1 Batesalonika 5:6 - Indagano Inyaaya mu-Chijita

⁶ Mbe, chisige okubha rwa abhandi bhanu bhawongeeye. Nawe, eswe chitengeeje na chiyingirire.

INDAGANO INYA:YA

⁶ Mbe cisigega kuongera rwa bandi, nawe citengeje ci:baririrega.

1 Batesalonika 5:6 ပူးပေါင်းရင်းမြစ်များ

Matayo 13:25

Nawe omwanya gunu abhaanu ꞉bhaawongeeye, omusoko waaye ˆnaaja, ˆnaabhibha amagorogoro mu‑ngano, ˆnaamara ˆnaasooka‑wo.

Matayo 24:42

Mbe mwiyangarire, kwa okubha mutakumenya ati ni rusuku ri runu anye Raatabhugenyi weemwe niriija.

Matayo 25:13

Awo Yeesu ˆnaamariisya kwa okwayika ati, “Mbe, mwiyangarire, kwa okubha mutakumenya orusuku noorwo isaa inu nirisubha.”

Matayo 25:5

“Omutwasi ejire aakoora okuuja, abhayara abheengeeso na abhataamutaamu bhoone, nibhaamba okuwuunirira, nibheeya nibhawongera tiro sito.

Matayo 26:38

ˆNaabhabhwira ati, “Omwoyo gwani gusurumbaaye muno okukingira okwenda okufwa. Mwinyanje anu okwamba, mutengeeje aamwi na anye.”

Mariko 13:37

Omusango gunu enibhabhwira, nigwo enibhwira abhaanu bhoone ati, bhatengeeje.”

Ruuka 12:37

Bhari na amabhando, abhakosi bhanu omwami weebhwe aribha aasubha ˆnaabhasongʼana nibhamurindiriraga. Ni chimari enibhabhwira ati, aritengeeja, aribheenyanjya ku‑nenda na okubhafurubhendera!

Ruuka 12:39

“Nawe mumenye kisi ati, araabha omwene inju, akamenyere omwanya gunu omwifi kaaja, mbe atakawongeeye wuri, korereki omwifi aasiga okuuja ˆnaafumura inju yaaye.

Ruuka 21:36

Kurwa ejo, mubhega mutengeejere omwanya gwone! Mugenderere okusabhwa Nyamuwanga, korereki abhayaane obhuturo bhwa okwiruka joone jinu jirikorekana, na mwimereeguru imbere yaani, anye Omwana wa Omuunu.”

Ruuka 22:46

ˆNaabhabhwira ati, “Mbawo muwongeeye? Mwimuke musabhwe Nyamuwanga, korereki mwasiga okuregeejwa.”

Ebikorwa 20:31

Kurwa ejo, mwiyangarire! Mwichuke ati, naamarire emiguuga esatu nintongeraga bhuri umwi weemwe, nindiriraga‑ko amasiga mogomogo mu‑ngeta na mu‑mwisi.

1 Bakorinto 15:34

Mupaapuke mubhe na obhwenge rwa kutyo mukenerwe, musige okukora ebhibhiibhi. Abhandi agati yeemwe bhatakumenya Nyamuwanga. Enaayika ejo, korereki nibhaswasye.

1 Bakorinto 16:13

Mutengeeje, murumatane mu‑riikirisya, ka wone mubhe abhayaari na abha amanaga.

Baefeso 2:3

Omwanya ogwoogwo eswe bhoone wone, chaariga nichikora rwa kutyo abhaanu bhanu bhatakugayuka Nyamuwanga bhaakoraga. Chaakoraga rwa kutyo emibhiri jeeswe na obhwiganirisya bhweswe bhyendaga. Okuruubhana na jitungwa jeeswe jimbiibhi ja obhusimukwa, risungu rya Nyamuwanga ryekaga inguru yeeswe rwa ku‑bhaanu abhandi bhoone.

Baefeso 5:14

Nikwo okukora ejaayikwa ati, “Rafya awe, unu uwongeeye. Usuuruke okusooka mu‑bhafuuwe, Kirisito arikungʼarabhisya obhweru.”

Baefeso 6:18

Musabhwe Nyamuwanga omwanya gwone nimutangasibhwaga na Mwoyo Mweru. Mumusabhwe na okumwirembeeresya bhunyatayigwa ku‑bhuri musango. Ka wone, mugenderere okusabhirwa abheeru bha Nyamuwanga bhoone.

Bafilipi 4:5

Obhworooro bhwemwe bhumenyekane ku‑bhaanu bhoone. Raatabhugenyi Yeesu ari yeeyi.

