1 Batesalonika 2:8 - Indagano Inyaaya mu-Chijita

⁸ ꞉Chaabheendere muno. Ka wone, ꞉chaakondeeywe, jitari kwa okubharaasisya Emisango ja Ekisi okusooka ku‑Nyamuwanga era, tari na okwisoosya okukora joone jinu ejikenwa korereki okubhasakira. ꞉Chaakorere kutyo, kwa okubha emwe muri bheendwa bheeswe.

INDAGANO INYA:YA

⁸ Nikwo kutyo mwariga mucirumire nicikonderwa okubagabira, tari Bigambo byo bwana ebya Nyamuanga era, nawe ne myoyo jeswe one, okuba mwabe:e bendwa kwiswe.

1 Batesalonika 2:8 ပူးပေါင်းရင်းမြစ်များ

Ruuka 7:2

Mu‑musi ogwo, aariga ari‑mo omwangarisi wa abhasirikare bha Echiruumi. Omwangarisi oyo, aariga ari na omugaya waaye amwenderega muno. Nawe omugaya oyo aariga arwaye, ari yeeyi okufwa.

Barumi 1:1

Inyarubha inu, niikaamire anye Pawuro, omukosi wa Kirisito Yeesu. Anye ꞉naabhirikiiywe nibhe itumwa yaaye, na okusorwa na Nyamuwanga nibhega nindaasya Emisango jaaye ja Ekisi.

Barumi 10:1

Abhayiri bhaani, eneenda kwa omwoyo gwani gwone ati Abhayisirayeeri bhachungurwe. Ogwo nigwo enibhasabhirwa muno ku‑Nyamuwanga.

Barumi 15:29

Enimenya ati, omwanya gunu niribhaaja‑ko na okubha aamwi na emwe eyo, Kirisito arichiyaana amabhando maafu muno.

2 Bakorinto 12:15

Anye enikondererwa okusoosya ebhiinu bhyani noorwo okwisoosya anye omwene, korereki nibhasakire. Nawe ejibhonekana ati, omwanya gunu anye enigenderera okubheenda muno, niwo emwe omugerura eryenda ryemwe kw‑anye.

2 Bakorinto 6:1

Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.

Bagalatia 4:19

Abhaana bhaani mu‑riikirisya, anye enirumwa obhusungu rindi inguru yeemwe, rwa kutyo omugasi unu afugaaye kaarumwa obhusungu omwanya gwa okwibhura. Eniiyungwa kutyokutyo, okukingira anu itungwa ya Kirisito iribhonekana mu‑tungwa jeemwe.

Bafilipi 1:8

Nyamuwanga niwe kaamenya ati enaayika echimari kutyo eniigomba okubhugana aamwi na emwe rindi, niri na eryenda riryarirya rwa kutyo Kirisito Yeesu kaabheenda.

Bafilipi 2:17

Noorwo ikabha ati isagama yaani eyisoosibhwa rwa echoogo ku‑chigabhiro, aamwi na eriikirisya ryemwe rinu erikorwa echoogo imbere ya Nyamuwanga, anye enikonderwa na okusandabha aamwi na emwe bhoone.

Bafilipi 2:20

Okubha nitari na omuunu owundi anu unu chimari kaabhegana rwa Timoteewo.

Bafilipi 4:1

Kurwa ejo, abhayiri bhaani, mwimereeguru murumateene mu‑kwiyikanya Raatabhugenyi Yeesu. Enibheenda na niri na obhwira bhwa okubhugana na emwe, abheendwa bhaani. Emwe neemwe rikonderwa ryani na orutengya rwani rwa obhuyigi runu niriyaanwa inguru ya emirimu jinu nikorere.

Bakolosai 1:28

Kirisito niwe echiraasya omwanya gunu echikengya na okwiyigisya abhaanu bhoone mu‑bhwengeeso bhwone. Echimuraasya, korereki chireete abhaanu bhoone imbere ya Nyamuwanga bharumateene echinyamwoyo okuruubhana na okubha na obhumwi na Kirisito.

Bakolosai 1:7

Emwe, ꞉mweeyigisiibhwe Emisango ja Ekisi ejo na Epaafura. Omwene ni weejaasu omwendwa na omukosi omwiyikanyibhwa wa Kirisito inguru yeemwe.

Bakolosai 4:12

Epaafura, omukosi wa Kirisito Yeesu, ka wone ni muunu wa ewaanyu eyo, kaabhakeesya. Bhuri mwanya keekomeesya okubhasabhirwa korereki murumatane echinyamwoyo mu‑riikirisya ryemwe na okubha na echimari inguru ya okwenda kwone kwa Nyamuwanga.

Filemoni 1:1

Inyarubha inu, niikaamire anye Pawuro, omubhoywa inguru ya okuraasya Emisango ja Ekisi inguru ya Kirisito Yeesu. Enikaamira awe Firemooni. Anye na omuyiri weeswe Timoteewo, echikukeesya awe omwendwa weeswe, omukosi weejaasu.

Baeburania 13:17

Mugayukega abhatangasya bheemwe na okuruubha jinu abhabharagirira, kwa okubha abheene nibho abhabhanyaakirira okuyigwa wuri. Abheene bharyendwa okweresya emirimu jeebhwe imbere ya Nyamuwanga. Kurwa ejo mubhagayukega, korereki bhakore emirimu jeebhwe nibhakondererwaga. Nawe araabha mukarema okubhagayuka, abhaja okukora emirimu jeebhwe bhasurumbaaye, na emirimu jeebhwe ejo jitaribha na omuriiro gwonegwone kw‑imwe.

1 Yoana 3:16

Mbe, Kirisito ejire aachifwira ꞉aacheeresiisye kutyo eryenda rya echimari riri. Eswe wone kutyokutyo, echikenwa chiikirisye noorwo okufwira abheejaasu.