1 Petero 3:14 - Indagano Inyaaya mu-Chijita

¹⁴ Nyamuwanga aribhayaana amabhando araabha omunyaaka kwa okubha omukora ja obhurengeresi. Kurwa ejo, musige okuyaya noorwo musige okuubhaya bhanu abhabhanyaasya, tari mukusye Raatabhugenyi Yeesu Kirisito mu‑myoyo jeemwe.

INDAGANO INYA:YA

¹⁴ Nawe mukanya:sibwa kurwo burenge:resi, mu na ribando. Muto:bayaga kukanga kwebwe, amwi mutawaga mwoyo.

1 Petero 3:14 ပူးပေါင်းရင်းမြစ်များ

Matayo 10:28

Mwasiga okuubhaya abhaanu bhanu abhatura okwita omubhiri era, nawe bhatakutura okwita omwoyo. Emwe muubhayega Nyamuwanga eenyere, kwa okubha omwene niwe kaatura okusingaarisya omubhiri na omwoyo mu‑muriro gwa akajaanende koone.

Matayo 10:31

Mbe, mwasiga okuubhaya, kwa okubha emwe muri na obhurambu obhunene okukira jimakuyure nyafu.

Matayo 10:39

Omuunu woonewoone unu keenda okwiwonʼya omwene, aribhusya obhuwanga bhwa akajaanende koone. Nawe omuunu woonewoone unu kaabhusya obhurame bhwaye inguru yaani, niwe aribhona obhuwanga bhwa akajaanende koone.

Matayo 16:25

Omuunu unu keenda okuwonʼya obhurame bhwaye omwene, niwe aribhusya obhuwanga bhwa akajaanende koone. Nawe omuunu unu kaabhusya obhurame bhwaye inguru yaani, niwe aribhona obhuwanga bhwa akajaanende koone.

Matayo 19:29

Mbe, omuunu woonewoone unu asigire inju yaaye, amwi abhamura bhaabho, amwi abhayara bhaabho, amwi esemwene, amwi nyiramwene, amwi abhaana bhaaye, amwi amabhwi inguru yaani, ariramira bhyone ku‑bhwafu muno. Aamwi na ejo, aribhona obhuwanga bhwa akajaanende koone.

Mariko 10:29

Niwo Yeesu ˆnaayika ati, “Ni chimari enibhabhwira ati, omuunu woonewoone unu asigire inju yaaye, amwi abhamura bhaabho, amwi abhayara bhaabho, amwi nyiramwene, amwi esemwene, amwi abhaana bhaaye, amwi amabhwi inguru yaani na inguru ya Emisango ja Ekisi,

Mariko 8:35

Omuunu unu keenda okuwonʼya obhurame bhwaye, aribhusya obhuwanga bhwa akajaanende koone. Nawe omuunu unu kaabhusya obhurame bhwaye inguru yaani na inguru ya Emisango ja Ekisi, aribhona obhuwanga bhwa akajaanende koone.

Yowana 14:1

Yeesu ˆnaagenderera okwiyigisya ˆnaayika ati, “Musige okusurumbara mu‑myoyo jeemwe, mwikirisye Nyamuwanga, ka wone munyiikirisye na anye.

Yowana 14:27

Enibhasigira omurembe, omurembe gwani enibhayaana. Omurembe ogwo gutari rwa gunu ogusooka ku‑bhaanu bha ku‑chaaro kunu. Musige okusurumbara mu‑myoyo jeemwe, ka wone musige okuubhaya choonechoone.

Ebikorwa 9:16

Anye omwene enija okumweresya kutyo arinyaasibhwa muno inguru ya risiina ryani.”

2 Bakorinto 12:10

Enikondererwa obhujorobhoke bhwani, ka wone enikondererwa amafumo, jimbuma, jinyaako, na ebhinyaasyo, bhinu ebhimbona inguru ya Kirisito. Enikondererwa, kwa okubha omwanya gunu enibha niri mujorobhoke, niwo enibha niri na amanaga.

Bafilipi 1:29

Okubha mutayaaywe echibharo cha okwikirisya Kirisito era, tari muyaaywe wone echibharo cha okunyaasibhwa ku‑songa yaaye.

Yakobo 1:12

Ari na ribhando omuunu unu keegumiirisya omwanya gunu kaaregeejibhwa, kwa okubha omwanya gunu ariyiga amaregeejo ago, Nyamuwanga arimuyaana orutengya rwa obhuwanga bhwa akajaanende runu ꞉aaragire okuyaana bhoone bhanu abhamwenda.

Yakobo 5:11

Rwa kutyo mumenyere, echibhatoga ati bhari na amabhando bhanu ꞉bheegumiirisiisye. ꞉Mwoonguuwe emisango jinu ꞉jaabhwene Ayubhu na kutyo ꞉eegumiirisiisye. Ka wone mumenyere emisango ja ekisi jinu Raatabhugenyi ꞉aamukoreeye ku‑bhuteero. Okubha Raatabhugenyi eejuuywe obhufura bhwafu na echigongo.

1 Petero 3:6

Owumwi wa abhagasi abho ni Saara omugasi wa Bhurayimu. Saara aariga ˆnaagayuka kisi omurume waaye, okukingira okumubhirikiraga ati, omwami waaye. Nyabhuriko, emwe wone, araabha omukora ja ekisi rwa omwene, okuubhaya echiinu choonechoone wuri, mbe woori, muri abhayaasya bhaaye.