1 Petero 3:5 - Indagano Inyaaya mu-Chijita

⁵ Nikwo kutyo kara wone, abhagasi bhanu bhaariga nibheeyikanya Nyamuwanga, bheenojooryaga na okugayuka abharume bheebhwe.

INDAGANO INYA:YA

⁵ Okuba nikwo kutyo kara one abagasi abe:ru banu be:ikanyaga Nyamuanga kutyo be:cumaga, nibo:robera abarume bebwe.

1 Petero 3:5 ပူးပေါင်းရင်းမြစ်များ

Ruuka 2:37

ˆNaabha omutumbagasi, ˆnaakingira rikura rya miguuga makumi gataanu na gasatu na ena. Omugasi oyo, aasiibhaga mw‑Iyekaru, mwanya gundi aasabhwaga mu‑ngeta na mu‑mwisi kurya wuri.

Ebikorwa 1:14

Abho bhoone bhaariga nibheekomeesya okwikofyanya aamwi okusabhwa Nyamuwanga. Aamwi na abho, bhaariga bhari‑wo abhagasi abhandi na Maryamu nyiramwene Yeesu na abhamura bhaabho Yeesu.

Ebikorwa 9:36

Mu‑musi gwa Yoopa aariga ari‑mo omugasi umwi, omwiyigisibhwa wa Raatabhugenyi Yeesu, risiina ryaye aatogwaga Tabhiija, mu‑nyaayika ya Echiyunaani, risiina rinu ni Dorikaasi. Tabhiija aariga ˆnaasakira abhanare, na okukora ebhikorwa ebhindi bhya ekisi.

Baefeso 5:33

Mbe, enibhwira emwe bhoone ati, bhuri murume eende omugasi waaye rwa kutyo keeyenda omwene, na bhuri mugasi ni bhusibhusi ayaane omurume waaye echibharo.

1 Timoteo 2:10

Tari, bhakore ebhikorwa bhya ekisi, bhinu bhiiyire ku‑bhagasi bhanu bheekirisiisye okuramya Nyamuwanga.

1 Timoteo 2:15

Nawe omugasi arichungurwa ku‑njira ya orwibhuro rwaye, akagenderera okwikomeesya mu‑riikirisya, mu‑ryenda, mu‑bhweru na okwiyingirira.

1 Timoteo 5:10

Abhe omuunu wa jikuma ja ekisi, abhe eeyigisiisye abhaana bhaaye jitungwa ja ekisi, abhe akumire abhagenyi, abhe oosiisye abheeru amaguru, abhe asakiiye abhaanu bhanu bhari mu‑nyaako, ka wone, abhe eekomeesiisye okukora ebhikorwa bhyone bhya ekisi.

1 Timoteo 5:5

Omutumbagasi wa echimari unu atari na omuunu wa okumusakira, oyo keeyikanya Nyamuwanga, kaamuramya na okusabhwa obhusakisi ku‑mwene mu‑ngeta na mu‑mwisi.

Baeburania 11:11

Eriikirisya niryo ꞉ryakorere Saara ˆnaabhona obhuturo bhwa okujira inda na okwibhura omwana, noorwo kutyo aariga akokoowe, kwa okubha aariga ˆneekirisya ati Nyamuwanga kaakuumisya omurago gwaye.

1 Petero 1:3

Akusibhwe Nyamuwanga, Esemwene Raatabhugenyi weeswe Yeesu Kirisito. Ku‑chigongo chaaye echaafu, ꞉aachiibhuuye rwa kabhiri ku‑njira ya okusuurura Yeesu Kirisito okusooka mu‑bhafuuwe. Kurwa ejo, chibhwene obhwiyikanyo obhwa obhuwanga.