1 Batesalonika 4:11 - Indagano Inyaaya mu-Chijita

¹¹ Mwikomeesye okubha na omurembe mu‑myoyo jeemwe. Bhuri muunu agenderere na jifurubhendo jaaye, ka wone akore emirimu jaaye omwene, rwa kutyo ꞉chaabharagiriiye ku‑bhwambiro.

INDAGANO INYA:YA

¹¹ Mukome:re okucore:ra, no kukora emirimu jemwe, nimukora na maboko rwa kutyo nabaragiriye,

1 Batesalonika 4:11 ပူးပေါင်းရင်းမြစ်များ

Mariko 13:34

“Okuuja kwani okususanyibhwa na omuunu unu ꞉eendere okuja orugendo. ˆNaasigira abhakosi bhaaye inju yaaye korereki bhayangarire. ˆNaagabhira bhoone emirimu ja okukora. ˆNaaragirira omuriisi wa orwigi ati, atengeeje.”

Ebikorwa 18:3

kwa okubha Pawuro aakoraga emirimu ja okusona amayeema rwa abheene, ˆnaasigara eweebhwe awo na okukora emirimu aamwi nabho.

Ebikorwa 20:35

Mu‑joone jinu ꞉naakorere, naariga nimbeeresya ati echikenwa okukora emirimu, korereki chibhone ebhiinu bhya okusakira abhaanu bhanu bhatari na obhuturo. Echikenwa wone okwichuka emisango jinu Raatabhugenyi Yeesu omwene ꞉aayikire, ‘Amabhando maafu ari mu‑kusoosya okukira mu‑kuramira.’”

Barumi 12:11

Mwasiga okurengaara mu‑kukora emirimu ja Nyamuwanga, tari Mwoyo Mweru abhasakire okugenderera okujikora kwa omwoyo gwone. Mukorere emirimu Raatabhugenyi Yeesu.

Barumi 15:20

Ku‑mirimu ejo joone, eniikomeesya okuraasya Emisango ja Ekisi ku‑mbaara jinu abhaanu bhachaariga okuraasibhwa emisango inguru ya Kirisito. Enikora kutyo, korereki nisige okwambisya bhuyaaya emirimu mu‑mbaara jinu omuunu owundi aamarire okujikora.

1 Bakorinto 4:12

Echikora emirimu jeeswe kwa okwikomeesya muno kwa amabhoko geeswe abheene. Omwanya gunu abhaanu abhachifuma, echibhasabhirwa amabhando. Omwanya gunu abhachinyaasya, echiigumiirisya.

2 Bakorinto 5:9

Kurwa ejo, chiikare mu‑mibhiri jinu, amwi chiikare ku‑Raatabhugenyi, obhukarariiye bhweswe ni kumukondisya.

Baefeso 4:28

Omwifi asige okugenderera okwibha, nawe akiri afurubhende, akore emirimu ja okwibhusya‑mo kwa amabhoko gaaye, korereki abhone echiinu cha okuyaana‑ko owa obhukene.

1 Timoteo 2:2

Omukenwa okusabhirwa abhakama na abhatangasya abhandi bhoone, korereki chiikare na omurembe, nichikoraga rwa kutyo Nyamuwanga keenda na chiri na jitungwa ja ekisi.

1 Timoteo 5:13

Aamwi na ejo, abheeyigira jitungwa ja obhurenga, bhutari bhurenga era, nawe ni bharomi na abhayengiyengi mu‑misi ja abhaanu abhandi. Jitari ejo era, abheeyingisya wone, mu‑misango ja abhaanu abhandi na okwayika emisango jinu jiteeyire.

Tiito 3:14

Abheejaasu bhoone, bheeyigire okwikomeesye okukora ebhikorwa bhya ekisi, korereki bhabhe na obhuturo bhwa okusakira abhaanu bha obhukene bhwa bhusibhusi. Bhaakakora kutyo obhurame bhwebhwe bhutaribhurwa amatwasyo.

1 Petero 3:4

Tari okwinojoorya kwemwe kwambire mu‑myoyo jeemwe, okwinojoorya okwo kutakunyamuka noorwo okukokora. Ogwo nigwo omwoyo gwa obhworooro na okufungʼama, nicho echiinu cha obhurambu obhunene ku‑Nyamuwanga.

1 Petero 4:15

Nawe, omuunu woonewoone kw‑imwe aasiga okunyaasibhwa kwa okubha ati ni mwiti, ni mwifi, ni mukosi wa ebhibhiibhi amwi omusokanya wa abhaanu.