1 Petero 2:24 - Indagano Inyaaya mu-Chijita

²⁴ Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.

INDAGANO INYA:YA

²⁴ Niwe agegere ebibi:bi byeswe kwiti mu mubiri gwae omwene, eswe banu cafu:ye ku bibi:bi korereki cibega baanga ku burenge:resi. Mwaonyibwe kurwa mauta gae.

1 Petero 2:24 ပူးပေါင်းရင်းမြစ်များ

Matayo 27:26

Niwo Piraato ˆnaabheegurira Bharaabha ku‑songa yeebhwe na okuragirira abhasirikare ati, bhabhume Yeesu na jijaridi, bhagende okumubhumiirira ku‑musarabha.

Matayo 5:20

Mbe, enibhabhwira ati, araabha obhurengeresi bhwemwe bhutakukira obhurengeresi bhwa Abhafarisaayo na obhwa abheeyigisya bha ebhiraagiro bhya Muusa, mutaringira noorwo na akatyari mu‑bhukama bhwa mu‑rwire.

Matayo 8:17

Ejo ꞉jaakorekeene korereki gukuumire omusango gunu ꞉gwayikirwe na omuragi Iisaya ati, “Omwene ꞉aagegere obhwasibhwa bhweswe, ꞉aawosiisye amarwara geeswe.”

Mariko 15:15

Piraato aariga neenda okukondisya echise cha abhaanu bharya, kutyo ˆnaabheegurira Bharaabha. ˆNaaragirira abhasirikare bhaaye bhabhume Yeesu jijaridi, bheeye bhamugege bhamubhumiirire ku‑musarabha.

Ruuka 4:18

“Mwoyo Mweru wa Raatabhugenyi Nyamuwanga, ari aamwi na anye. Aansorere, nibhega nindaasisya abhataka Emisango ja Ekisi. Aantumire ku‑bhaanu bhanu bhabhoyerwe, okubharaasisya ati abhaja okwigurirwa, na okubhwira abhawofu ati abhaja okurora, na niwonʼye abhaanu bhoone bhanu abhanyaasibhwa.

Yowana 1:29

Mwejo yende‑ko, Yowana ˆnaarora Yeesu ˆnaamuuja‑ko. ˆNaabhwira abhaanu bhanu bhaariga bhari awo ati, “Ringira, oyo niwe Omwana wa Inaama wa Nyamuwanga, unu kaasoosya‑wo ebhibhiibhi bhya abhaanu bhoone bha echaaro chinu!

Yowana 19:1

Mbe, Piraato ˆnaaragirira abhasirikare bhaaye ati bhagege Yeesu, bhamubhume na jijaridi.

Ebikorwa 10:35

Tari keekirisya abhaanu bha bhuri mw‑iyanga, bhanu abhamuramya na okukora obhurengeresi imbere yaaye.

Ebikorwa 10:39

“Eswe chiri abhabhambaasi bha joone jinu Yeesu ꞉aakorere mu‑chaaro cha Abhayawudi na Yerusareemu. Omwanya okutura abhaanu nibhamwita kwa okumusunga ku‑musarabha,

Ebikorwa 13:29

Bhejire bhaakuumisya joone jinu jikaamirwe inguru ya Yeesu, nibhamworomosya okusooka ku‑musarabha, nibhamutuura mu‑fwa.

Ebikorwa 5:30

Emwe ꞉mweetire Yeesu kwa okumubhamba ku‑musarabha, nawe Nyamuwanga wa bhasaaja weeswe ˆnaamusuurura.

Barumi 6:11

Emwe wone, mubhega nimwirora wuti ꞉mwafuuwe aamwi nage, na echibhiibhi chitakutura okubhatunga rindi. Kutyokutyo, mubhega nimwirora wuti woori muri bhaanga, na muramire inguru ya Nyamuwanga, kwa okubha na obhumwi na Kirisito Yeesu.

