1 Batesalonika 5:23 - Indagano Inyaaya mu-Chijita

²³ Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.

INDAGANO INYA:YA

²³ Nyamuanga wo murembe omwene abe:sye kata. Ne myoyo jemwe no buanga ne mibiri jemwe birindwega byone bitane:soro, mu ku:ja kwa Ratabugenyi Yesu Kristo.

1 Batesalonika 5:23 ပူးပေါင်းရင်းမြစ်များ

Ruuka 1:46

Maryamu ˆnaayika ati, “Omutima gwani, ogukusya Raatabhugenyi,

Yowana 17:19

Eniisoosya okukukorera emirimu ku‑songa yeebhwe, korereki abheene wone bheesibhwe mu‑chimari.

Ebikorwa 20:32

“Woori, enibhatuura ku‑Nyamuwanga na ku‑musango gwa obhwitiriranya bhwaye obhukuru. Okubha gunu, ogutura okubhakomeesya na okubhayaana omwandu gwa amabhando ganu atereeye‑wo abhaanu bhaaye bhanu bheesiibhwe.

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Barumi 15:13

Nyamuwanga niwe echiiyikanya ati arikora joone jinu ꞉aachiragire. Kurwa ejo, enibhasabhirwa ati, abhayaane rikonderwa ryone na omurembe omwanya gunu omugenderera okumwikirisya. Awo niwo muribha na obhwiyikanyo obhunene, muribha nabhwo ku‑managa ga Mwoyo Mweru.

Barumi 15:33

Nyamuwanga unu kaabhayaana omurembe, abhe aamwi na emwe bhoone. Jibhe kutyo.

Barumi 15:5

Nyamuwanga niwe kaachiyaana okwigumiirisya na okufungʼamibhwa. Woori, enisabhwa ati, abhakore mwikare kwa obhwira bhumwi emwe abheene kwa abheene, kwa okubha omuruubha orugere rwa Kirisito Yeesu.

Barumi 16:20

Nyamuwanga unu kaabhayaana omurembe, arifwonyorera aasi Syetaani bhwangu, na okubhayaana obhuyigi inguru yaaye. Obhwitiriranya bhwa Raatabhugenyi weeswe Yeesu Kirisito bhubhe aamwi na emwe. [Jibhe kutyo.]

1 Bakorinto 1:2

Echikaamira emwe bhanu muri mw‑ikanisa rya Nyamuwanga mu‑musi gwa Koriito. Nyamuwanga abhasorere okubha na obhumwi na Kirisito Yeesu, na abhabhirikiiye okubha abheeru bhaaye. Echibhakaamira emwe aamwi na abhaanu bhoone bha mbaara joone bhanu abhasabhwa Yeesu Kirisito, unu ari Raatabhugenyi weebhwe na Raatabhugenyi weeswe wone.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

1 Bakorinto 14:33

kwa okubha Nyamuwanga weeswe atari wa injogere, tari ni wa omurembe. Rwa kutyo jiri mu‑makanisa goone ga abheeru bha Nyamuwanga,

2 Bakorinto 5:19

Nikwo okwayika ati, okutura ku‑Kirisito, Nyamuwanga aariga ˆnaagwatanya abhaanu ku‑mwene okubhabharira ebhibhiibhi bhyebhwe wuri. Eswe wone chiyaaywe emirimu ja okuraasisya abhaanu emisango ja obhugwatanyi obhwo.

Bafilipi 1:10

korereki mubhe na obhuturo bhwa okwawura jinu jiri ja ekisi. Awo niwo muribha na emitima myeru, ka wone muribha mutari na esoro okukingira orusuku rurya Kirisito arisubha.

Bafilipi 1:6

Nimenyere chimari omusango gunu ati Nyamuwanga unu ꞉aambire omurimu gwa ekisi mu‑myoyo jeemwe, arigugenderesya okukingira gukuumire orusuku rurya Kirisito Yeesu arisubha.

Bafilipi 4:9

Mugenderere okukora jinu ꞉mweeyigiiye, jinu ꞉mwaramiiye, jinu ꞉mwoonguuwe okusooka kw‑anye na jinu ꞉mwarorere ninkora. Niwo, Nyamuwanga unu kaabhayaana omurembe arigenderera okubha aamwi na emwe.

