1 Batesalonika 4:3 - Indagano Inyaaya mu-Chijita

³ Okubha echiinu chinu Nyamuwanga keenda kw‑imwe nicho chinu, mubhe abhaanu abheeru. Kurwa ejo, mwikenge na obhuromesi.

INDAGANO INYA:YA

³ Okuba Nyamuanga kenda cinu ati, mwiŋaŋe oburomesi, nikwo okwesibwa kwemwe.

1 Batesalonika 4:3 ပူးပေါင်းရင်းမြစ်များ

Matayo 12:50

Okubha omuunu woonewoone unu kaakora okwenda kwa Raata waani unu ari mu‑rwire, oyo niwe omumura waasu, omuyara waasu na maayi.”

Matayo 15:19

Mu‑mwoyo gwa omuunu, nimwo obhusooka obhwiganirisya obhubhiibhi, obhwiti, obhuromesi, obhusengani, obhwifi, obhubhambaasi bhwa orubheeyi na amafumo.

Matayo 5:32

Nawe anye enibhabhwira ati, omurume woonewoone unu kaataana na omugasi waaye, itari ku‑songa ya okumugwata echiroogi, kaakora omugasi waaye oyo okubha omuromerwa. Ka wone, omurume woonewoone unu aritwara omugasi oyo, mbe omurume oyo wone kaabha omuromesi.

Matayo 7:21

“Itari ati, bhuri muunu unu kaatogora ati, ‘Raatabhugenyi, Raatabhugenyi,’ ariingira mu‑bhukama bhwa mu‑rwire. Nawe omuunu unu kaakora okwenda kwa Raata waani unu ari mu‑rwire, oyo niwe aribhwingira.

Mariko 3:35

Omuunu woonewoone unu kaakora okwenda kwa Nyamuwanga, oyo niwe omumura waasu, maayi na omuyara waasu.”

Yowana 4:34

Yeesu ˆnaabhasubhya ati, “Ebhiryo bhyani ni kukora okwenda kwa Raata Nyamuwanga unu ꞉aantumire, na okukuumisya emirimu jaaye.

Yowana 7:17

Omuunu woonewoone unu keenda okukora kutyo Nyamuwanga keenda, oyo kaja okusombookerwa ati, ameeyigisyo gaani gasookere ku‑Nyamuwanga. Ka wone kaja okusombookerwa ati, nitakwayika ku‑bhuturo bhwani omwene.

Ebikorwa 15:20

Echikenwa era okubhakaamira inyarubha okubheeresya ati bhasige okurya ebhiryo bhinu bhisoosiibhwe inguru ya okuramya amasusano, obhuromesi, okurya jityanyi jinu jiitirwe kwa okubhuutwa noorwo okunywa orwamba.

Ebikorwa 15:29

Musige okurya ebhiryo bhinu bhisoosiibhwe inguru ya okuramya amasusano, okurya noorwo okunywa orwamba, okurya jityanyi jinu jiitirwe kwa okubhuutwa na okukora obhuromesi. Araabha mukasigana na ejo, niwo omubha mukorere kisi. Jibhe kutyo.”

Ebikorwa 20:32

“Woori, enibhatuura ku‑Nyamuwanga na ku‑musango gwa obhwitiriranya bhwaye obhukuru. Okubha gunu, ogutura okubhakomeesya na okubhayaana omwandu gwa amabhando ganu atereeye‑wo abhaanu bhaaye bhanu bheesiibhwe.

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Barumi 1:29

Bheejuuywe ebhibhiibhi bhyafubhyafu, abhakora obhujabhi bhwafubhwafu, ka wone abheesigombera ebhiinu bhyone na abheenda inyombo. Bheejuuywe orwiso, obhwiti na obhukungirisi. Abhaayika orubheeyi, bhari na obhwira obhubhiibhi, ni bharomi bha abhaanu,

Barumi 12:2

Mwasiga okuruubha jitungwa ja abhaanu bha echaaro chinu, nawe musige Nyamuwanga ayindure emitima jeemwe, korereki mubhe na obhwiganirisya obhuyaaya. Awo niwo muriiyigira okumenya jinu Nyamuwanga keenda kwa okujikora. Murimenya ati ni misango ki jinu jiri ja ekisi, jinu ejimukondisya, ka wone jinu jikuumiiye.

Barumi 6:22

Woori musuruumuuywe na Nyamuwanga okusooka mu‑bhugaya bhwemwe bhwa echibhiibhi. Ka wone, abhakorere okubha abhakosi bhaaye, na okuruubhana na ejo mubhwene omuriiro. Omuriiro ogwo ni kukorera emirimu Nyamuwanga kwa omwoyo gwone na ku‑bhuteero ni kuramira obhuwanga bhwa akajaanende koone.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

1 Bakorinto 7:2

Nawe ku‑songa ya okwikenga ingʼanga ya okukora obhuromesi, bhuri murume abhe na omugasi waaye omwene, na bhuri mugasi abhe na omurume waaye omwene.

2 Bakorinto 12:21

Enuubhaya ati, omwanya gunu niribhaaja‑ko rindi, Nyamuwanga waani arikora nirore jiswaro imbere yeemwe. Nirisurumbara okurora abhaanu bhaafu agati yeemwe bhanu ꞉bhaakorere ebhibhiibhi, bhachaari okubhita. Bhachaari na akatungiiywe karyakarya akabhiibhi ka obhujabhi, obhuromesi, na orukubho.

Bagalatia 5:19

Mbe, ebhikorwa bhinu ebhikorwa na okurigira kwa omubhiri bhiri bhweru, nibhyo bhinu, obhuromesi, obhujabhi, orukubho,

Baefeso 5:17

Mbe, musige okubha abhataamutaamu, nawe musombookerwe okwenda kwa Raatabhugenyi.

