1 Batesalonika 3:11 - Indagano Inyaaya mu-Chijita

¹¹ Mbe, Nyamuwanga omwene, Raata weeswe aamwi na Raatabhugenyi weeswe Yeesu, achitangatire, achisoosisye‑ko ebhiikuujuro ku‑njira, korereki chibhaaje‑ko bhwangu.

INDAGANO INYA:YA

¹¹ Nawe Nyamuanga Rata omwene, na Ratabugenyi Yesu acitangasye injira yo ku:ja kwimwe.

1 Batesalonika 3:11 ပူးပေါင်းရင်းမြစ်များ

Matayo 6:14

Yeesu ˆnaagenderera okubhabhwira ati, “Araabha mukafwira echigongo abhaanu ebhikayo bhyebhwe, Esomwana unu ari mu‑rwire wone aribhafwira echigongo ebhibhiibhi bhyemwe.

Matayo 6:18

korereki abhaanu bhaasiga okumenya ati, wiyimire ebhiryo. Esomwana unu ari mu‑mbisike, niwe amenye era. Niwo Esomwana oyooyo unu kaarora jinu ejikorekena mu‑mbisike, arikuyaana echiyaanwa.

Matayo 6:26

Muringire jinyonyi. Jitakuyamba, jitakugesa na jitakwibhiikira ebhiryo mu‑chitara. Noorwo kutyo, Esomwana unu ari mu‑rwire, kaajiriisya. Mbe, mukeenganyirisibhwa na jinyonyi, emwe muri na indiyo muno okukira jinyonyi.

Matayo 6:32

Ebhiinu ebhyo bhyone, nibhyo abhanyamanga abhanyaakirira. Nawe emwe, Esomwana unu ari mu‑rwire, amenyere kisi ati, omukena ebhiinu ebhyo bhyone.

Matayo 6:4

korereki obhusakisi bhwawo, bhubhega bhwa mbisike. Mukakora kutyo, Esomwana unu kaarora mu‑mbisike, arikuyaana echiyaanwa.

Matayo 6:6

Tari omwanya gwa okusabhwa, ingira mu‑chisago chaawo, na wigare orwigi. Niwo usabhwe Esomwana unu ari mu‑mbisike. Niwo Esomwana unu kaarora jinu ejikorekena mu‑mbisike, arikuyaana echiyaanwa.

Mariko 1:3

Itumwa eyo niwe aryamura obhuraka mw‑ibhara ati, ‘Muchumachumire Raatabhugenyi injira, mwimye anu kaja okutura!’”

Ruuka 12:30

Ebhiinu ebhyo bhyone, nibhyo abhanyamanga abhanyaakirira. Nawe emwe, Esomwana unu ari mu‑rwire, amenyere kisi ati, omukena ebhiinu ebhyo.

Ruuka 12:32

“Emwe echise echitooto, mwasiga okuubhaya, kwa okubha Esomwana keenda okubhayaana obhukama bhwaye.

Yowana 20:17

Yeesu ˆnaamubhwira ati, “Nuusige okungwata‑ko. Nichaari okugenda mu‑rwire ku‑Raata. Mbe, genda ubhwire abhayiri bhaani, ati enigenda mu‑rwire ku‑Raata waani, unu ari Esomwana wone, ku‑Nyamuwanga waani unu ari Nyamuwanga weemwe wone.”

Barumi 1:3

Emisango ja Ekisi ejo, nijo emisango inguru ya Omwana waaye. Echinyamuunu, ꞉eebhuuywe mu‑ruganda rwa omukama Dawudi,

2 Bakorinto 6:18

Ka wone ꞉aayikire ati, “Niribha Esomwana, na emwe muribha abhaana bhaani bha echirume na abha echigasi. Nikwo kutyo kaayika Raatabhugenyi Nyamuwanga owa obhuturo bhwone!”

Bagalatia 1:4

Kirisito ꞉aasoosiisye obhurame bhwaye, inguru ya okusoosya‑wo ebhibhiibhi bhyeswe, korereki achichungure okusooka mu‑bhibhiibhi bhyone bhya echaaro chinu cha woori. ꞉Aakorere kutyo, okuruubhana na okwenda kwa Nyamuwanga Raata weeswe.

Bakolosai 1:2

Echikaamira emwe abheeru bha Nyamuwanga bhanu mwikaaye mu‑musi gwa Korosaayi, emwe abhayiri bheeswe abheeyikanyibhwa mu‑kubha na obhumwi na Kirisito. Obhwitiriranya na omurembe okusooka ku‑Nyamuwanga, Raata weeswe, bhibhe aamwi na emwe.

1 Batesalonika 3:13

Akomeesye emitima jeemwe, korereki mubhe abheeru, bhanyamburwa esoro mu‑meeso ga Nyamuwanga Raata weeswe, omwanya gunu Raatabhugenyi weeswe Yeesu arisubha aamwi na abheeru bhaaye bhoone.

1 Batesalonika 4:16

Okubha Raatabhugenyi omwene ariika okusooka mu‑rwire. Aryamura obhuraka kwa amanaga, maraayika omukuru wone aryamura obhuraka na okubhirikira, na rinyawegoona rya Nyamuwanga riririra. Niwo, abhaanu bhanu ꞉bhaamaamire nyombe bheekirisiisye Kirisito, bharitangata okusuuruka.

1 Batesalonika 5:23

Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.

2 Batesalonika 2:16

Raata weeswe Nyamuwanga, kaacheenda na ku‑bhwitiriranya bhwaye, arichisimbiisya akajaanende na okuchiyaana obhwiyikanyo ati arichiyaana ebhiinu bhya ekisi bhinu ꞉aachiragire. Echisabhwa omwene na Raatabhugenyi weeswe Yeesu Kirisito ati,

2 Batesalonika 3:16

Woori, Raatabhugenyi Yeesu omwene unu ari obhwambiro bhwa omurembe, abhayaanega omurembe omwanya gwone ku‑njira joone. Omwene abhe aamwi na emwe bhoone.

2 Batesalonika 3:5

Raatabhugenyi atangasye emyoyo jeemwe mu‑ryenda rinu erisooka ku‑Nyamuwanga na okwigumiirisya kunu okusooka ku‑Kirisito.

1 Yoana 3:1

Mbe, mwiganirisye kutyo Raata Nyamuwanga acheendere muno, okukingira okuchitoga ati chiri bhaana bhaaye! Chimari, nikwo kutyo chiri. Nawe abhaanu bhanu bhatakugayuka Nyamuwanga bhatakumenya ati, eswe chiri bhaana bhaaye, kwa okubha bhatakumusombookerwa.

Obhusweruro 21:3

Ninuungwa obhuraka obhunene okusooka ku‑chitebhe chirya cha ingʼoma, nibhwayikaga ati, “Ringira! Obhwikaro bhwa Nyamuwanga nibhwo obhwikaro bhwa abhaanu wone. Ariikara aamwi na abhaanu, bharibha abhaana bhaaye, omwene wone aribha Nyamuwanga weebhwe.