Barumi 6:13

Mwasiga okwikirisya ebhiwuga bhyonebhyone bhya emibhiri jeemwe bhikore emirimu inguru ya echibhiibhi rwa ebhikorero bhya obhujabhi, tari mwisoosye ku‑Nyamuwanga. Mwirore ati muri bhaanu bhanu bhasuuruuywe okusooka mu‑bhafuuwe, na okwingisibhwa mu‑bhuwanga obhuyaaya. Mwisoosye ku‑Nyamuwanga, na ebhiwuga bhyone bhya emibhiri jeemwe bhibhe nibhimukorera emirimu rwa ebhikorero bhya obhurengeresi.

Barumi 6:16

Mutakumenya ati, mukeesoosya ku‑muunu na okukora jinu keenda, niwo omubha nimumugayuka rwa abhagaya bhaaye? Mbe, araabha mukabha nimwisoosya okugayuka echibhiibhi, muribha abhagaya bha echibhiibhi, na amatwasyo gaacho ni rufu. Nawe mukabha nimwisoosya okugayuka Nyamuwanga, muribha abhakosi bha Nyamuwanga, na amatwasyo gaaye ni bhurame bhwa obhurengeresi.

Barumi 6:2

Wuri, noorwo na akatyari! Eswe chaabha rwa abhafuuwe ku‑misango ja okukora ebhibhiibhi. Kurwa ejo, chitakutura okugenderera okwikara rindi mu‑bhibhiibhi.

Barumi 6:22

Woori musuruumuuywe na Nyamuwanga okusooka mu‑bhugaya bhwemwe bhwa echibhiibhi. Ka wone, abhakorere okubha abhakosi bhaaye, na okuruubhana na ejo mubhwene omuriiro. Omuriiro ogwo ni kukorera emirimu Nyamuwanga kwa omwoyo gwone na ku‑bhuteero ni kuramira obhuwanga bhwa akajaanende koone.

Barumi 6:7

Omuunu akamara okufwa, aabha omuunu omwitaage chimwi okusooka mu‑managa ga echibhiibhi.

Barumi 7:6

Chaariga chibhoyerwe na ebhiraagiro, nawe woori chifuuwe aamwi na Kirisito, kutyo, ebhiraagiro ebhyo bhitakuchibhoya rindi. Woori chitakukorera Nyamuwanga ku‑njira ya kara ya okuruubha ebhiraagiro bhinu ꞉bhyakaamirwe, tari ku‑njira inyaaya ya okutangasibhwa na Mwoyo Mweru.

1 Bakorinto 15:3

Ameeyigisyo ga bhusibhusi ganu anye ꞉naaramiiye, nigo ꞉naabheeyigisiisye ati, Kirisito ꞉aafuuwe inguru ya ebhibhiibhi bhyeswe, rwa kutyo jikaamirwe mu‑Bhikaame Ebhyeru.

2 Bakorinto 6:17

Kurwa ejo, Raatabhugenyi wone ꞉aayikire ati, “Musooke agati yeebhwe, mwawukane nabho. Mwasiga okukuunʼya echiinu echijabhi, niwo anye niribharamira.”

Bagalatia 3:13

Kirisito ꞉aacheeruuye okusooka mu‑chiyiimo cha ebhiraagiro kwa okugega echiyiimo echo, inguru yeeswe. Ebhikaame Ebhyeru ebhyayika ati, “Woonewoone unu abhambirwe ku‑musarabha, eeyiimirwe.”

Baefeso 5:9

kwa okubha ritwasyo rya obhweru obhwo ni tungwa joone ja ekisi, obhurengeresi na echimari.

Bafilipi 1:11

Obhurame bhwemwe bhuriijura emisango ja rirenga jinu ejibhonekana ku‑njira ya Yeesu Kirisito. Ejo joone jirikumya Nyamuwanga na okumukusya.

