1 Batesalonika 3:2 - Indagano Inyaaya mu-Chijita

² Nichituma Timoteewo omuyiri weeswe, korereki aaje okukomeesya emyoyo jeemwe na okubhasimbiisya inguru ya eriikirisya ryemwe. Omwene ni mukosi weejaasu wa Nyamuwanga, wa okuraasya Emisango ja Ekisi inguru ya Kirisito.

INDAGANO INYA:YA

² nicituma Timoteo, omwana wa:su na mukosi wa Nyamuanga mu Bigambo byo bwana ebya Kristo, abarumye no kubasi:ri:sya mu kwikirisya kwemwe.

1 Batesalonika 3:2 ပူးပေါင်းရင်းမြစ်များ

Ebikorwa 16:1

Pawuro ˆnaagenda mu‑misi ja Deeribhe na Risitura. Risitura eyo aariga ari‑wo omwiyigisibhwa umwi wa Yeesu, risiina ryaye aatogwaga Timoteewo. Nyiramwene aariga ari Omuyawudigasi, omwene aariga ari mwikirisya wa Yeesu, nawe esemwene aariga ari Muyunaani.

Ebikorwa 16:5

Kutyo nikwo abheekirisya ꞉bhaagendereeye okukomeera mu‑riikirisya. Obhukumi bhwebhwe bhwariga nibhwiyongesya bhuri rusuku.

Ebikorwa 18:5

Siira na Timoteewo bhejire bhaakinga awo okusooka Makedooniya, Pawuro aariga ˆnaasoosya omwanya gwaye gwone okwiyigisya omusango gwa Nyamuwanga ku‑Bhayawudi, ˆnaabhabhwiraga ati Yeesu niwe Kirisito.

Barumi 16:21

Timoteewo, omukosi weejaasu, kaabhakeesya. Ka wone, Abhayawudi bheejaasu Ruukiyo, Yasooni na Sosipiita, abhabhakeesya.

1 Bakorinto 3:10

Nyamuwanga ku‑bhwitiriranya bhwaye aansakira okuumbaka orufuka rwa omuumbaki wa ekisi na owa obhwengeeso, na omuunu owundi koombaka inguru ya orufuka orwo. Nawe woori, bhuri muunu aangarire kisi, kutyo koombaka inguru yaarwo,

1 Bakorinto 4:17

Ku‑songa eyo, ꞉naatumire Timoteewo, omwana waani omwendwa, unu ari mwiyikanyibhwa ku‑mirimu ja Raatabhugenyi. Omwene kaja okubheechukya kutyo anye eniruubha Kirisito, jiri rwa kutyo eniiyigisya abhaanu bhuri rubhaara mu‑makanisa goone.

2 Bakorinto 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya. Echikaamira emwe bhanu muri mw‑ikanisa rya Nyamuwanga mu‑musi gwa Koriito, aamwi na abheeru bhoone bha Nyamuwanga bhanu bhari mu‑mukoowa gwa Akaaya.

2 Bakorinto 1:19

Enaayika kutyo, kwa okubha Yeesu Kirisito, Omwana wa Nyamuwanga, unu anye, Sirwano, na Timoteewo ꞉chaamuraasiisye kw‑imwe, aariga atari muunu wa okwayika ati, “Cha,” neeya ˆnaayika ati, “Wuri.” Tari ku‑mwene oyo, omwanya gwone ni ati, “Cha.”

2 Bakorinto 2:12

Mbe, omwanya gunu ꞉naakingire mu‑musi gwa Turoowa okuraasya Emisango ja Ekisi inguru ya Kirisito, ꞉naasongeene Raatabhugenyi aanyiguriiye orwigi, korereki nikore emirimu jaaye eyo.

2 Bakorinto 2:13

Nawe ꞉niteeyunguuywe kisi mu‑mwoyo gwani, kwa okubha ꞉nitaasongʼeene‑yo Tiito, omuyiri waani mu‑riikirisya. Kurwa ejo, nindaga abhaanu bheende eyo, ninsooka‑wo ningenda Makedooniya.

2 Bakorinto 8:23

Woori araabha omuunu keenda okusombookerwa emisango inguru ya Tiito, omwene ni mukosi weejaasu, unu kaakora emirimu aamwi na anye ku‑njira ya okubhasakira emwe. Araabha omuunu keenda okusombookerwa emisango inguru ya abhandi bhanu abhaaja aamwi nage, abho ni bhayiri bheeswe mu‑riikirisya, bhatumirwe na amakanisa, abheene wone abhakusya Kirisito.

Bafilipi 1:25

Chimari eniiyikanya inguru ya omusango ogwo, kurwa ejo, enimenya ati nirigenderera okwikara ku‑chaaro anu. Niribha aamwi na emwe bhoone, korereki nibhasakire murumatane na okukondererwa mu‑riikirisya ryemwe.

Bakolosai 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya.

Bakolosai 1:7

Emwe, ꞉mweeyigisiibhwe Emisango ja Ekisi ejo na Epaafura. Omwene ni weejaasu omwendwa na omukosi omwiyikanyibhwa wa Kirisito inguru yeemwe.

Bakolosai 4:12

Epaafura, omukosi wa Kirisito Yeesu, ka wone ni muunu wa ewaanyu eyo, kaabhakeesya. Bhuri mwanya keekomeesya okubhasabhirwa korereki murumatane echinyamwoyo mu‑riikirisya ryemwe na okubha na echimari inguru ya okwenda kwone kwa Nyamuwanga.

Bakolosai 4:9

Ariija aamwi na Oneesimo, omuyiri weeswe omwendwa, ka wone omwiyikanyibhwa. Omwene ni muunu wa ewaanyu eyo. Bharibhabhwira emisango joone jinu ejikorekana kw‑iswe enu.

1 Batesalonika 3:13

Akomeesye emitima jeemwe, korereki mubhe abheeru, bhanyamburwa esoro mu‑meeso ga Nyamuwanga Raata weeswe, omwanya gunu Raatabhugenyi weeswe Yeesu arisubha aamwi na abheeru bhaaye bhoone.

1 Batesalonika 3:5

Mbe, anye omwene nejire naataamibhwa okugenderera okwigumiirisya, ꞉naatumire Timoteewo kw‑imwe, korereki nimenye kutyo mwariga nimugenderera okwikirisya Yeesu. ꞉Naakorere kutyo kwa okubha naariga niniiganirisya ati, amwi Syetaani omuregeeji urya, ꞉aabharegeejere na okubhayabhya. Jikabha jiri kutyo, emirimu joone jinu ꞉chaakorere jitaribha na omuriiro.

2 Batesalonika 2:17

abhasimbiisye emyoyo na okubhakomeesya, korereki mukorega na okwayika jinu jiri ja ekisi.