1 Batesalonika 5:14 - Indagano Inyaaya mu-Chijita

¹⁴ Emwe, abhayiri bheeswe, echibheerembeeresya mugonye abharenga na musimbiisye bhoone bhanu bhafuuwe emitima. Ka wone musakire bhanu bhatari na amanaga na mubhe na obhwigumiirisya ku‑bhaanu bhoone.

INDAGANO INYA:YA

¹⁴ Ecibakomeresya, aba:su, mubatongere banu batakuribata kisi. Mukome:syega banu barengaae mu myoyo. Musakirega banu batari na managa. Mwigumirisyega ku bo:ne.

1 Batesalonika 5:14 ပူးပေါင်းရင်းမြစ်များ

Matayo 12:20

Atarifuna woonewoone unu ataamiibhwe rwa orufunjo runu rwikotere, noorwo atarisingaarisya woonewoone unu ari yeeyi okufwa rwa orutambi runu orwituuta ingesi, okukingira omwanya gunu arireeta obhuchungusi, okuyiga ebhibhiibhi bhyone.

Ruuka 22:32

Nawe, naakusabhirwa ku‑Nyamuwanga, korereki eriikirisya ryawo ryasiga okugeruka‑ko. Omwanya gunu urinsubha‑ko, ukomeesye abheejaanyu.”

Ebikorwa 20:27

Okubha bhuri gunu Nyamuwanga eendaga mugumenye, naabhabhwiraga nitaabha na echiitimaato.

Ebikorwa 20:31

Kurwa ejo, mwiyangarire! Mwichuke ati, naamarire emiguuga esatu nintongeraga bhuri umwi weemwe, nindiriraga‑ko amasiga mogomogo mu‑ngeta na mu‑mwisi.

Ebikorwa 20:35

Mu‑joone jinu ꞉naakorere, naariga nimbeeresya ati echikenwa okukora emirimu, korereki chibhone ebhiinu bhya okusakira abhaanu bhanu bhatari na obhuturo. Echikenwa wone okwichuka emisango jinu Raatabhugenyi Yeesu omwene ꞉aayikire, ‘Amabhando maafu ari mu‑kusoosya okukira mu‑kuramira.’”

Barumi 12:1

Woori abhayiri bhaani, mumenyere kutyo Nyamuwanga kaachifwira echigongo. Kurwa ejo mbe, enibheerembeeresya ati, mwisoosye obhurame bhwemwe ku‑Nyamuwanga. Mubhe rwa ebhyogo bhinu bhiri ebhiwanga na ebhyeru, bhinu ebhimukondisya. Eyo niyo injira ya echimari ya okumuramya.

Barumi 14:1

Mukume omwikirisya oweejaanyu unu achaari kurumatana mu‑riikirisya ryaye. Mwasiga okubhambasyanya nage inguru ya obhwiganirisya bhwaye bhukataasyanya na obhwemwe.

1 Bakorinto 4:14

Nitakubhakaamira emisango jinu okubhaswasya, tari eneenda okubhakengya rwa abhaana bhaani abheendwa,

1 Bakorinto 8:7

Nawe jitari ati abhaanu bhoone bhari na obhumenyi obhwo, kwa okubha bhari‑wo abhandi bhanu bhaariga bhari na jitungwa ja okuramirisya amasusano. Noorwo woori, omwanya gunu abharya ebhiryo bhinu bhisyengeeywe ku‑masusano, ebhiryo ebhyo ebhibhakora okwiganirisya amasusano. Awo abheerora mu‑mitima jeebhwe ati abhakora echibhiibhi, kwa okubha bhachaari okurumatana mu‑riikirisya.

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

Baefeso 4:2

Mwikarega mu‑bhwikeeya bhwone na mu‑bhworooro, mwigumiirisyanyega na okwendana bhuri muunu na oweejaabho.

Baefeso 4:32

Ka wone, mukoranire ja ekisi bhuri muunu na oweejaabho, mubhe bhafura na okufwirana echigongo ebhikayo bhyemwe, rwa kutyo Nyamuwanga mu‑Kirisito abhafwiriiye echigongo ebhibhiibhi bhyemwe.

Bakolosai 1:28

Kirisito niwe echiraasya omwanya gunu echikengya na okwiyigisya abhaanu bhoone mu‑bhwengeeso bhwone. Echimuraasya, korereki chireete abhaanu bhoone imbere ya Nyamuwanga bharumateene echinyamwoyo okuruubhana na okubha na obhumwi na Kirisito.

2 Batesalonika 3:15

Nawe musige okumurora rwa omusoko, tari mumugonye rwa omuyiri weemwe.

1 Timoteo 3:3

Asige okubha omukorwa, asige okubha omurwani, tari abhe mworooro, abhe omwendi wa omurembe na asige okubha na inamba imbiibhi ya okubhona jipirya.

1 Timoteo 6:11

Nawe awe, omuunu wa Nyamuwanga, wiiruke ejo. Uruubhega rirenga, okurama rwa kutyo Nyamuwanga keenda, eriikirisya, eryenda, okwigumiirisya na obhworooro.

2 Timoteo 4:2

Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.

Tiito 1:10

Okubha bhari‑wo abhaanu bhaafu bhanyatagayuka, abhaayika emisango jinu jitari na obhugajuro bhwonebhwone, ni bhajigi, chimwichimwi, abhaanu bhanu abhakomeeresya jitungwa ja Echiyawudi. Abhaanu abho ni bhusibhusi bhagaanyibhwe okwiyigisya.

Tiito 1:6

Bhuri mukaruka wa rikanisa, akenerwe okubha omuunu unu atari‑ko esoro. Abhe murume wa omugasi umwi era, abhaana bhaaye bhabhe abheekirisya, bhasige okubha abhanyamusi bha jipirya noorwo bhanyatagayuka.

Baeburania 12:12

Kurwa ejo, mukomeesye amabhoko geemwe ganu gareremaaye na jingʼokora jeemwe jinu jinaganire.

Baeburania 13:3

Mwichuke abhaanu bhanu bhabhoyerwe mw‑ibhoyero, mubhega wuti mubhoyerwe aamwi nabho. Mwichuke abhaanu bhanu abhanyaasibhwa, mubhega wuti omunyaasibhwa aamwi nabho.