1 Batesalonika 4:13 - Indagano Inyaaya mu-Chijita

¹³ Woori, abhayiri bheeswe, echeenda mumenye emisango ja abheekirisya bhanu bharamaamire nyombe, korereki musige okusurumbara rwa bhanu bhatari na obhwiyikanyo bhwa okurama na Nyamuwanga akajaanende koone.

INDAGANO INYA:YA

¹³ Nawe ba:na ba:su, citakwenda mureme okusombo:kerwa ebya banu baongee musige kusurumbara rwa bandi banu batana kwiikanya.

1 Batesalonika 4:13 ပူးပေါင်းရင်းမြစ်များ

Matayo 27:52

Ebhituuro bhinu bhyariga bhisimbirwe ku‑mabhuyi okwo nibhiiguka na abheeru bhaafu bha Nyamuwanga nibhasuuruka.

Yowana 11:24

Maarita ˆnaayika ati, “Nimenyere ati arisuuruka omwanya gunu Nyamuwanga arisuurura abhafuuwe bhoone orusuku rwa obhuteero.”

Ebikorwa 13:36

“Okubha Dawudi ejire aakuumisya joone jinu Nyamuwanga aariga akarariiye okukora ku‑mwanya gwa riyimbo ryaye, ˆnaafwa, ˆnaamaama nyombe na bha esemwene, omubhiri gwaye nigubhora.

Ebikorwa 7:60

Ejire eeya ˆneefukama, ˆnaarira kwa obhuraka obhunene ati, “Raatabhugenyi, waasiga okubhabharira echibhiibhi chinu!” Ejire aamara okwayika ejo, ˆnaafwa. Saawuri wone ꞉aarorere ati, echikorwa cha okwita Tefwano chaariga chiri cha ekisi.

Barumi 1:13

Abhayiri bhaani, eneenda musombookerwe ati, kwiya kaafu naariga niikararira okubhakinga‑ko, nawe okukinga woori niyingiriiywe. Eneenda nibhaaje‑ko, korereki nikongye abhaanu mw‑imwe bharuubhe Raatabhugenyi Yeesu, rwa kutyo ꞉naakongiisye abhaanu abhandi bhanu bhatari Bhayawudi.

1 Bakorinto 10:1

Abhayiri bhaani mu‑riikirisya, eneenda mumenye ati, omwanya gunu bhasaaja weeswe bhaasookaga Miisiri, bhoone bhaariga nibhatangasibhwa na eriire, ka wone bhoone ꞉bhaaturire agatigati ya inyanja.

1 Bakorinto 12:1

Woori, abhayiri bhaani mu‑riikirisya, enija okwayika inguru ya ebhiyaanwa bhinu ebhisooka ku‑Mwoyo Mweru, kwa okubha eneenda mubhisombookerwe kisi.

1 Bakorinto 15:6

Ejire eeya, ˆnaasoromokera abheekirisya bhanu ꞉bhaambukire magana gataanu (500) ku‑bhumwi bhwebhwe. Abhaafu mu‑bheene noorwo woori bhachaari bhaanga, tari abhandi bhamaamire nyombe.

2 Bakorinto 1:8

Abhayiri bheeswe mu‑riikirisya, echeenda mumenye kutyo ꞉chaanyaakire mu‑mukoowa gwa Asiya. Ebhinyaasyo bhinu ꞉chaabhwene, nibhichisitoyera muno, nichikingira okwiganirisya ati, chaakafuuwe.

Baefeso 2:12

Mwichuke ati, ku‑mwanya gurya, mwariga mutakumenya Kirisito, mwariga mukindikirwe okusooka ku‑Bhayisirayeeri, mwariga muri bhagenyi bhanu mutari na omurago gwonegwone ku‑ndagano yeebhwe. Mwariga mutari na obhwiyikanyo, nyabhuriko mwariga mutari na Nyamuwanga ku‑chaaro.

Baefeso 2:3

Omwanya ogwoogwo eswe bhoone wone, chaariga nichikora rwa kutyo abhaanu bhanu bhatakugayuka Nyamuwanga bhaakoraga. Chaakoraga rwa kutyo emibhiri jeeswe na obhwiganirisya bhweswe bhyendaga. Okuruubhana na jitungwa jeeswe jimbiibhi ja obhusimukwa, risungu rya Nyamuwanga ryekaga inguru yeeswe rwa ku‑bhaanu abhandi bhoone.

1 Batesalonika 4:14

Eswe, echiikirisya ati Yeesu ꞉aamaamire nyombe na okusuuruka. Kutyokutyo, echiikirisya ati, Nyamuwanga arisuurura abhaanu bhoone bhanu ꞉bhaamaamire nyombe bheekirisiisye Yeesu na aribhareeta aamwi nage.

1 Batesalonika 4:15

Ameeyigisyo ga Raatabhugenyi Yeesu ganu echibhabhwira nigo ganu, abheekirisya bhanu bharamaamire nyombe, nibho bharitangata okubha aamwi na Raatabhugenyi omwanya gunu arisubha rindi, niwo eswe wone, bhanu chiribhaga chiri abhaanga chirigwatana aamwi nabho.

1 Batesalonika 5:10

Oyo niwe ꞉aachifwiriiye, korereki chibhe aamwi nage, omwanya gunu chiri abhaanga amwi omwanya gunu chifuuwe.

1 Batesalonika 5:6

Mbe, chisige okubha rwa abhandi bhanu bhawongeeye. Nawe, eswe chitengeeje na chiyingirire.

2 Petero 3:4

nibhaayikaga ati, “Kirisito ꞉aaragire ati, arisubha! Woori ari aaki? Okusookerera bhasaaja weeswe bhafwe, emisango joone jiri kutyokutyo rwa kutyo jaariga jiri ku‑bhwambiro bhwa echaaro!”

2 Petero 3:8

Nawe, abheendwa bhaani, mwasiga okurabhirwa omusango gunu ati, ku‑Raatabhugenyi, orusuku rumwi ruri rwa emiguuga chiwumbi na emiguuga chiwumbi ku‑mwene jiri rwa rusuku rumwi era.