1 Batesalonika 2:6 - Indagano Inyaaya mu-Chijita

⁶ Eswe chaariga chitakukena abhaanu bhachikuuye, ka wone chaariga chitakukena emwe noorwo abhaanu abhandi bhoone bhachikuuye. Noorwo kutyo eswe chiri jitumwa ja Kirisito, chaakeendere ebhiinu ebhirebhe okusooka kw‑imwe, nawe ꞉chitaakorere kutyo.

INDAGANO INYA:YA

⁶ Amwi citakuyenja cibaro ku ba:nu, amwi kwimwe, amwi ku bandi, nakabee cakaturire okubatamirisya okuba ciri ntumwa ja Kristo.

1 Batesalonika 2:6 ပူးပေါင်းရင်းမြစ်များ

Yowana 12:43

Abhatangasya abho ꞉bheendere muno okuyaanwa echibharo na abhaanu, okukira okuyaanwa echibharo na Nyamuwanga.

Yowana 5:41

Anye nitakwiyikanya okubhona echibharo okusooka ku‑bhaanu.

Yowana 5:44

Emwe mwendere okukuuyibhwa na abheejaanyu, nawe mutakwikomeesya okuyenja echibharo chinu echisooka ku‑Nyamuwanga omwene. Woori, omutura kutiki okunyikirisya?

Yowana 7:18

Omuunu woonewoone unu kaayika ku‑bhuturo bhwaye omwene, oyo keeyenjera echibharo chaaye omwene. Nawe unu kaayenja echibharo inguru ya unu ꞉aamutumire, oyo kaayika echimari, atakwayika orubheeyi wuri.”

1 Bakorinto 11:9

Ka wone Nyamuwanga ꞉ataabhumbire omurume inguru ya omugasi, tari ꞉aabhumbire omugasi inguru ya omurume.

2 Bakorinto 13:10

Enibhakaamira emisango jinu nichaari okubhaaja‑ko eyo, korereki omwanya gunu niribhaaja‑ko, naasiga okusongʼana emisango jinu jirireterera nibhe omururu kabhukabhu kw‑imwe noorwo okukingira okukorera emirimu obhuturo bhunu Raatabhugenyi ꞉aanaaye. Obhuturo obhwo, bhutari bhwa okubhanyamura, tari ni bhwa okubharumatanya mu‑riikirisya.

2 Bakorinto 4:5

Eswe chitakuraasya emisango jeeswe, tari chiraasya ati Yeesu Kirisito ni Raatabhugenyi, ka eswe chiri bhakosi bheemwe inguru yaaye.

Bagalatia 1:10

Woori, omwitogera ati, eniyenjeresya okwikirisibhwa na abhaanu? Wuri, anye eniyenjeresya okwikirisibhwa na Nyamuwanga era. Amwi omwitogera ati eniyenjeresya okukondisya abhaanu? Araabha naakabheeye niyenjeresya okukondisya abhaanu, nitaakabheeye omukosi wa Kirisito.

Bagalatia 5:26

Chisigega okwikumangya kutyo era, nichisoogorana na okujiranira orwiso.

Bagalatia 6:13

Noorwo abheene bhanu bhatenderwe, wone bhatakuruubha ebhiraagiro bhyone. Echiinu chinu abheenda ni ati emwe mutendwe, korereki bheekumangisye okutendwa kwemwe.

1 Batesalonika 2:9

Woori, abhayiri bheeswe, omwichuka okwikomeesya kweswe na okunyaaka kweswe, kutyo chaakoraga emirimu mu‑ngeta na mu‑mwisi. ꞉Chaakorere kutyo, korereki omwanya gunu echiraasya Emisango ja Ekisi okusooka ku‑Nyamuwanga, chisige okunyaasya omuunu woonewoone kw‑imwe.

1 Timoteo 5:17

Abhakaruka bhanu abhaangarira rikanisa kisi, bhayaanwe echibharo na okukorerwa eja ekisi, chimwichimwi bhanu abheesoosya okuraasya na okwiyigisya.