1 Batesalonika 4:4 - Indagano Inyaaya mu-Chijita

⁴ Bhuri umwi weemwe abhe na obhuturo bhwa okuyiga okurigira kwaye kwa omubhiri, rwa kutyo Nyamuwanga keenda na okwa echibharo.

INDAGANO INYA:YA

⁴ Omu:nu wo:ne kwimwe amenye okukinga omubiri gwae omwene mu bweru na mu cibaro,

1 Batesalonika 4:4 ပူးပေါင်းရင်းမြစ်များ

Ebikorwa 9:15

Nawe Raatabhugenyi ˆnaabhwira Ananiiya ati, “Genda era! Omuunu oyo, naamusora abhe omukosi waani, korereki araasye risiina ryani ku‑bhaanu bhanu bhatari Bhayawudi, ku‑bhakama bheebhwe na ku‑Bhayisirayeeri abheene.

Barumi 1:24

Ku‑songa eyo, Nyamuwanga abhasindikire bhabhega nibharuubha okurigira kwebhwe okubhiibhi, nibhakoranira emisango emijabhi ja jiswaro ku‑mibhiri jeebhwe.

Barumi 12:1

Woori abhayiri bhaani, mumenyere kutyo Nyamuwanga kaachifwira echigongo. Kurwa ejo mbe, enibheerembeeresya ati, mwisoosye obhurame bhwemwe ku‑Nyamuwanga. Mubhe rwa ebhyogo bhinu bhiri ebhiwanga na ebhyeru, bhinu ebhimukondisya. Eyo niyo injira ya echimari ya okumuramya.

Barumi 6:19

Naasimura na emwe ku‑chijekekanyo echo cha obhugaya, kwa okubha emwe mutari bhaangu okumenya chinu enaayika. Kara, mwariga nimusoosya ebhiwuga bhyone bhya emibhiri jeemwe okukora emisango emijabhi, mwariga muri bhagaya bha ebhibhiibhi, na ebhibhiibhi bhyemwe ꞉bhyeyongesiisye muno. Nawe woori, mubhe nimwisoosya ku‑Nyamuwanga ebhiwuga bhyone bhya emibhiri jeemwe, mubhe abhakosi bha emisango ja obhurengeresi, korereki mukorere emirimu Nyamuwanga kwa omwoyo gwone.

1 Bakorinto 6:15

Mutakumenya ati emibhiri jeemwe, ni bhiwuga bhya omubhiri gwa Kirisito? Woori, nigege omubhiri gwani, gunu guri chiwuga cha omubhiri gwa Kirisito, na okugugwatanya na omubhiri gwa omugasi unu keegusya okwibhonera ribhona? Wuri, noorwo na akatyari!

1 Bakorinto 7:2

Nawe ku‑songa ya okwikenga ingʼanga ya okukora obhuromesi, bhuri murume abhe na omugasi waaye omwene, na bhuri mugasi abhe na omurume waaye omwene.

1 Bakorinto 7:9

Nawe araabha bhatakutura okwiyingirira, ni kisi bhatware amwi bhatwarwe, kwa okubha ni akiri kukora kutyo okukira okunyaasibhwa na okurigira okubhiibhi kwa omubhiri.

2 Bakorinto 4:7

Nawe eswe bhanu chiri na echibhiikwa echo, chiri rwa ebhiinu bhya rimoga era, korereki imenyekane abhwerubhweru ati, amanaga amaafu ga okukora emirimu ejo, agasooka ku‑Nyamuwanga, na kutari kw‑iswe.

Bafilipi 4:8

Ku‑bhuteero, abhayiri bhaani, emisango ja echimari, emisango jinu jiiyire jiyanwe echibharo, emisango ja obhurengeresi, emisango emyeru, emisango jinu ejikondisya, emisango jinu jiri ja ekisi, emisango jinu jiiyire okukuuyibhwa, ejo nijo mwiganirisye.

Baeburania 13:4

Obhutwarwa bhwenderwe bhuyaanwe echibharo na abhaanu bhoone. Omurume na omugasi bheekengega obhuromesi, kwa okubha Nyamuwanga ariramura abhasengani na abharomesi.

1 Petero 3:7

Nyabhuriko, emwe abharume, mwikare na abhagasi bheemwe muri na obhwenge, mumenyere ati bhatari na amanaga rwa emwe. Mubhaangarire, nimubhaayanaga echibharo, kwa okubha Nyamuwanga ꞉aaragire ati emwe na abheene muryanjura obhwitiriranya bhwa obhuwanga. Kurwa ejo, emwe abharume, mukore kutyo, korereki risabhwa ryemwe risige okuyingirirwa.