1 Batesalonika 2:9 - Indagano Inyaaya mu-Chijita

⁹ Woori, abhayiri bheeswe, omwichuka okwikomeesya kweswe na okunyaaka kweswe, kutyo chaakoraga emirimu mu‑ngeta na mu‑mwisi. ꞉Chaakorere kutyo, korereki omwanya gunu echiraasya Emisango ja Ekisi okusooka ku‑Nyamuwanga, chisige okunyaasya omuunu woonewoone kw‑imwe.

INDAGANO INYA:YA

⁹ Okuba, ba:na ba:su, omwicuka okwikomesya kweswe no kunya:ka kweswe, rwa kutyo cakoraga emirimu mu mwisi na mu ngeta, korereki citaja kutamirisya mu:nu wo:ne kwimwe, nicibasimuriraga Ebigambo byo bwana ebya Nyamuanga.

1 Batesalonika 2:9 ပူးပေါင်းရင်းမြစ်များ

Ruuka 18:7

Nikwo okwayika ati, Nyamuwanga, ataribhagira abhaanu bhanu ꞉aasorere? Aribha bhaamuririra mu‑ngeta na mu‑mwisi, angu arikoora okubhategeresya?

Ruuka 2:37

ˆNaabha omutumbagasi, ˆnaakingira rikura rya miguuga makumi gataanu na gasatu na ena. Omugasi oyo, aasiibhaga mw‑Iyekaru, mwanya gundi aasabhwaga mu‑ngeta na mu‑mwisi kurya wuri.

Ebikorwa 18:3

kwa okubha Pawuro aakoraga emirimu ja okusona amayeema rwa abheene, ˆnaasigara eweebhwe awo na okukora emirimu aamwi nabho.

Ebikorwa 20:24

Nawe, nitakubhara obhurame bhwani ati ni chiinu cha omuriiro kw‑anye, korereki nikuumisye emirimu jinu Raatabhugenyi Yeesu ꞉aanaaye nikore. Emirimu ejo ni kuraasisya abhaanu Emisango ja Ekisi ja obhwitiriranya bhwa Nyamuwanga ku‑bhaanu.

Ebikorwa 20:31

Kurwa ejo, mwiyangarire! Mwichuke ati, naamarire emiguuga esatu nintongeraga bhuri umwi weemwe, nindiriraga‑ko amasiga mogomogo mu‑ngeta na mu‑mwisi.

Barumi 1:1

Inyarubha inu, niikaamire anye Pawuro, omukosi wa Kirisito Yeesu. Anye ꞉naabhirikiiywe nibhe itumwa yaaye, na okusorwa na Nyamuwanga nibhega nindaasya Emisango jaaye ja Ekisi.

Barumi 15:16

korereki nibhe omukosi wa Kirisito Yeesu ku‑bhaanu bhanu bhatari Bhayawudi. ꞉Naakorerwe okubha rwa omugabhisi wa okubharaasisya Emisango ja Ekisi okusooka ku‑Nyamuwanga, korereki bhabhe ebhyogo bhinu ebhikondisya Nyamuwanga, bhyesiibhwe na Mwoyo Mweru.

Barumi 15:19

꞉Bhaakongiibhwe okumugayuka, kwa okubha okutura kw‑anye ꞉bhaarorere amanaga ga Kirisito mu‑bhibharikisyo na ebhiruguusyo. ꞉Naabhikorere ku‑managa ga Mwoyo wa Nyamuwanga. Mbe, ꞉neeyindire bhuri rubhaara nindaasyaga Emisango ja Ekisi inguru ya Kirisito, okwambira mu‑musi gwa Yerusareemu okukingira mu‑mukoowa gwa Yiruriko.

1 Bakorinto 4:12

Echikora emirimu jeeswe kwa okwikomeesya muno kwa amabhoko geeswe abheene. Omwanya gunu abhaanu abhachifuma, echibhasabhirwa amabhando. Omwanya gunu abhachinyaasya, echiigumiirisya.

1 Bakorinto 9:15

Nawe anye nichaariga okutonga noorwo echiinu chimwi ku‑bhinu niiyire okuyaanwa. Ka wone nitakukaama kutyo, korereki niyaanwe ebhyo. Kw‑anye ni akiri nifwe okukira okusakirwa ebhiinu okusooka kw‑imwe, kwa okubha nitakwenda omuunu woonewoone angaanye okwikuuya inguru ya okuraasya Emisango ja Ekisi, kwa okunaana ebhiinu.

