1 Batesalonika 2:16 - Indagano Inyaaya mu-Chijita

¹⁶ kwa okubha abhachiyingirira okuraasya Emisango ja Ekisi ku‑bhaanu bhanu bhatari Bhayawudi. Bhatakwenda abhaanu abho bhachunguke. Nikwo kutyo, abhagenderera okukuumisya ebhibhiibhi bhyebhwe bhinu abhakora bhuri rusuku. Nawe, risungu rya Nyamuwanga ryabhakingiiye!

INDAGANO INYA:YA

¹⁶ Nibaciingirira okusimurira aba:maanga korereki baonyibwe, nibakumisya ebibi:bi byebwe kusiku. Nawe risungu eriba:jako kukinga ku bute:ro.

1 Batesalonika 2:16 ပူးပေါင်းရင်းမြစ်များ

Matayo 12:45

Niwo, erigenda okureeta amasambwa agandi gataanu na gabhiri ganu gari amajabhi muno okukira eryene. Ago goone ageengira na okurama mu‑muunu oyo. Ku‑bhuteero itungwa ya omuunu oyo, eyibha mbiibhi muno okukira kutyo yaariga iri ku‑bhwambiro. Nikwo kutyo jiribha kw‑imwe, emwe abhaanu bha orwibhuro orubhiibhi runu.”

Matayo 23:32

Mbe, mugende mukuumisye ebhibhiibhi bhinu bhasaaja waanyu ꞉bhaambisiisye!

Matayo 24:14

Ku‑bhuteero, Emisango ja Ekisi inguru ya obhukama bhwa mu‑rwire jiriraasibhwa ku‑chaaro choone. Ku‑mwanya ogwo abhaanu bhoone bharibha na omwanya gwa okuungwa obhubhambaasi obhwo, niwo obhuteero bhwa echaaro bhurikinga.

Matayo 24:6

“Ku‑mwanya ogwo, muribha nimuungwa emisango ja riremo na okubhubhuutwa kwa riremo. Mwasiga okuyaya, kwa okubha ejo ejikenwa jikorekane, nawe obhuteero bhwa echaaro obhubha bhuchaari okukinga.

Matayo 3:12

Agwatiriiye oruwungo mu‑ngaro jaaye korereki awungure obhuro. Obhuro bhwa ekisi aribhubhiika mu‑chitara chaaye, nawe amakumbi arigoocha mu‑muriro gunu gutarisima.”

Mariko 16:16

Omuunu woonewoone unu anyikirisiisye na okubhatiijibhwa, arichungurwa. Nawe, omuunu woonewoone unu aremere okunyikirisya, ariramurwa.

Ebikorwa 13:45

Nawe omwanya gunu abhatangasya bha Abhayawudi ꞉bhaarorere echise echinene cha abhaanu, nibhabha na orwiso muno. Niwo nibharema jinu Pawuro aayikaga, enu nibhamufumaga.

Ebikorwa 13:50

Nawe Abhayawudi nibhakungirisya abhagasi bha echibharo bhanu bhaaramyaga Nyamuwanga aamwi na abhatangasya bha omusi ogwo. Abho nibhaamba okunyaasya Pawuro na Bharinaabha na okubhabhirimya bhasooke mu‑chaaro cheebhwe.

Ebikorwa 14:19

Nawe nibhaaja Abhayawudi abhandi okusooka Atiyookiya mu‑mukoowa gwa Pisiidiya, na okusooka Yikoniya. Nibhakongya eriikofyanyo rya abhaanu, korereki bhabhe aamwi nabho. Bhoone nibhabhuma Pawuro na amabhuyi, nibhamukurura, nibhamusira anja ya omusi, nibheetogeraga ati aafuuwe.

Ebikorwa 14:2

Nawe Abhayawudi abharebhe bhanu ꞉bhaaremere Yeesu, nibhaamba okukungirisya abhaanu abhandi bhanu bhatari Bhayawudi, korereki bhasoke abheekirisya abho.

Ebikorwa 14:5

Nibheeya Abhayawudi abharebhe na abhaanu bhanu bhatari Bhayawudi, aamwi na abhatungi bheebhwe, nibhakora echikwembe cha okukorera Pawuro na Bharinaabha kubhiibhi na okubhabhuma na amabhuyi.

Ebikorwa 17:13

Abhayawudi bha Tesaroonike abho, bhejire bhaamenya ati Pawuro keeyigisya omusango gwa Nyamuwanga mu‑musi gwa Bherooya, nibhagenda‑yo ku‑songa ya okukungirisya echise chinu chaariga chiri awo, okukingira injogere niibha‑wo.

