1 Petero 2:17 - Indagano Inyaaya mu-Chijita

¹⁷ Muyaane echibharo abhaanu bhoone na mwende abheekirisya abheejaanyu. Mugayuke Nyamuwanga na muyaane echibharo omukama weemwe.

INDAGANO INYA:YA

¹⁷ Mubarega ba:nu bo:ne. Mwendega aba:su. Mu:bayega Nyamuanga. Mubarega omukama.

1 Petero 2:17 ပူးပေါင်းရင်းမြစ်များ

Matayo 22:21

Abheene nibhamusubhya ati, “Ni bhya Kayisaari.” Yeesu ˆnaabhabhwira ati, “Mbe, bhya Kayisaari, muyaane Kayisaari na ebhya Nyamuwanga, muyaane Nyamuwanga.”

Yowana 13:35

Araabha mukeendana, niwo abhaanu bhoone abhaja okumenya ati muri bheeyigisibhwa bhaani.”

Barumi 12:10

Mwendane abheene kwa abheene rwa abhayiri. Bhuri muunu eekomeesye okuyaana echibharo oweejaabho.

Barumi 13:7

Kurwa ejo, mukorerega abhatangasya abho emisango jinu bheeyire okukorerwa. Araabha omutongwa rigooti, mbe mutobhe rigooti eryo. Araabha omutongwa obhusuru, mbe muriye obhusuru obhwo. Araabha omwendwa okuyaana omuunu echibharo, mbe mumuyaane echibharo.

2 Bakorinto 7:1

Woori, abheendwa bhaani, Nyamuwanga ꞉aaragire okuchiyaana ejo joone. Kurwa ejo, chiiyesye kwa okusigana na obhujabhi bhwone, bhwa echinyamubhiri na obhwa echinyamwoyo. Chibhe abheeru ku‑misango joone, ku‑njira ya okuramya Nyamuwanga.

Baefeso 5:21

Bhuri wumwi weemwe orobherega oweejaabho, kwa okubha mu‑kukora kutyo, omuyaana Kirisito echibharo.

Bafilipi 2:3

Musige okukora omusango gwonegwone kwa orwiso noorwo kwa orwikuuya. Tari mwikeeyega na murorega abhaanu abhandi okubha bha ngʼoryo muno okukira emwe abheene.

1 Timoteo 6:1

Abhagaya bhoone bhanu bhari bheekirisya, bhagayuke abhaami bheebhwe. Bhaakakora kutyo, abhaanu bhatakuja okufumirisya Nyamuwanga noorwo ameeyigisyo geeswe.

Baeburania 13:1

Mugenderere okwendana abheene kwa abheene rwa abhayiri mu‑riikirisya.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

1 Petero 2:13

Mugayukega abhatungi bha abhaanu inguru ya Raatabhugenyi Yeesu. Mugayukega omukama, kwa okubha omwene niwe omutangasya weemwe omukuru ku‑chaaro.

1 Petero 5:5

Nyabhuriko, emwe abhasigaji wone, mugayuke abhakaruka bha rikanisa. Emwe bhoone, abhasigaji na abhakaruka, bhuri muunu eekeeyega ku‑weejaabho na okusakirana. Mukore kutyo, kwa okubha jikaamirwe mu‑Bhikaame Ebhyeru ati, “Nyamuwanga kaayaajana na abha echigundu, tari bhanu abheekeeya, kaabhayaana obhwitiriranya.”