Bakolosai 2:14

꞉Aariyire ribhanja rya ebhibhiibhi bhyeswe ku‑njira ya Yeesu okuchifwira ku‑musarabha. ꞉Aasoosiisye‑wo orukaamo rwa ebhiraagiro runu rwariga niruchibhuura, ˆnaarusoosya‑wo chimwi kwa okurubhumiirira ku‑musarabha.

Bakolosai 2:20

Emwe, ꞉mwafuuwe aamwi na Kirisito, kutyo ꞉aabhachunguuye okusooka ku‑bhutinge bhwa akatungiiywe bhwa echaaro chinu. Mbe, ni kurwa ki muchaagayuka ebhiraagiro bhyebhwe, na okwikara rwa abhaanu bha ku‑chaaro kunu? Ebhiraagiro ebhyo nibhyo bhinu,

Bakolosai 3:3

kwa okubha mufuuwe na woori muramire aamwi na Kirisito imbere ya Nyamuwanga. Nawe obhurame bhwemwe bhunu muramire aamwi nage bhutakubhuurika ku‑bhaanu abhandi.

Baeburania 10:10

Woori, kwa okubha Yeesu aariga ˆnaakora okwenda kwa Nyamuwanga, Nyamuwanga kaacheesya ebhibhiibhi bhyeswe ku‑njira ya Yeesu Kirisito okwisoosya rumwi okubha echoogo.

Baeburania 10:5

Kurwa ejo omwanya gunu Kirisito ꞉eejire ku‑chaaro chinu, ꞉aabhwiriiye Nyamuwanga ati, “Awe ꞉uteendere echiyaanwa noorwo echoogo, tari wiiraabhire omubhiri gwani okubha echoogo.

Baeburania 12:13

Muribhatega ku‑njira jinu jiimire, korereki echiinu chinu chifuuwe amaguru chaasiga okuwutaara, tari chiwosibhwe.

Baeburania 7:26

Omugabhisi Omukuru wa imbaga eyo keendwa muno kw‑iswe, kwa okubha omwene ni Mweru, atari na esoro, noorwo ꞉ataakorere echibhiibhi choonechoone. Nyamuwanga ꞉aamukindikire okusooka ku‑bhakosi bha ebhibhiibhi, ˆnaamwinamusya okuja mu‑rwire.

Baeburania 9:28

Nyabhuriko Kirisito ꞉aasoosiibhwe okubha echoogo rumwi era, korereki asoosye‑wo ebhibhiibhi bhya abhaanu bhaafu. Kirisito ariija rwa kabhiri, nawe omwanya ogwo atariija okusoosya‑wo ebhibhiibhi. Tari ariija okuchungura abhaanu bhanu abhamurindirira mu‑bhwikomeesya.

Yakobo 5:16

Kurwa ejo, bhuri umwi weemwe abhe ˆnaata ebhibhiibhi bhyaye ku‑weejaabho na okusabhirana ku‑Nyamuwanga korereki muwosibhwe amarwara geemwe. Risabhwa rya omuunu omurengeresi riri na obhuturo na erikora emirimu.

1 Yoana 2:29

Mumenyere ati Kirisito ni murengeresi. Kurwa ejo, mumenye ati, omuunu woonewoone unu kaakora ja rirenga, omwene ni mwana wa Nyamuwanga.

1 Yoana 3:7

Mbe, abhaana bhaani mu‑riikirisya, mwangarire korereki omuunu woonewoone aasiga okubhayabhya. Omuunu woonewoone unu kaakora ja rirenga, ni murengeresi, rwa kutyo Kirisito ari murengeresi.

Obhusweruro 22:2

Amanji ga omusima ogwo, gaawururaga nigatura agatigati ya riparapara rikuru rya omusi ogwo. Mbaara joone ja omusima ogwo, ryariga riri‑wo riiti rinu erisoosya obhuwanga bhwa akajaanende koone. Riiti eryo, ryatwasyaga amatwasyo kwiya rumwi ku‑kwesi na kwiya ekumi na ebhiri ku‑muguuga. Amasya ga riiti eryo ni muti gwa okuwosya amaanga.