Bakolosai 4:2

Musabhwega bhuri rusuku, mutengeejega mw‑isabhwa na okusiima Nyamuwanga.

1 Batesalonika 4:13

Woori, abhayiri bheeswe, echeenda mumenye emisango ja abheekirisya bhanu bharamaamire nyombe, korereki musige okusurumbara rwa bhanu bhatari na obhwiyikanyo bhwa okurama na Nyamuwanga akajaanende koone.

1 Batesalonika 5:10

Oyo niwe ꞉aachifwiriiye, korereki chibhe aamwi nage, omwanya gunu chiri abhaanga amwi omwanya gunu chifuuwe.

1 Batesalonika 5:8

Nawe eswe, chiri bhaana bha mu‑mwisi, kurwa ejo chiyingirire. Eriikirisya na eryenda bhibhe mu‑myoyo jeeswe. Okubha ebhiinu ebhyo, bhiri rwa ingubha ya echuuma ku‑bhifubha bhyeswe. Chiiyikanye wone ati, Nyamuwanga arichichungura, niwo echibha wuti chifwaye ingofiira ya echuuma ku‑mitwe.

1 Timoteo 2:15

Nawe omugasi arichungurwa ku‑njira ya orwibhuro rwaye, akagenderera okwikomeesya mu‑riikirisya, mu‑ryenda, mu‑bhweru na okwiyingirira.

1 Timoteo 2:9

Kutyokutyo, eneenda abhagasi wone, bhafware emyenda jinu jiiyire ku‑bhagasi, bhabhe na jitungwa ja ekisi na bheeyingirire. Bhasige okwinojoorya kwa okusuka jifwiri, amwi kwa okufwara ebhiinu bhya jinaaryo na bhinu ebhibharangisya, amwi emyenda ja obhugusi obhurambu.

1 Timoteo 3:11

Abhagasi bheebhwe wone, bhabhe abha jitungwa ja ekisi, bhasige okubha abharomi bha abhaanu, bhabhe bha okwiyingirira, ka wone, bhabhe abheeyikanyibhwa mu‑misango joone.

1 Timoteo 3:2

Mbe, bhuri mwangarisi wa rikanisa, abhe omuunu unu atari‑ko esoro. Abhe murume wa omugasi umwi era, abhe omwiyingirisi, ka wone abhe na obhwengeeso, omuunu unu kaayaanwa echibharo, omufura na abhe omuunu unu kaamenya okwiyigisya.

2 Timoteo 4:5

Nawe awe, ikenga ejo joone, igumiirisya mu‑bhinyaasyo, ukore emirimu ja okuraasya Emisango ja Ekisi, ukore ekisi mu‑bhukosi bhwawo bhwone.

Tiito 2:12

Obhwitiriranya obhwo, obhuchiiyigisya okurema ebhibhiibhi na obhurigire bhwa echaaro, korereki chirame obhurame bhwa okwiyingirira, bhwa obhurengeresi na obhwa okuramya Nyamuwanga ku‑chaaro cha woori chinu.

Tiito 2:6

Nyabhuriko abhasigaji, ubhasimbiisye korereki bheeyingirirega.

1 Petero 1:13

Kurwa ejo, mubhe mutengeejere na mwiyangariiye ku‑jinu omuja okukora na mubhe mwiyingiriiye. Mutuure obhwiyikanyo bhwemwe bhwone mu‑bhwitiriranya bhunu muriramira, orusuku runu Yeesu Kirisito ariswerurwa.

1 Petero 4:7

Obhuteero bhwa emisango joone, bhuri yeeyi. Kurwa ejo, mwiyingirire na okwiyangarira mu‑misango joone, korereki mubhe na obhuturo bhwa okusabhwa.

1 Petero 5:8

Mwiyingirire na okutengeeja, omwanya gwone. Okubha omusoko weemwe, Syetaani, keeyinda enu na erya rwa itare inu eyiruuta, niiyenja omuunu wa okusingaarisya.

Obhusweruro 16:15

Raatabhugenyi Yeesu kaayika ati, “Muringire! Niriija rwa kutyo omwifi kaaja abhaanu bhataamenya. Ari na ribhando unu atengeejere na okwiraabha emyenda jaaye korereki asige kuyenga tuyu na okwiswasya imbere ya abhaanu.”

Obhusweruro 3:2

Mubhe mutengeejere! Murumatanye emisango emitooto ja ekisi jinu jichaari okufwa, kwa okubha ejeene wone jiri yeeyi okufwa. Enirora ati ebhikorwa bhyemwe bhichaari okukuumira rwa kutyo Nyamuwanga waani keenda.