Baefeso 6:6

Mubhagayukega, itari ku‑mwanya gunu abhabharora, muri rwa abhaanu bhanu abheekondya, tari mukuumisyega okwenda kwa Nyamuwanga kwa mwoyo gwone, rwa abhakosi bha Kirisito.

Bakolosai 1:9

Kurwa ejo, chichaariga okusiga okubhasabhirwa, okusookerera orusuku runu ꞉choonguuwe emisango jeemwe. Echisabhwa Nyamuwanga abhayaane okumenya kwone ku‑joone jinu omwene keenda. Ku‑ogwo, abhayaane obhwengeeso bhwone na okusombookerwa kunu okusooka ku‑Mwoyo Mweru.

Bakolosai 3:5

Mbe woori, mwese kura chimwi emisango joone ja echaaro chinu jinu jiri mu‑myoyo jeemwe, emisango ejo ni bhuromesi, obhujabhi, okurigira okubhiibhi, obhwiganirisya obhubhiibhi, na okwisigombera ebhiinu. Okwisigombera ebhiinu kuri rwa okuramya amasusano na okusiga okuramya Nyamuwanga.

Bakolosai 4:12

Epaafura, omukosi wa Kirisito Yeesu, ka wone ni muunu wa ewaanyu eyo, kaabhakeesya. Bhuri mwanya keekomeesya okubhasabhirwa korereki murumatane echinyamwoyo mu‑riikirisya ryemwe na okubha na echimari inguru ya okwenda kwone kwa Nyamuwanga.

1 Batesalonika 4:2

Echibheerembeeresya mukore kutyo, kwa okubha mumenyere kisi amaragiriro ganu ꞉chaabharagiriiye ku‑bhuturo bhwa Raatabhugenyi Yeesu.

1 Batesalonika 4:4

Bhuri umwi weemwe abhe na obhuturo bhwa okuyiga okurigira kwaye kwa omubhiri, rwa kutyo Nyamuwanga keenda na okwa echibharo.

1 Batesalonika 5:18

Musiime Nyamuwanga ku‑bhuri musango, kwa okubha ejo nijo omwene keenda emwe mukore rwa kutyo Kirisito Yeesu ꞉aachiiyigisiisye okukora.

1 Batesalonika 5:23

Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.

2 Batesalonika 2:13

Nawe eswe, echikenwa chisiime Nyamuwanga bhuri rusuku ku‑songa yeemwe. Emwe abhayiri, mwenderwe na Raatabhugenyi Yeesu. Echisiima Nyamuwanga, kwa okubha ꞉aabhawuuwe, echiinu choonechoone chichaari okubhumbwa korereki muchungurwe. Muchunguuywe kwa okubha mwesibhwe na Mwoyo Mweru, ka wone mwikirisiisye echimari.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Baeburania 10:36

Mwenderwe mwigumiirisyega, korereki mubhe nimukora jinu Nyamuwanga keenda. Ku‑njira eyo, muriramira jinu Nyamuwanga ꞉aaragire okubhayaana.

Baeburania 12:16

Mwiyangarirega, korereki agati yeemwe aasiga okubha‑wo omuunu omuromesi amwi omuunu unu atakuyaana echibharo Nyamuwanga rwa kutyo Esawu aariga atakumuyaana. Omwene Esawu ꞉aagusiisye rirenga rya omwibhurwa wa obhubhere inguru ya riribhire rimwi era.

Baeburania 13:21

Nyamuwanga abhayaane amanaga ga okukora okwenda kwaye. Ka wone akore mu‑myoyo jeeswe jinu ejimukondisya ku‑njira ya Yeesu Kirisito. Omwene akusibhwe akajaanende koone. Jibhe kutyo.

Baeburania 13:4

Obhutwarwa bhwenderwe bhuyaanwe echibharo na abhaanu bhoone. Omurume na omugasi bheekengega obhuromesi, kwa okubha Nyamuwanga ariramura abhasengani na abharomesi.

1 Petero 1:2

Kara awo, Raata Nyamuwanga ꞉aatangatire okubhamenya, ˆnaabhasora, Mwoyo waaye ˆnaabhakora mubhe bheeru, korereki mugayuke Yeesu Kirisito na okwesibhwa mu‑sagama yaaye. Obhwitiriranya na omurembe okusooka ku‑Nyamuwanga bhyongesibhwe kw‑imwe.

1 Petero 4:2

Ku‑njira eyo, jisiku jaaye joone jinu jisigaaye omwene okwikara ku‑chaaro kunu, ariikara rwa kutyo Nyamuwanga keenda, kutari okuruubha obhurigire bhwa echinyamuunu.

1 Yoana 2:17

Echaaro aamwi na okurigira kwacho okubhiibhi, bhiri na obhuteero. Nawe woonewoone unu kaakora jinu ejikondera Nyamuwanga, kaabha na obhuwanga bhwa akajaanende.

Obhusweruro 21:8

Nawe abhoobha, abhaanu bhanu bhatakwikirisya Nyamuwanga, bhanu abhamufuruurusya, abheeti, abharomesi, abharosi na bhanu abharamya amasusano, aamwi na abhabheeyi, bhoone abho orubhaara rwebhwe ni mu‑nyanja ya omuriro omururu gwa emisimu ja echibhiriiti. Okwo nikwo okufwa kwa kabhiri.”

Obhusweruro 22:15

Nawe, abharosi bhoone, abharomesi, abheeti, abhaanu bhanu abharamya amasusano na abhaanu bhoone bhanu abheenda okwayika orubheeyi, bharibha anja ya omusi ogwo rwa jimbwa.