Ebikorwa 19:9

Nawe abhaanu abharebhe mu‑bheene nibhakora emyoyo jeebhwe okubha emikomeeye. Nibharema okwikirisya emisango ja Yeesu, nibhaamba okugaya Injira ya Yeesu imbere ya abhaanu. Kutyo, Pawuro ˆnaaramura okusigana nabho, ˆnaagega abheeyigisibhwa bhaaye, ˆnaagenda nabho mw‑isomero rya Tiraano, munu abhaanu bheekofyanyaga. Bhuri rusuku, aariga ˆnaaroma na abhaanu emisango ja Yeesu.

Ebikorwa 21:21

Abheene bhabhwiriiywe ati, owiyigisya Abhayawudi bhoone bhanu bheekaaye mu‑bhaanu bha amaanga agandi ati, bhasige okuruubhirira Muusa. Abhaayika ati ꞉waabhagaanyiisye okutenda abhaana bheebhwe, noorwo okuruubha emisiro jeebhwe ja Echiyawudi.

Ebikorwa 23:12

Bhwejire bhwacha katondo, Abhayawudi abhandi nibharomera Pawuro iniku. Nibheeyima ebhiryo kwa echirayiro ati, bhatakuja kurya noorwo okunywa bhachaari okwita Pawuro.

Ebikorwa 24:9

Niwo Abhayawudi bhoone bhanu bhaariga bhari arya, nibheekirisya okweresya ati emisango joone jinu Teerituro aayikaga jaariga jiri ja echimari.

Ebikorwa 25:2

Abhakuru bha abhagabhisi na abhakuru abhandi bha Abhayawudi nibhamumenyesya joone jinu jaariga nijikora nibhasitaaka Pawuro.

Ebikorwa 25:7

Pawuro ejire aakinga awo, Abhayawudi bhanu bhaariga bhasookere Yerusareemu, nibhamwiyinda nibhaamba okumusitaaka inguru ya amabhiibhi maafu ga okuruguusya. Nawe ꞉bhaataamiibhwe okweresya echimari chaago.

Ebikorwa 4:12

“Bhutari‑wo obhuchungusi ku‑wundi woonewoone! Okubha ritari‑wo risiina erindi mu‑chaaro choone erya obhuturo bhwa okuchichungura!”

Ebikorwa 9:23

Mbe, jejire jaatura siku nyafu, Abhayawudi nibharomera Saawuri iniku.

1 Bakorinto 10:33

Mubhe rwa kutyo anye niri. Eniikomeesya okukondisya abhaanu bhoone ku‑misango joone jinu enikora. Jitari ati enikora kutyo, korereki anye omwene niibhonere omuriiro, tari enikora kutyo, korereki abhaanu bhaafu bheebhonere omuriiro korereki bhachungurwe.

Bagalatia 5:11

Abhayiri bhaani, abhaanu abhandi abhaayika ati, anye nichaaraasya ati abharume bhoone abhakenwa bhatendwe. Araabha jikabheeye echimari ati nichaaraasya kutyo, ni kurwa ki woori Abhayawudi abhannyaasya? Araabha naakabheeye nindaasya kutyo, okuraasya kwani inguru ya emisango ja omusarabha gwa Yeesu, jitaakaretereeye Abhayawudi bhaansoke.

Baefeso 3:13

Kutyo, enibhasabhwa mwasiga okufwa omutima ku‑nyaako jinu ejimbona. Eninyaaka kutya inguru yeemwe, korereki emwe mubhone rikusyo.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

1 Batesalonika 1:10

Wone abhatonda kutyo omurindirira Omwana waaye, asubhe rindi okusooka mu‑rwire. Oyo niwe Nyamuwanga ꞉aasuuruuye okusooka mu‑bhafuuwe. Niwe Yeesu unu kaachichungura okusooka mu‑ndamu ya Nyamuwanga inu eyiija.

2 Batesalonika 2:10

Arikora injira yooneyoone irya ya okujiga abhaanu bhanu abhabhura, kwa okubha bhatakwenda echimari korereki bhachunguke.

1 Timoteo 2:4

Nyamuwanga keenda abhaanu bhoone bhachungurwe na okumenya echimari.

Baeburania 6:8

Nawe iisi inu eyimesya amawa na amagorogoro, itakusakira abharimi omusango gwonegwone, na iri yeeyi okwiyiimwa na Nyamuwanga. Obhuteero bhwayo ni okwochiibhwa mu‑muriro.

Obhusweruro 22:11

Mbe, omuunu unu kaakora ebhibhiibhi, agenderere okubhikora na omujabhi echinyamwoyo agenderere okujabhiyara. Omuunu unu kaakora obhurengeresi, agenderere okukora ja obhurengeresi na omweru agenderere okubha omweru.”