1 Batesalonika 5:12 - Indagano Inyaaya mu-Chijita

¹² Woori, emwe abhayiri bheeswe, echibheerembeeresya mugayuke abhaanu bhanu abhakora emirimu ja Nyamuwanga mw‑imwe, abhabhatangasya na okubhagonya ku‑bhuturo bhwa Raatabhugenyi Yeesu.

INDAGANO INYA:YA

¹² Ecibaremberesya, ba:na ba:su, mubarega banu abanya:ka emirimu mwimwe, na banu ababatangasya mu Ratabugenyi no kubaka:jusya.

1 Batesalonika 5:12 ပူးပေါင်းရင်းမြစ်များ

Ruuka 10:7

Mukakumwa mu‑nju imwi, mwasiga okufuruka okusooka mu‑nju imwi okuja mu‑nju eyindi, nawe mubhe mu‑nju ya okwamba eyo inu ꞉mwingiiye‑mo. Murye ebhiryo bhinu abhaja okubhayaana, kwa okubha omukosi eeyire okuyaanwa omuyeero gwaye.

Yowana 4:38

꞉Naabhatumire okugesa bhinu emwe ꞉mutaanyaakiriiye. Abhaanu abhandi nibho ꞉bhaakorere emirimu joone emikomeeye, nawe woori, emwe neemwe omubhona omuriiro gwa emirimu jeebhwe.”

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

Ebikorwa 20:35

Mu‑joone jinu ꞉naakorere, naariga nimbeeresya ati echikenwa okukora emirimu, korereki chibhone ebhiinu bhya okusakira abhaanu bhanu bhatari na obhuturo. Echikenwa wone okwichuka emisango jinu Raatabhugenyi Yeesu omwene ꞉aayikire, ‘Amabhando maafu ari mu‑kusoosya okukira mu‑kuramira.’”

Barumi 16:12

Mukeesye Turufina na Turufoosa. Abhagasi abho abheekomeesya muno okukora emirimu ja Raatabhugenyi Yeesu Kirisito. Ka wone, mukeesye omwendwa waani Perisisi. Omwene wone ni mugasi unu ꞉eekomeesiisye muno okukora emirimu ja Raatabhugenyi Yeesu Kirisito.

Barumi 16:6

Mukeesye Maryamu unu ꞉eekomeesiisye muno okukora emirimu inguru yeemwe.

1 Bakorinto 12:28

Nyamuwanga ateeye mw‑ikanisa, bha okwamba jitumwa, bha kabhiri abharagi, bha kasatu abheeyigisya. Wone ateeye bhanu abhakora ebhiruguusyo, bhanu bhari na echiyaanwa cha okuwosya abharwaye, bhanu bhari na echiyaanwa cha okusakira abhandi, bhanu bhari na echiyaanwa cha okutangasya, na bhanu bhari na echiyaanwa cha okwayika jinyaayika jingenyi.

1 Bakorinto 15:10

Nawe obhwitiriranya bhwa Nyamuwanga nibhwo bhukorere anye okubha itumwa. Obhwitiriranya bhwaye kw‑anye bhwariga bhutari bhwa kutyo era, kwa okubha okutura ku‑bhwitiriranya obhwo, nikorere emirimu okukira jitumwa joone. ꞉Nitaakorere ejo ku‑bhuturo bhwani omwene, tari Nyamuwanga ku‑bhwitiriranya bhwaye niwe ꞉aakorere emirimu aamwi na anye.

1 Bakorinto 16:16

mugayukega abhaanu rwa abho, na abhandi bhoone bhanu abhakora emirimu ejo aamwi nabho mu‑bhwikomeesya.

1 Bakorinto 16:18

Bhaakondisya omwoyo gwani, ka wone bhaakondisya emyoyo jeemwe. Kurwa ejo, mubhamenye kisi abhaanu rwa abho.

1 Bakorinto 3:9

Enaayika kutyo kwa okubha emirimu jinu anye na Apooro echikora ni ja Nyamuwanga, keemwe muri sambu ryaye, ka wone muri inju yaaye.