Bakolosai 1:22

ku‑njira ya orufu rwa Kirisito. ꞉Aakorere kutyo, korereki abhareete imbere yaaye muri bheeru, bhanyataayikwa kubhiibhi noorwo mutari na esoro.

1 Batesalonika 2:19

Chaariga cheendere okubhagosorera kwa okubha, Raatabhugenyi Yeesu aribha aasubha, emwe muribha obhwiyikanyo bhweswe, rikonderwa ryeswe na orutengya rwa obhuyigi bhunu chiriikuuyisya.

1 Batesalonika 3:11

Mbe, Nyamuwanga omwene, Raata weeswe aamwi na Raatabhugenyi weeswe Yeesu, achitangatire, achisoosisye‑ko ebhiikuujuro ku‑njira, korereki chibhaaje‑ko bhwangu.

1 Batesalonika 3:13

Akomeesye emitima jeemwe, korereki mubhe abheeru, bhanyamburwa esoro mu‑meeso ga Nyamuwanga Raata weeswe, omwanya gunu Raatabhugenyi weeswe Yeesu arisubha aamwi na abheeru bhaaye bhoone.

1 Batesalonika 4:3

Okubha echiinu chinu Nyamuwanga keenda kw‑imwe nicho chinu, mubhe abhaanu abheeru. Kurwa ejo, mwikenge na obhuromesi.

1 Batesalonika 5:22

ka mwikenge obhubhiibhi bhwone bhwa bhuri mbaga.

2 Batesalonika 3:16

Woori, Raatabhugenyi Yeesu omwene unu ari obhwambiro bhwa omurembe, abhayaanega omurembe omwanya gwone ku‑njira joone. Omwene abhe aamwi na emwe bhoone.

Baeburania 13:20

Nyamuwanga omwene, niwe kaachiyaana omurembe. ꞉Aasuuruuye Raatabhugenyi weeswe Yeesu, unu ari Mureefi Omukuru wa jinaama, kwa okubha ꞉eetire isagama yaaye inu eyeeresya chimari indagano ya kajaanende koone.

Baeburania 2:11

Yeesu aamwi na abhaanu bhanu keesya ebhibhiibhi bhyebhwe, Esemwene ni umwi. Nikwo okukora Yeesu atakwiswara okubhabhirikira ati abhayiri bhaaye.

Baeburania 4:12

Omusango gwa Nyamuwanga ni muwanga ka wone guri na amanaga okukira imbanda yooneyoone eya amoogi gabhiri. Rwa kutyo imbanda eyitura okusoma omuunu nikinga ku‑mawa gaaye, nikwo kutyo wone omusango gwa Nyamuwanga ogutura okusoma omuunu, nigwingira muno mu‑mwoyo gwaye, niguswerura jinu keeganirisya na jinu keenda.

Yakobo 1:4

Omukenwa mugenderere okwigumiirisya okukingira ku‑bhuteero, korereki mubhe mukuumiiye chimwi, mutagerukiiywe wuri echiinu choonechoone.

1 Petero 1:2

Kara awo, Raata Nyamuwanga ꞉aatangatire okubhamenya, ˆnaabhasora, Mwoyo waaye ˆnaabhakora mubhe bheeru, korereki mugayuke Yeesu Kirisito na okwesibhwa mu‑sagama yaaye. Obhwitiriranya na omurembe okusooka ku‑Nyamuwanga bhyongesibhwe kw‑imwe.

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.

2 Petero 3:14

Kurwa ejo abheendwa bhaani, omwanya gunu omurindirira orusuku rurya, mwikomeesye okubha abha omutima omweru muno mutari na esoro imbere ya Nyamuwanga, na mubhe na omurembe nage.

Yuuda 1:1

Inyarubha inu, niikaamire anye Yuuda. Anye, niri mukosi wa Yeesu Kirisito, ka wone, niri mumura waabho Yakobho. Enikaamira emwe abhaanu bhanu mubhirikiiywe na Raata Nyamuwanga. Omwene kaabheenda, na kaabhaangarira kisi okukingira anu Yeesu Kirisito ariijira.

Yuuda 1:24

Nyamuwanga niwe owa obhuturo bhwa okubhaangarira, korereki mwasiga okwikuujura. Ka wone, kaatura okubheemereegusyu mw‑ikusyo ryaye, nimusandabhaga muno, mutaabha‑ko esoro.