1 Batesalonika 5:8 - Indagano Inyaaya mu-Chijita

⁸ Nawe eswe, chiri bhaana bha mu‑mwisi, kurwa ejo chiyingirire. Eriikirisya na eryenda bhibhe mu‑myoyo jeeswe. Okubha ebhiinu ebhyo, bhiri rwa ingubha ya echuuma ku‑bhifubha bhyeswe. Chiiyikanye wone ati, Nyamuwanga arichichungura, niwo echibha wuti chifwaye ingofiira ya echuuma ku‑mitwe.

INDAGANO INYA:YA

⁸ Nawe eswe, okuba ciri ba mu mwisi, cisigega kukorwa, cifware okwikirisya no kwenda rwe cu:ma ca mu cifuba, no kwiikanya kwo mweruro cikufware rwa ingofira.

1 Batesalonika 5:8 ပူးပေါင်းရင်းမြစ်များ

1 Bakorinto 13:13

Mbe woori, ebhiinu bhisatu bhinu bhitariwaa‑wo, ni riikirisya, obhwiyikanyo na eryenda. Kw‑ijo, gunu guri gwa bhusibhusi ni ryenda.

2 Bakorinto 6:7

na mu‑kuraasya omusango gwa echimari. Echikora ejo joone, ku‑bhuturo bhwa Nyamuwanga. Obhurengeresi nibhyo ebhigwato bhyeswe, orubhaara rwa ebhuryo na orwa ebhumoosi.

Bagalatia 5:5

Nawe eswe, echiiyikanya ku‑bhuturo bhwa Mwoyo Mweru ati, Nyamuwanga arichibhara ati chiri bharengeresi, kwa okwikirisya Yeesu.

Baefeso 6:11

Mugege ebhigwato bhyone bhya Nyamuwanga, korereki muture okuyingirira obhurigerige bhwa Syetaani na okwimereeguru tiritiri.

Baefeso 6:23

Omurembe gubhe neemwe, emwe abhayiri bheeswe, na eryenda aamwi na eriikirisya, okusooka ku‑Raata Nyamuwanga na ku‑Raatabhugenyi Yeesu Kirisito.

1 Batesalonika 5:5

Emwe bhoone muri bhaana bha obhweru, ka wone muri bhaana bha mu‑mwisi. Emwe na eswe, chitari bhaana bha mu‑ngeta noorwo bha mu‑chisuute.

2 Batesalonika 2:16

Raata weeswe Nyamuwanga, kaacheenda na ku‑bhwitiriranya bhwaye, arichisimbiisya akajaanende na okuchiyaana obhwiyikanyo ati arichiyaana ebhiinu bhya ekisi bhinu ꞉aachiragire. Echisabhwa omwene na Raatabhugenyi weeswe Yeesu Kirisito ati,

Baeburania 6:19

Chiri na obhwiyikanyo obhwo mu‑myoyo jeeswe, obhwene bhuri rwa inanga inu eyigwatirira ingarabha yaasiga okuyeywa. Obhwiyikanyo obhwo ni Yeesu, unu ꞉eengiiye Ayeeru a Ayeeru mu‑rwire eyo okutura mw‑ipajiya.

1 Petero 1:13

Kurwa ejo, mubhe mutengeejere na mwiyangariiye ku‑jinu omuja okukora na mubhe mwiyingiriiye. Mutuure obhwiyikanyo bhwemwe bhwone mu‑bhwitiriranya bhunu muriramira, orusuku runu Yeesu Kirisito ariswerurwa.

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.

1 Yoana 1:7

Tari, araabha chiramire mu‑bhweru rwa kutyo Nyamuwanga ari mu‑bhweru, awo niwo echibha na obhumwi eswe abheene kwa abheene. Ka wone isagama ya Yeesu, Omwana waaye, eyicheesya ebhibhiibhi bhyeswe bhyone.