2 Bakorinto 11:23

Siga woori naayike rwa omusasi ati, araabha abheene ni bhakosi bha Kirisito, anye niri mukosi wa Kirisito okubhakira. Anye niikomeesiisye okukora emirimu muno, nibhoyerwe mw‑ibhoyero kwiya kaafu muno, nibhumirwe kwiya kaafu muno, ka wone naariga niri mu‑ngʼanga ya okufwa kwiya kaafu.

2 Bakorinto 5:9

Kurwa ejo, chiikare mu‑mibhiri jinu, amwi chiikare ku‑Raatabhugenyi, obhukarariiye bhweswe ni kumukondisya.

2 Bakorinto 6:1

Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.

Bagalatia 4:11

Eniyaya muno inguru yeemwe. Eyiturikana ati omurimu gwani gwone gunu ꞉naakorere kw‑imwe, ni gwa okufwirwa‑mo era.

Bafilipi 2:16

Ka wone muraasisye abhaanu omusango gwa Nyamuwanga gunu ogubhayaana obhuwanga bhwa akajaanende. Mukakora kutyo, niribhona echiinu cha okwikuuyisya ku‑rusuku rurya Kirisito arisubha. Okubha emirimu jinu ꞉naayambeene okukora agatigati yeemwe jaariga jitari ja okufwirwa‑mo.

Bafilipi 2:19

Raatabhugenyi Yeesu aakeenda, eniiyikanya okutuma Timoteewo bhwangu kw‑imwe, korereki omwanya gunu arisubha, anye wone nifungʼamibhwe akantondera emisango jeemwe.

Bakolosai 1:29

Inguru ya omusango ogwo, eniikomeesya na okurwanirira emirimu jinu ku‑managa maafu ganu Kirisito kaanaana.

1 Batesalonika 2:9

Woori, abhayiri bheeswe, omwichuka okwikomeesya kweswe na okunyaaka kweswe, kutyo chaakoraga emirimu mu‑ngeta na mu‑mwisi. ꞉Chaakorere kutyo, korereki omwanya gunu echiraasya Emisango ja Ekisi okusooka ku‑Nyamuwanga, chisige okunyaasya omuunu woonewoone kw‑imwe.

1 Batesalonika 4:1

Mbe, abhayiri bheeswe, ꞉chaabheeyigisiisye kutyo ejikenwa murame, korereki mukondisye Nyamuwanga. Chimari omukora kutyo ꞉mweeyigiiye. Woori, echibheerembeeresya ku‑bhuturo bhwa Raatabhugenyi Yeesu ati, mukore kisi muno okukira kutyo mwariga nimukora.

1 Batesalonika 5:14

Emwe, abhayiri bheeswe, echibheerembeeresya mugonye abharenga na musimbiisye bhoone bhanu bhafuuwe emitima. Ka wone musakire bhanu bhatari na amanaga na mubhe na obhwigumiirisya ku‑bhaanu bhoone.

1 Timoteo 5:1

Waasiga okugonya omukaruka, tari umutongere rwa kutyo owutongera esomwana. Abhasigaji ubhatongere rwa abhamura bhaanyu,

1 Timoteo 5:20

Nawe abhakaruka bhanu abhagenderera okukora ebhibhiibhi, ubhagonye imbere ya abhaanu abhandi bhoone, korereki abho wone bhoobhaye.

2 Timoteo 2:6

Ka wone, omurimi unu keekomeesya okurima, jiiyire abhe wa okwamba okunogora amatwasyo.

Tiito 1:3

Omwanya gwejire gwakuumira, Nyamuwanga ꞉aaramuuye okuswerura abhweru Emisango jaaye ja Ekisi. Nyamuwanga Omuchungusi weeswe, ku‑chiraagiro chaaye, anaaye omurimu gwa okuraasya emisango ejo.

Tiito 1:5

꞉Naakusigire Kireete awo, korereki utuure‑wo obhwisombooro bhwa ekisi ku‑misango ejindi jinu jisigaaye, aamwi na okusora abhakaruka bha rikanisa mu‑bhuri rara, rwa kutyo ꞉naakweresiisye.

