1 Batesalonika 2:3 - Indagano Inyaaya mu-Chijita

³ Emisango jinu echibhakomeeresya jitari ja orubheeyi, amwi obhwira obhubhiibhi noorwo chitakukena okubhajiga.

INDAGANO INYA:YA

³ Okuba okusimura kweswe kwariga kutayabire, amwi kutari kwa bujabi, amwi burigerige.

1 Batesalonika 2:3 ပူးပေါင်းရင်းမြစ်များ

Ebikorwa 13:15

Abhakuru bha inju eyo bhejire bhaamara okusoma mu‑bhiraagiro bhya Muusa na mu‑bhitabho bhya abharagi, nibharagirira omuunu ku‑Pawuro na Bharinaabha, ˆnaabhabhwira ati, “Abhayiri bhaasu, araabha muri na omusango gwa okuroma na abhaanu gwa okubhasimbiisya emyoyo, mugwayike.”

Ebikorwa 4:36

Aariga ari‑wo Omuraawi umwi risiina ryaye aatogwaga Jejefu, omwibhurwa wa kw‑isinga rya Kiipuro, unu jitumwa ja Yeesu ꞉bhaamutogere ati, Bharinaabha, obhugajuro bhwaryo ni unu kaasimbiisya omwoyo.

2 Bakorinto 11:13

Enaayika kutyo, kwa okubha abhaanu rwa abho, nibho jitumwa ja orubheeyi, abhakora emirimu mu‑bhurigerige, abheekora wuti, nibho jitumwa ja Kirisito.

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

2 Bakorinto 4:2

Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

2 Bakorinto 4:5

Eswe chitakuraasya emisango jeeswe, tari chiraasya ati Yeesu Kirisito ni Raatabhugenyi, ka eswe chiri bhakosi bheemwe inguru yaaye.

2 Bakorinto 6:8

Eswe echikorera emirimu Nyamuwanga, kwa okuyaanwa echibharo amwi okugaywa, kwa okukuuywa amwi okwayikwa kubhiibhi na abhaanu. Echibhonekana wuti chiri bhabheeyi, nawe echaayika echimari.

2 Bakorinto 7:2

Muchiyaane omwanya mu‑myoyo jeemwe, kwa okubha ꞉chitaakayiiye omuunu woonewoone, ꞉chitaayabhyisye woonewoone, ka wone ꞉chitaajigire woonewoone.

1 Batesalonika 2:11

Omwichuka ati, omwanya gunu chaariga chiri kw‑imwe, chaakoreraga bhuri umwi weemwe rwa kutyo omwibhusi wa echirume kaakorera abhaana bhaaye. Chaariga nichibhakomeesya emyoyo, okubhasimbiisya na okubheerembeeresya,

1 Batesalonika 4:7

Okubha Nyamuwanga ꞉ataachibhirikiiye korereki chikore obhujabhi, tari ꞉aachibhirikiiye chirame mu‑bhweru.

2 Batesalonika 2:11

Kurwa ejo, Nyamuwanga abhasigire bhajigwe muno, korereki bhagenderere okwikirisya orubheeyi.

2 Petero 1:16

Omwanya gunu chaariga nichiiyigisya kutyo ariija ku‑bhuturo bhwaye, Raatabhugenyi weeswe Yeesu Kirisito, chaariga chitakwiyikanya jingani ja kara jinu jikaamirwe kwa obhwenge. Tari eswe ꞉chaarorere rikusyo ryaye kwa ameeso geeswe abheene.