1 Bakorinto 9:18

Woori echiyaanwa chaani niki? Echiyaanwa chaani nicho okuraasya Emisango ja Ekisi okuriywa wuri, okutonga wuri, chinu niiyire okuyaanwa inguru ya okuraasya Emisango ejo.

1 Bakorinto 9:4

eswe chiteeyire okuyaanwa ebhiryo na ebhya okunywa inguru ya omurimu gweswe gwa obhutumwa?

2 Bakorinto 11:27

Nikorere emirimu misito na okunyaaka, kwiya kaafu nitawongeeye, nisaraariiye na okuungwa obhwiro bhwa amanji, kwiya kaafu nibhurirwe ebhiryo, nuunguuwe imbewo keenu nitari na emyenda.

2 Bakorinto 11:9

Omwanya gunu naariga niri aamwi na emwe, naariga nitari mugugu ku‑muunu woonewoone agati yeemwe, mu‑kugerukirwa kwani. Abheekirisya bhanu ꞉bhaasookere mu‑mukoowa gwa Makedooniya, ꞉bhaanaaye bhinu naariga ninkena. Naariga niniikenga, naasiga okubha omugugu kw‑imwe noorwo na akatyari, ka wone enigenderera okukora kutyo.

2 Bakorinto 6:5

mu‑kubhumwa, mu‑kubhoywa mw‑ibhoyero, na mu‑kuworoomerwa na ebhise bhya abhaanu. Echikora emirimu emisito, echitaamibhwa okuwongera na echisaraarira.

Bafilipi 4:16

Noorwo omwanya gunu naariga niri mu‑musi gwa Tesaroonike, mutaabhereeye rumwi era okundeetera ebhiinu bhya okunsakira.

1 Batesalonika 1:3

Bhunu echibhasabhirwa ku‑Nyamuwanga Raata weeswe, echiichuka imbere yaaye, emirimu jeemwe jinu omukora mu‑riikirisya. Echiichuka okukomeera kwemwe kunu okuruubhana na eryenda ryemwe, ka wone, okwigumiirisya kwemwe kunu okuruubhana na obhwiyikanyo bhwemwe bhwa okusubha rindi Raatabhugenyi Yeesu Kirisito.

1 Batesalonika 2:2

Ka wone mumenyere ati omwanya gunu chaariga chichaari okukinga kw‑imwe, ꞉chaanyaasiibhwe muno na okufumwa mu‑musi gurya gwa Firiipi. Noorwo kw‑imwe ꞉chaayingiriiywe muno, nawe Nyamuwanga weeswe ꞉aachiyaaye ribhaasi rya okubharaasisya Emisango ja Ekisi.

1 Batesalonika 2:6

Eswe chaariga chitakukena abhaanu bhachikuuye, ka wone chaariga chitakukena emwe noorwo abhaanu abhandi bhoone bhachikuuye. Noorwo kutyo eswe chiri jitumwa ja Kirisito, chaakeendere ebhiinu ebhirebhe okusooka kw‑imwe, nawe ꞉chitaakorere kutyo.

1 Batesalonika 3:10

Echisabhwa Nyamuwanga muno bhuri rusuku, mu‑ngeta na mu‑mwisi ati, achisakire chibhagosorere. Echikena chibhugane na emwe, korereki chibhasakire anu eriikirisya ryemwe rigerukire.

1 Timoteo 1:11

Ameeyigisyo ago agabhonekana mu‑Misango ja Ekisi, jinu ejeeresya rikusyo rya Nyamuwanga wa amabhando goone. Emisango ejo nijo ꞉naayaaywe na Nyamuwanga nijiraasye.

1 Timoteo 4:10

Ogwo nigwo ogukora nichiikomeesya na okukora emirimu ku‑managa goone, kwa okubha, echiiyikanya Nyamuwanga omuwanga. Omwene niwe Omuchungusi wa abhaanu bhoone, chimwichimwi bhanu abhamwikirisya.

1 Timoteo 5:5

Omutumbagasi wa echimari unu atari na omuunu wa okumusakira, oyo keeyikanya Nyamuwanga, kaamuramya na okusabhwa obhusakisi ku‑mwene mu‑ngeta na mu‑mwisi.

2 Timoteo 1:3

Enisiima Nyamuwanga unu enikorera emirimu mu‑mutima omweru, rwa kutyo ꞉bhaamukoreeye bhasaaja waani. Omwanya gwone enikwichuka, mw‑isabhwa ryani mu‑ngeta na mu‑mwisi.