Tiito 2:15

Mbe, iyigisya abhaanu emisango ejo, bhasimbiisye na okubhagonya ku‑bhuturo bhwone. Ka wone, omuunu woonewoone asige okukugaya.

Baeburania 13:17

Mugayukega abhatangasya bheemwe na okuruubha jinu abhabharagirira, kwa okubha abheene nibho abhabhanyaakirira okuyigwa wuri. Abheene bharyendwa okweresya emirimu jeebhwe imbere ya Nyamuwanga. Kurwa ejo mubhagayukega, korereki bhakore emirimu jeebhwe nibhakondererwaga. Nawe araabha mukarema okubhagayuka, abhaja okukora emirimu jeebhwe bhasurumbaaye, na emirimu jeebhwe ejo jitaribha na omuriiro gwonegwone kw‑imwe.

Baeburania 13:7

Mwichuke abhatangasya bheemwe bhanu bhaariga nibhabheeyigisya omusango gwa Nyamuwanga. Mwiganirisye inguru ya jitungwa jeebhwe kutyo bhaariga bheekaaye, murorerega eriikirisya ryebhwe.

Obhusweruro 1:20

꞉Waarorere jinjota etaanu na ebhiri mu‑kubhoko kwani kwa ebhuryo. ꞉Waarorere wone emitereko etaanu na ebhiri ja inaaryo ja okutuura‑ko jidara. Siga nikwiyigisye obhugajuro bhwa jimbisike ejo. Emitereko jirya ni amakanisa garya agataanu na gabhiri, jinjota jirya etaanu na ebhiri ni bhamaraayika bha amakanisa ago.”

Obhusweruro 2:12

“Ukaamire maraayika wa mw‑ikanisa rya Perigaamo kutya, Niri na imbanda eya amoogi gabhiri. Mutegeresye jinu enibhabhwira!

Obhusweruro 2:18

“Ukaamire maraayika wa mw‑ikanisa rya Tiyaatira kutya, Anye, naanye Omwana wa Nyamuwanga. Ameeso gaani gari rwa jimbeesi ja omuriro na amaguru gaani agangʼarabhya muno rwa echuuma echitukurasi chinu chikuubhirwe muno. Mutegeresye jinu enibhabhwira!

Obhusweruro 2:3

Ka wone, enimenya ati, mwanyaakire muno inguru yaani, nawe mwigumiirisiisye, noorwo woori muchaari okuyigwa.

Obhusweruro 2:8

“Ukaamire maraayika wa mw‑ikanisa rya Simuriina kutya, Anye niri wa okwamba na owa obhuteero. ꞉Naafuuwe, ninsuuruka! Mutegeresye jinu enibhabhwira!

Obhusweruro 3:1

Niwo omuunu oyo ˆnaagenderera okwayika, ˆnaambwiraga ati, “Ukaamire maraayika wa mw‑ikanisa rya Sariidi kutya, Anye, naanye nitungire emyoyo etaanu na ebhiri ja Nyamuwanga na niri na jinjota etaanu na ebhiri jirya. Mutegeresye jinu enibhabhwira! Enimenya ebhikorwa bhyemwe. Muri na jikuma ja okubha abhaanga echinyamwoyo, keenu mufuuwe.

Obhusweruro 3:14

“Ukaamire maraayika wa mw‑ikanisa rya Rawodeekiya kutya, Anye, naanye Jibhe kutyo, omubhambaasi omwiyikanyibhwa wa echimari inguru ya Nyamuwanga. Anye, naanye obhusimukwa bhwa ebhibhumbwa bhyone bhinu Nyamuwanga ꞉aabhumbire. Mutegeresye jinu enibhabhwira!

Obhusweruro 3:7

“Ukaamire maraayika wa mw‑ikanisa rya Firadeefiya kutya, Anye niwe omweru na owa echimari. Ka wone, niri na orwiguriro rwa omukama Dawudi. Nikeegara orwigi, atari‑wo owundi unu kaatura okurwigura. Nikarwigura, atari‑wo owundi unu kaatura okurwigara. Mutegeresye jinu enibhabhwira!