1 Batesalonika 5:9 - Indagano Inyaaya mu-Chijita

⁹ Nyamuwanga ꞉ataachisorere korereki achisingaarisye kwa risungu ryaye, tari ꞉aachisorere korereki Raatabhugenyi weeswe Yeesu Kirisito achichungure.

INDAGANO INYA:YA

⁹ Okuba Nyamuanga atacitereeo esungu, nawe cibone omweruro mu Ratabugenyi Yesu Kristo,

1 Batesalonika 5:9 ပူးပေါင်းရင်းမြစ်များ

Matayo 26:24

Anye Omwana wa Omuunu, niriitwa rwa kutyo jikaamirwe mu‑Bhikaame Ebhyeru. Nawe jiribhona omuunu unu arintuura mu‑mabhoko ga abhasoko. Jikabheeye kisi ku‑muunu oyo araabha ataakeebhuuywe!”

Ebikorwa 1:20

Mbe, Peetero ˆnaagenderera okwayika ati, “Emisango ejo ejimenyekana mu‑chitabho cha Ijabhuri ati, ‘Inju yaaye ribhe etongo, aasiga okubha‑wo omuunu unu arisigara omwo.’ “Ka wone, ikaamirwe ati, ‘Omurimu gwaye gwa okutangasya, ayaanwe omuunu owundi.’

Ebikorwa 1:25

agege omugabho gwa obhukosi bhunu Yuuda ꞉aasigire, omwanya gunu ꞉aafuuwe na okugenda orubhaara runu rumwiyire.”

Ebikorwa 13:48

Abhaanu bhanu bhatari Bhayawudi bhejire bhoongwa emisango ejo, nibhakonderwa na okukuuya Raatabhugenyi ku‑musango gwaye. Bhoone bhanu ꞉bhaasorerwe okubha na obhuwanga bhwa akajaanende, nibhamwikirisya Raatabhugenyi Yeesu.

Barumi 11:30

Omwanya gunu guturire, emwe mwariga mutakugayuka Nyamuwanga, tari woori mwafwiriiywe echigongo na Nyamuwanga, kwa okubha Abhayisirayeeri ꞉bhataamugayukire.

Barumi 11:7

Kurwa ejo, emisango jiri kutya. Abhayisirayeeri ꞉bhaayenjere injira ya okubha abharengeresi imbere ya Nyamuwanga, nawe ꞉bhataayibhwene. Ni bhanu era ꞉bhaasorerwe na Nyamuwanga, nibho ꞉bhaabhubhwene. Abhandi bhoone bhanu ꞉bhaasigaaye, Nyamuwanga ˆnaabhakora bhabhe na emyoyo emikomeeye.

1 Batesalonika 1:10

Wone abhatonda kutyo omurindirira Omwana waaye, asubhe rindi okusooka mu‑rwire. Oyo niwe Nyamuwanga ꞉aasuuruuye okusooka mu‑bhafuuwe. Niwe Yeesu unu kaachichungura okusooka mu‑ndamu ya Nyamuwanga inu eyiija.

1 Batesalonika 3:3

꞉Chaakorere kutyo, korereki omuunu woonewoone asige okufwa omutima inguru ya ebhinyaasyo bhinu. Emwe abheene mumenyere ati, echikenwa chiture mu‑bhinyaasyo.

1 Timoteo 1:13

noorwo kutyo ku‑bhwambiro naamufumaga na okunyaasya abhaanu bhaaye, naariga niri murakoko. Nawe, omwene ꞉aanfwiriiye echigongo, kwa okubha naariga ninkora ejo mu‑bhumuumu na naariga nitari na eriikirisya.

1 Timoteo 1:16

Noorwo kutyo, Yeesu Kirisito ꞉aanfwiriiye echigongo! ꞉Aanyeresiisye obhwigumiirisya bhwaye, anye owa ebhibhiibhi okukira bhoone, korereki nibhe echijekekanyo ku‑bhoone bhanu abhaja okumwikirisya na okuramira obhuwanga bhwa akajaanende koone.

2 Timoteo 2:10

Kurwa ejo, eniigumiirisya joone inguru ya abhaanu bhanu Nyamuwanga asorere, korereki abheene wone bhabhone obhuchungusi ku‑njira ya okwikirisya Kirisito Yeesu na bhasangire rikusyo ryaye akajaanende.

1 Petero 2:10

Kara eyo, emwe mwariga mutari bhaanu bha Nyamuwanga, nawe woori emwe muri bhaanu bhaaye. Ka wone, Nyamuwanga aariga atabhafwiriiye echigongo, nawe woori, abhafwiriiye.

1 Petero 2:8

Ka wone, “Ribhuyi eryo ni rya okwikuujura‑ko, ni rutare rwa okugwisya abhaanu.” Abhaanu abheekuujura‑ko, kwa okubha bhatakugayuka omusango gwa Nyamuwanga. Ka wone nikwo kutyo bhaariga bhakarariiywe okusookerera kara.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

2 Petero 2:3

Mu‑kurigira kwebhwe kwa ebhiinu, bharibha nibhabhabhwira jingani ja orubheeyi, korereki bhabhone chinu abheenda okutura kw‑imwe. Nawe okusookerera kara, indamu yeebhwe yeerabhirwe na chimari bharisingaarisibhwa!

Yuuda 1:4

Enibhakaamira inyarubha inu, kwa okubha bhari‑wo abheeyigisya abharebhe bha orubheeyi bhanu bheeyingisiisye mw‑imwe bhumbise. Abhaanu abho, bhatakugayuka Nyamuwanga. Mu‑meeyigisyo gwebhwe, abhayindura obhwitiriranya bhwa Nyamuwanga weeswe, abhakora bhubhe rwa isonga ya okukora emisango ja orukubho. Ka wone, abheegaana Raatabhugenyi weeswe Yeesu Kirisito, omutangasya weeswe omukuru. Nawe okwambira kara jikaamirwe mu‑Bhikaame Ebhyeru ati, abhaanu abho, bhariramurwa rwa kutyo abhandi ꞉bhaaramuuywe.