1 Petero 2:12 - Indagano Inyaaya mu-Chijita

¹² Mubhe na jitungwa ja ekisi agatigati ya abhaanu bhanu bhatakwikirisya Nyamuwanga, korereki araabha abhabhakuurisya ati, muri bhajabhi, bhaakarora ebhikorwa bhyemwe bhya ekisi, bhakusye Nyamuwanga ku‑songa yeemwe, orusuku rwa okusubha kwaye.

INDAGANO INYA:YA

¹² Mube na jintungwa jemwe je kisi mu ba:maanga, korereki nakabee ababa:ikako rwa bakosi be bibi:bi, nawe bakusye Nyamuanga mu rusiku rwo kurorwa, okuba barorere ebikorwa byemwe ebyo bwana.

1 Petero 2:12 ပူးပေါင်းရင်းမြစ်များ

Matayo 10:25

Omwiyigisibhwa jiiyire abhe rwa omwiyigisya waaye, na omugaya wone kaakenwa abhe rwa omwami waaye. Anye niri mukuru weemwe, na abhambirikira ati, Bherijebhuuri. Araabha, abhambirikira anye kutyo, angu, bhataribhabhirikira emwe amasiina amabhiibhi muno?

Matayo 5:11

“Emwe muri na ribhando araabha abhaanu abhabhafuma, abhabhanyaasya na okubhakuurisya omusango gwonegwone omubhiibhi ku‑songa yaani.

Matayo 5:16

Nikwo kutyo, obhweru bhwemwe obhukenwa bhumurikirega abhaanu, korereki bharore ebhikorwa bhyemwe bhya ekisi, bhakusye Esomwana unu ari mu‑rwire.

Matayo 9:8

Abhaanu bhejire bhaarora ejo, nibharuguura na okuubhaya muno. Nibhakusya Nyamuwanga unu ayaaye abhaanu obhuturo bhwa imbaga eyo.

Ruuka 1:68

“Raatabhugenyi, Nyamuwanga wa Yisirayeeri, akusibhwe, kwa okubha, eejire okwerura abhaanu bhaaye.

Ruuka 19:44

Bharifumya omusi gwawo gwone na bharikusingaarisya awe na abhaana bhaawo bhoone. Abhasoko abho, ritari‑wo noorwo ribhuyi rimwi rinu bharisiga rigerekeene inguru ya erindi ku‑ndugu ja omusi, isonga iri ati, ꞉mutaasombookeeywe omwanya gunu Nyamuwanga ꞉eejire okubhachungura.”

Ruuka 6:22

Muri na ribhando emwe, araabha abhaanu abhabhasoka na okubhakindika, abhaja okubhafuma na okubhabhwira ati, emwe muri bhajabhi, inguru yaani anye Omwana wa Omuunu.

Yowana 13:31

Mbe, Yuuda ejire aawuruka anja, Yeesu ˆnaabhwira abheeyigisibhwa bhaaye ati, “Woori rikusyo ryani, anye Omwana wa Omuunu, riri yeeyi okubhonekana abhwerubhweru. Noorwo rikusyo rya Nyamuwanga erija okubhonekana abhwerubhweru okutura kw‑anye.

Ebikorwa 15:14

Simiyooni aachibhwira kutyo Nyamuwanga ꞉aanyaakiriiye bhanu bhatari Bhayawudi korereki aawure abhaanu abharebhe mu‑bheene bhabhe abhaanu bhaaye.

Ebikorwa 24:13

Ka wone bhatakutura okweresya abhwerubhweru ati emisango jinu ejikora bhansitaake ni ja echimari.

Ebikorwa 25:7

Pawuro ejire aakinga awo, Abhayawudi bhanu bhaariga bhasookere Yerusareemu, nibhamwiyinda nibhaamba okumusitaaka inguru ya amabhiibhi maafu ga okuruguusya. Nawe ꞉bhaataamiibhwe okweresya echimari chaago.

Ebikorwa 28:22

Nawe eswe chaakeendere okuungwa jinu uri najo, kwa okubha chimenyere ati obhumwi bhwawo bhwa idiini obhwayikwa kubhiibhi bhuri rubhaara.”

Barumi 12:17

Omwanya gunu abhaanu abhabhakorera emibhiibhi, mwasiga okubhasubhisya obhubhiibhi ku‑bhubhiibhi. Tari, mwanya gwone, muchaari okukora gwonegwone, mwiganirisye okwamba, niwo mukore jinu abhaanu bhoone abhaja okurora ati ni ja kisi.

Barumi 13:13

Chibhe na jitungwa ja ekisi rwa abhaanu bhanu bheekaaye mu‑bhweru bhwa mu‑mwisi. Chaasiga okubha abhananamba na abhakorwa. Chaasiga okukora imbaga yooneyoone ya orukubho na emisango ja jiswaro. Chaasiga okubha abha inyombo, noorwo okubha abha orwiso.

Barumi 14:18

Omuunu woonewoone unu kaakorera emirimu Kirisito ku‑njira eyo, kaakondisya Nyamuwanga, ka wone keekirisibhwa na abhaanu.

Barumi 15:9

Ka wone, ꞉eejire korereki abhaanu bhanu bhatari Bhayawudi bhakusye Nyamuwanga ku‑chigongo chaaye. Rwa kutyo Ebhikaame Ebhyeru ebhyayika ati, “Mbe, nirikukusya agati ya abhaanu bha amaanga agandi, niriimba jinyimbo ja okukusya risiina ryawo.”

1 Bakorinto 14:25

Jinu jiiserekere mu‑mwoyo gwaye, ejibha abhweru, niwo keefukama na okwinamya obhusu okukinga aasi okuramya Nyamuwanga, ˆnaayika ati, “Chimari Nyamuwanga ari agati yeemwe!”

