasi wone aariga ari aamwi nabho. Bhaariga bheegaye jinjigi, nawe Yeesu ˆnaabhonekana abhwerubhweru, ˆneemereeguru agatigati yeebhwe, ˆnaabhakeesya ati, “Omurembe gubhe aamwi na emwe!”

Barumi 1:7

Enibhakaamira emwe abheekirisya bhoone bhanu muri Ruumi eyo. Nyamuwanga kaabheenda muno, na abhabhirikiiye, korereki mubhe abhaanu bhaaye abheeru. Obhwitiriranya na omurembe okusooka ku‑Nyamuwanga Raata weeswe, na ku‑Raatabhugenyi Yeesu Kirisito, bhibhe aamwi na emwe.

Barumi 16:16

Mukeesyanye mu‑ryenda rya Kirisito. Abheekirisya bha mu‑makanisa goone ga Kirisito, abhabhakeesya.

Barumi 8:1

Mbe woori, Nyamuwanga atariyaana ebhitiibha abhaanu bhanu bhari na obhumwi na Kirisito Yeesu.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

1 Bakorinto 16:20

Abheekirisya bhoone bhanu bhari anu, abhabhakeesya. Mukeesyanye mu‑ryenda rya Kirisito.

2 Bakorinto 13:12

Mukeesyanye mu‑ryenda rya Kirisito. Abheekirisya bhoone bhanu bhari anu, abhabhakeesya.

2 Bakorinto 5:17

Omuunu woonewoone unu ari na obhumwi na Kirisito, aabha echibhumbwa echiyaaya, emisango ja kara jaayitingʼeene, woori ni miyaaya!

Baefeso 6:23

Omurembe gubhe neemwe, emwe abhayiri bheeswe, na eryenda aamwi na eriikirisya, okusooka ku‑Raata Nyamuwanga na ku‑Raatabhugenyi Yeesu Kirisito.

1 Batesalonika 5:26

Mukeesye abhayiri bheeswe bhoone mu‑ryenda rya Kirisito.

1 Petero 1:2

Kara awo, Raata Nyamuwanga ꞉aatangatire okubhamenya, ˆnaabhasora, Mwoyo waaye ˆnaabhakora mubhe bheeru, korereki mugayuke Yeesu Kirisito na okwesibhwa mu‑sagama yaaye. Obhwitiriranya na omurembe okusooka ku‑Nyamuwanga bhyongesibhwe kw‑imwe.

3 Yoana 1:14

Tari, eniiyikanya okukugosorera bhwangu na okwayika aamwi na awe chibhuganganyiisye ameeso.