1 Batesalonika 2:4 - Indagano Inyaaya mu-Chijita

⁴ Nawe echiraasya kwa okubha Nyamuwanga ꞉aachiikirisisiisye, ˆnaachiyaana emirimu ja okuraasya Emisango ja Ekisi. Jitari ati, echikena okukondisya abhaanu, tari echikena okukondisya Nyamuwanga unu kaamenya kutyo emyoyo jeeswe jiri.

INDAGANO INYA:YA

⁴ Nawe rwa kutyo Nyamuanga acirenge:ree okucibi:kisya Ebigambo byo bwana, nikwo kutyo eca:ika, tari rwa banu abenda okukondisya aba:nu, nawe cikondisye Nyamuanga unu kasaka emitima jeswe.

1 Batesalonika 2:4 ပူးပေါင်းရင်းမြစ်များ

Ruuka 12:42

Raatabhugenyi Yeesu ˆnaamusubhya ati, “Mbe, ni mubhiiki ki omwiyikanyibhwa na owa obhwengeeso? Ni mubhiiki unu omwami waaye kaawura okubha omwimereegururu omukuru ku‑bhakosi bheejaabho, korereki abhayaane omuyeero gwebhwe ku‑mwanya gwaye.

Ruuka 16:11

Araabha mukarema okubha abheeyikanyibhwa ku‑bhuniibhi bhwa ku‑chaaro anu, niga unu aribheekirisya ku‑bhuniibhi bhwa echimari bhwa mu‑rwire?

Yowana 21:17

Yeesu ˆnaabhuusya Peetero rwa kasatu ati, “Simooni, omwana wa Yowana, angu unyendere?” Mbe, Peetero ˆnaasurumbara kwa okubha ꞉aamubhuusiisye rwa kasatu ati, “Angu, unyendere?” ˆNaamusubhya ati, “Raatabhugenyi, awe umenyere joone. Umenyere ati nikwendere.” Yeesu ˆnaamubhwira ati, “Yangarira jinaama jaani.

Barumi 8:27

Nyamuwanga unu kaatatirisya joone jinu jiri mu‑myoyo jeeswe, niwe kaamenya obhwiganirisya bhwa Mwoyo Mweru, kwa okubha Mwoyo oyo kaasabhirwa abheeru bha Nyamuwanga rwa kutyo Nyamuwanga keenda.

1 Bakorinto 7:25

Woori, ku‑bhayarakaji bhanu bhachaari okutwarwa, nitari na riragiriro okusooka ku‑Raatabhugenyi Yeesu. Nawe ku‑bhwiganirisya bhwani enibhatongera, anye unu niiyire okwiyikanyibhwa ku‑songa ya echigongo cha Nyamuwanga.

1 Bakorinto 9:17

Araabha naakabheeye ninkora omurimu gunu mu‑kwenda kwani omwene, nakeeyikanyiisye okubhona omuyeero. Nawe jitari kutyo kw‑anye, kwa okubha Nyamuwanga anaaye omurimu gunu mu‑kwenda kwaye, korereki nigukore.

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

2 Bakorinto 4:2

Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

2 Bakorinto 5:11

Woori, kwa okubha chimenyere okuyaana Raatabhugenyi echibharo, echiikomeesya okukongya abhaanu, korereki bhamwikirisye. Nyamuwanga kaamenya kisi kutyo chiri, anye eniiyikanya ati emwe omuchisombookerwa kisi mu‑mitima jeemwe.

2 Bakorinto 5:16

Kurwa ejo okwambira woori, chitakwiganirisya rindi obhurambu bhwa omuunu woonewoone ku‑njira ya echinyamuunu. Noorwo kutyo omwanya omurebhe chaariga nichiiganirisya Kirisito ku‑njira eyo, nawe woori chitakukora kutyo rindi.

Bagalatia 1:10

Woori, omwitogera ati, eniyenjeresya okwikirisibhwa na abhaanu? Wuri, anye eniyenjeresya okwikirisibhwa na Nyamuwanga era. Amwi omwitogera ati eniyenjeresya okukondisya abhaanu? Araabha naakabheeye niyenjeresya okukondisya abhaanu, nitaakabheeye omukosi wa Kirisito.

Bagalatia 2:7

Abhatangasya abho, ꞉bhaasombookeeywe ati Nyamuwanga ꞉aantumire niraasye Emisango ja Ekisi inguru ya Yeesu ku‑bhanu bhatari Bhayawudi, rwa kutyo ꞉aatumire Peetero okujiraasya ku‑Bhayawudi.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

Baefeso 6:6

Mubhagayukega, itari ku‑mwanya gunu abhabharora, muri rwa abhaanu bhanu abheekondya, tari mukuumisyega okwenda kwa Nyamuwanga kwa mwoyo gwone, rwa abhakosi bha Kirisito.

Bakolosai 3:22

Emwe abhagaya, mugayukega abhaami bheemwe bha echinyamubhiri ku‑misango joone. Mwasiga okukora kutyo omwanya gunu abhabharora era, korereki mwikondye ku‑bheene ati mwiyire, tari mubhayaane echibharo omwanya gwone mu‑mutima omweru, kwa okubha omuyaana echibharo Raatabhugenyi Yeesu.

1 Timoteo 6:20

Timoteewo wangarire kisi echimari chinu Nyamuwanga akuyaaye. Wiikenge na emisango emijabhi jinu jitari na obhugajuro na jimamba ja echitaamutaamu, kwa okubha bhitakureeta echibharo ku‑Nyamuwanga. Abhaanu abhandi, abhatoga emisango ejo ati ni obhusombookerwa, nawe chimari bhutari obhusombookerwa.

2 Timoteo 1:14

Echimari chinu ꞉waayaaywe, uchaangarire ku‑managa ga Mwoyo Mweru unu ari mu‑myoyo jeeswe.

2 Timoteo 2:2

Awe ꞉woonguuwe ameeyigisyo ganu neeyigisyaga imbere ya abhabhambaasi bhaafu. Mbe, awe wone uyaane abhaanu abheeyikanyibhwa, bhanu abhatura okwiyigisya abhandi.

Tiito 1:3

Omwanya gwejire gwakuumira, Nyamuwanga ꞉aaramuuye okuswerura abhweru Emisango jaaye ja Ekisi. Nyamuwanga Omuchungusi weeswe, ku‑chiraagiro chaaye, anaaye omurimu gwa okuraasya emisango ejo.

Baeburania 4:13

Chitari‑wo echibhumbwa choonechoone chinu chiiyibhisire imbere ya Nyamuwanga. Ebhiinu bhyone bhiri abhweru imbere yaaye, na ku‑mwene chiryendwa okweresya ebhikorwa bhyeswe bhyone.

1 Petero 4:11

Omuunu woonewoone unu kaaraasya, araasye rwa omuunu unu kaaraasya emisango ja Nyamuwanga chimari. Unu kaasakira abhaanu abhandi, abhasakire ku‑bhuturo bhunu Nyamuwanga amuyaaye, korereki Nyamuwanga akusibhwe ku‑misango joone, okutura ku‑Yeesu Kirisito. Omwene oyo, ayaanwe rikusyo na obhuturo akajaanende koone. Jibhe kutyo.

Obhusweruro 2:23

Ka wone, chimari niriita chimwi abharuubhirisya bhaaye. Niwo abhaanu bha amakanisa goone bharimenya ati, anye enitatirisya kisi omutima na obhwiganirisya bhwa bhuri muunu. Ka wone, niririya bhuri owumwi weemwe okuruubhana na ebhikorwa bhyaye.