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

2 Bakorinto 13:7

Echisabhwa Nyamuwanga ati, mwasiga okukora omusango omubhiibhi gwonegwone, jitari ati, kwa okubha eswe echeenda chibhonekane ati chaakuumisiisye indengo eyo. Tari echeenda emwe mukore ja ekisi, noorwo kutyo ejibhonekana ati eswe chaataamibhwa.

2 Bakorinto 8:21

Obhukarariiye bhweswe, ni kukora jinu jiri ja ekisi, jitari imbere ya Raatabhugenyi era, nawe na imbere ya abhaanu wone.

Baefeso 2:3

Omwanya ogwoogwo eswe bhoone wone, chaariga nichikora rwa kutyo abhaanu bhanu bhatakugayuka Nyamuwanga bhaakoraga. Chaakoraga rwa kutyo emibhiri jeeswe na obhwiganirisya bhweswe bhyendaga. Okuruubhana na jitungwa jeeswe jimbiibhi ja obhusimukwa, risungu rya Nyamuwanga ryekaga inguru yeeswe rwa ku‑bhaanu abhandi bhoone.

Baefeso 4:22

꞉Mweeyigisiibhwe okufuura jitungwa jeemwe jimbiibhi ja obhusimukwa, bhumuunu bhwemwe bhwa kara, bhunu obhunyamurwa na obhurigire bhwabho bhwa okujiga.

Bafilipi 1:27

Mbe, omusango gwa bhusibhusi ni ati jitungwa jeemwe jingane na Emisango ja Ekisi ja Kirisito. Aribha naaja okubharora, amwi nikarema okuuja, eneenda okuungwa ati omugenderera okurumatana na okubha na obhumwi, ka wone ati muri aamwi mu‑kurwanirira eriikirisya rinu erisookana na Emisango ja Ekisi.

Bafilipi 4:8

Ku‑bhuteero, abhayiri bhaani, emisango ja echimari, emisango jinu jiiyire jiyanwe echibharo, emisango ja obhurengeresi, emisango emyeru, emisango jinu ejikondisya, emisango jinu jiri ja ekisi, emisango jinu jiiyire okukuuyibhwa, ejo nijo mwiganirisye.

1 Batesalonika 4:12

Mukakora kutyo, omubha abhaanu bha jitungwa ja ekisi imbere ya abhaanu bhanu bhatari bheekirisya. Ka wone mutariisiga ebhiinu bhya abhaanu abhandi.

1 Timoteo 2:2

Omukenwa okusabhirwa abhakama na abhatangasya abhandi bhoone, korereki chiikare na omurembe, nichikoraga rwa kutyo Nyamuwanga keenda na chiri na jitungwa ja ekisi.

1 Timoteo 4:12

Omuunu woonewoone asige okukugaya, kwa okubha ati uchaari musigaji, tari wiikomeesye okubha echijekekanyo cha ekisi ku‑bheekirisya mu‑nyaayika, mu‑tungwa, mu‑ryenda, mu‑riikirisya na mu‑bhwima.

1 Timoteo 5:10

Abhe omuunu wa jikuma ja ekisi, abhe eeyigisiisye abhaana bhaaye jitungwa ja ekisi, abhe akumire abhagenyi, abhe oosiisye abheeru amaguru, abhe asakiiye abhaanu bhanu bhari mu‑nyaako, ka wone, abhe eekomeesiisye okukora ebhikorwa bhyone bhya ekisi.

Baeburania 13:18

Mugenderere okuchisabhirwa. Chimenyere chimari ati emitima jeeswe ni myeru, kwa okubha cheendere okukora jinu jiri ja obhurengeresi ku‑bhaanu bhoone.

Baeburania 13:5

Mwasiga okubha na jitungwa ja okwenda jipirya, tari mwiywega na ebhiinu bhinu muri nabhyo, okubha Nyamuwanga omwene ꞉aayikire ati, “Nitarikusiga noorwo nitari kurabhirwa wuri.”

Yakobo 3:13

Niga mw‑imwe unu ari na obhwengeeso na okusombookerwa? Mbe, eeresye obhwengeeso bhwaye na okusombookerwa kwaye mu‑kukora ebhikorwa bhya ekisi, mu‑bhworooro bhunu obhusooka mu‑bhwengeeso.

1 Petero 2:15

Nyamuwanga keenda ati, mukore ebhikorwa bhya ekisi, korereki mujibhisye abhaanu abhamuumu bhanu bhatakumenya emisango jaaye.

1 Petero 3:16

Mubhega na emitima emyeru, korereki bhanu abhabhakuurisya amabhiibhi bhaakarora akatungiiywe keemwe ka ekisi ku‑Kirisito, bheesware.

1 Petero 4:11

Omuunu woonewoone unu kaaraasya, araasye rwa omuunu unu kaaraasya emisango ja Nyamuwanga chimari. Unu kaasakira abhaanu abhandi, abhasakire ku‑bhuturo bhunu Nyamuwanga amuyaaye, korereki Nyamuwanga akusibhwe ku‑misango joone, okutura ku‑Yeesu Kirisito. Omwene oyo, ayaanwe rikusyo na obhuturo akajaanende koone. Jibhe kutyo.

2 Petero 3:11

Mbe, kwa okubha ebhiinu bhyone bhirisingaarisibhwa ku‑njira eyo, angu, emwe mwenderwe okubha abhaanu bha jitungwa ki mu‑chaaro chinu? Mwenderwe okwikara mu‑bhweru na okuyaana echibharo Nyamuwanga,