1 Petero 3:4 - Indagano Inyaaya mu-Chijita

⁴ Tari okwinojoorya kwemwe kwambire mu‑myoyo jeemwe, okwinojoorya okwo kutakunyamuka noorwo okukokora. Ogwo nigwo omwoyo gwa obhworooro na okufungʼama, nicho echiinu cha obhurambu obhunene ku‑Nyamuwanga.

INDAGANO INYA:YA

⁴ nawe bube bwo mu:nu unu abisirwe mu mutima, mwicume ne ci:nu rinu citakunyamuka, nigwo omwoyo mwororo no mucore:re, okuba ni gwa bugusi burambu imbere ya Nyamuanga.

1 Petero 3:4 ပူးပေါင်းရင်းမြစ်များ

Matayo 11:29

Anye niri mworooro, ka wone niri mwikeeya. Kurwa ejo, mwitwike ingurwema yaani, mwiyigire okusooka kw‑anye, niwo niribhayaana omurembe mu‑myoyo jeemwe.

Matayo 21:5

“Bhwira abhaanu bha omusi gwa Sayuuni ati, ‘Ringira, omukama weemwe kaaja kw‑imwe, ni mworooro, kaaja ariinyire ku‑sikiri, ka isikiri eyo ichaari chinyara.’”

Matayo 23:26

Emwe Abhafarisaayo abhawofu! Nyabharinyabhari mutangate mute ebhibhiibhi bhinu bhiri mu‑myoyo jeemwe, rwa kutyo omwosya obhukoote bhunu bhuri mu‑mutawo. Nikwo kutyo, ebhikorwa bhyemwe wone ebhija okubha bhya ekisi, rwa kutyo omutawo anja ogubha gwerere gukabha gwosiibhwe.

Matayo 5:5

Bhari na ribhando abhoorooro, kwa okubha Nyamuwanga aribhayaana echaaro choone.

Ruuka 11:40

Abhataamutaamu emwe! Omubhumbi wa omubhiri gwa anja, atari niwe omubhumbi wa omwoyo wone?

Ruuka 16:15

Kurwa ejo, Yeesu ˆnaabhabhwira ati, “Emwe, omwikora okubha abharengeresi imbere ya abhaanu. Nawe, Nyamuwanga amenyere emisango jinu jiri mu‑myoyo jeemwe. Okubha, emisango jinu abhaanu abharora ati ni ja kisi muno, ejo nijo ejifuruurusya Nyamuwanga muno!

Barumi 1:23

Bhasigire okuramya Nyamuwanga wa akajaanende koone, abharamya amasusano ga abhaanu bhanu abhafwa, amwi jityanyi, jinyonyi amwi jityanyi ejindi jinu ejiikurura.

Barumi 2:29

Wuri! Omuyawudi wa echimari ni unu kaagayuka Nyamuwanga kwa omwoyo gwaye gwone. Okutendwa kwa echimari okukorwa mu‑mwoyo na Mwoyo Mweru, kutari kwa okuruubha ebhiraagiro bhya Muusa. Omuunu rwa oyo, atakuramira jikuma okusooka ku‑bhaanu, tari arikuuywa na Nyamuwanga omwene.

Barumi 6:6

Echimenya ati bhumuunu bhweswe bhwa kara ꞉bhwafuuwe aamwi na Kirisito ku‑musarabha, korereki amanaga ga echibhiibhi mu‑myoyo jeeswe gaasiga okuchitunga rindi, na okuchikora chibhe abhagaya bha echibhiibhi.

Barumi 7:22

Ebhiraagiro bhya Nyamuwanga, enibhyenda kwa omwoyo gwani.

2 Bakorinto 10:1

Mbe, anye Pawuro omwene, enibheerembeeresya mu‑bhwikeeya na mu‑bhworooro bhwa Kirisito. Nawe abhaanu abhandi abhaayika ati, anye enibhaga mworooro omwanya gunu owubha niri aamwi na emwe na enibhaga omururu omwanya gunu owubha niri kura na emwe.

2 Bakorinto 4:16

Kutyo, chitakufwa omutima. Noorwo kutyo emibhiri jeeswe ejikokora, nawe mu‑myoyo jeeswe, Nyamuwanga kaachikora okubha abhayaaya siku joone.

Bagalatia 5:23

obhworooro na okwiyingirira. Chitari‑wo echiraagiro chinu echiyingirira omuunu asige okukora emisango ejo.

Baefeso 4:2

Mwikarega mu‑bhwikeeya bhwone na mu‑bhworooro, mwigumiirisyanyega na okwendana bhuri muunu na oweejaabho.

Bakolosai 3:12

Woori, kwa okubha emwe mwabha abhasorwa, abheeru na abheendwa bha Nyamuwanga, mubhe na omwoyo gwa echigongo, obhwa ekisi, obhwikeeya, obhworooro na obhwigumiirisya.

Bakolosai 3:3

kwa okubha mufuuwe na woori muramire aamwi na Kirisito imbere ya Nyamuwanga. Nawe obhurame bhwemwe bhunu muramire aamwi nage bhutakubhuurika ku‑bhaanu abhandi.

1 Batesalonika 4:11

Mwikomeesye okubha na omurembe mu‑myoyo jeemwe. Bhuri muunu agenderere na jifurubhendo jaaye, ka wone akore emirimu jaaye omwene, rwa kutyo ꞉chaabharagiriiye ku‑bhwambiro.

2 Batesalonika 3:12

Abhaanu abho echibharagirira na okubheerembeeresya kw‑isiina rya Raatabhugenyi Yeesu Kirisito ati, bhabhe nibhakora emirimu bhasimbiirire, korereki bharye ebhiryo bhyebhwe abheene.

1 Timoteo 2:2

Omukenwa okusabhirwa abhakama na abhatangasya abhandi bhoone, korereki chiikare na omurembe, nichikoraga rwa kutyo Nyamuwanga keenda na chiri na jitungwa ja ekisi.

2 Timoteo 2:25

Eenderwe abhe ˆnaatongeraga kwa obhworooro abhaanu bhanu abhabhambasyanya nage, ˆneeyikanyaga ati Nyamuwanga kaatura okukora bhate na okumenya echimari.

Tiito 3:2

Bhatongere bhasige okufuma omuunu woonewoone, bhasigega okuyomba, bhabhe na jitungwa ja ekisi na bhabhe bhoorooro muno ku‑bhaanu bhoone.

Yakobo 1:21

Kurwa ejo, musige ebhibhiibhi na ebhikorwa ebhibhiibhi bhyone. Mwikirisye kwa obhworooro omusango gunu Nyamuwanga ꞉aayambire mu‑myoyo jeemwe, kwa okubha ogwo, nigwo ogutura okubhachungura.

1 Petero 1:23

kwa okubha mwibhuuywe rwa kabhiri. Okwibhurwa okwo, kutakusooka ku‑bheesomwana, abheene abhafwa, tari mwibhuuywe kwa omusango omuwanga gwa Nyamuwanga, ogwene ogugenderere okubha gwa echimari akajaanende koone.

1 Petero 3:15

Ka wone, siku joone, mubhe mwimaririiye okusubhya omuunu woonewoone unu aribhabhuusya chinu omwiyikanya. Nawe mukore kutyo, mu‑bhworooro na echibharo.