1 Batesalonika 5:10 - Indagano Inyaaya mu-Chijita

¹⁰ Oyo niwe ꞉aachifwiriiye, korereki chibhe aamwi nage, omwanya gunu chiri abhaanga amwi omwanya gunu chifuuwe.

INDAGANO INYA:YA

¹⁰ unu acifwiriye, korereki cibe baanga aamwi nage, cikaba nicirora, amwi ciongee.

1 Batesalonika 5:10 ပူးပေါင်းရင်းမြစ်များ

Matayo 20:28

Jiri rwa kutyo anye Omwana wa Omuunu, ꞉niteejire okukorerwa emirimu, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

Yowana 10:11

“Anye naanye omureefi wa ekisi. Omureefi wa ekisi kaasoosyaga obhuwanga bhwaye inguru ya jinaama jaaye.

Yowana 10:15

rwa kutyo Raata ammenyere, anye wone nimumenyere kisi. Anye enisoosya obhuwanga bhwani inguru ya jinaama jaani.

Yowana 10:17

“Raata aanyendere, kwa okubha enisoosya obhuwanga bhwani, korereki nibhuramire rindi.

Yowana 15:13

Atari‑wo omuunu unu ari na eryenda rinene okukira omuunu unu kaasoosya obhuwanga bhwaye inguru ya abhasaani bhaaye.

Barumi 8:34

Ka wone niga unu arichiramura? Atari‑wo, kwa okubha Kirisito Yeesu, niwe ꞉aafuuwe, ˆnaasuuruka okusooka mu‑bhafuuwe. Ka wone, woori niwe ari orubhaara rwa ebhuryo rwa Nyamuwanga, niwe kaachisabhirwa.

1 Bakorinto 15:3

Ameeyigisyo ga bhusibhusi ganu anye ꞉naaramiiye, nigo ꞉naabheeyigisiisye ati, Kirisito ꞉aafuuwe inguru ya ebhibhiibhi bhyeswe, rwa kutyo jikaamirwe mu‑Bhikaame Ebhyeru.

2 Bakorinto 5:15

Omuunu oyo ꞉aafuuwe inguru ya abhaanu bhoone, korereki bhanu bharamire, bhasige okurama inguru yeebhwe abheene, tari bharame inguru ya unu ꞉aafuuwe na okusuuruka inguru yeebhwe.

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Baefeso 5:2

Murame mwendeene, nimuruubhaga echijekekanyo cha Kirisito. Okubha omwene ꞉aacheendere na okwisoosya inguru ya ebhibhiibhi bhyeswe, ˆnaabha echiyaanwa na echoogo echa ebhirange ku‑Nyamuwanga.

1 Batesalonika 4:13

Woori, abhayiri bheeswe, echeenda mumenye emisango ja abheekirisya bhanu bharamaamire nyombe, korereki musige okusurumbara rwa bhanu bhatari na obhwiyikanyo bhwa okurama na Nyamuwanga akajaanende koone.

1 Batesalonika 4:15

Ameeyigisyo ga Raatabhugenyi Yeesu ganu echibhabhwira nigo ganu, abheekirisya bhanu bharamaamire nyombe, nibho bharitangata okubha aamwi na Raatabhugenyi omwanya gunu arisubha rindi, niwo eswe wone, bhanu chiribhaga chiri abhaanga chirigwatana aamwi nabho.

1 Batesalonika 4:17

Niwo, eswe bhanu chiribhaga chiri abhaanga, chirigegwa aamwi nabho mu‑meere, korereki chiramire Raatabhugenyi inguru. Chiriikara aamwi nage akajaanende koone.

1 Batesalonika 5:6

Mbe, chisige okubha rwa abhandi bhanu bhawongeeye. Nawe, eswe chitengeeje na chiyingirire.

1 Timoteo 2:6

Omwene ꞉aasoosiisye obhurame bhwaye, korereki eerure abhaanu bhoone. Bhunu nibhwo obhubhambaasi bhunu Nyamuwanga ꞉aachiyaaye ku‑mwanya gunu ꞉aateeye‑wo.

2 Timoteo 2:11

Omusango gunu ni gwa echimari ati, “Araabha chifuuwe aamwi na Kirisito, wone echija okubha abhaanga aamwi nage.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.