1 Batesalonika 2:15 - Indagano Inyaaya mu-Chijita

¹⁵ Abhayawudi abho, nibho ꞉bheetire Raatabhugenyi Yeesu aamwi na abharagi bha kara. Ka wone, nibho ꞉bhaachinyaasiisye eswe wone. Abhaanu abho abhabhiyisya Nyamuwanga, nyabhuriko ni bhasoko bha abhaanu bhoone,

INDAGANO INYA:YA

¹⁵ banu be:tire Ratabugenyi Yesu na baragi one, neswe nibaciirisya, amwi batakukondisya Nyamuanga, ni baremo ba ba:nu bo:ne.

1 Batesalonika 2:15 ပူးပေါင်းရင်းမြစ်များ

Matayo 23:37

Niwo Yeesu ˆnaayika ati, “Emwe abhaanu bha Yerusareemu! Abhaanu bha Yerusareemu! Omwita abharagi na okubhuma amabhuyi abhaanu bhanu Nyamuwanga ꞉aatumire kw‑imwe. Ni kwiya karinga neendere okubhakumanya rwa kutyo ingʼoko eyikumanya ebhyanakoko bhyayo mu‑mabhabha gaayo, keemwe nimurema!

Matayo 27:25

Abhaanu bhoone nibhamusubhya ati, “Echikayo cha okwitwa kwa Yeesu chibhe kw‑iswe na ku‑bhaana bheeswe!”

Matayo 5:12

Mwichuke ati, nikwo kutyo abhaanu bhaanyaasyaga wone abharagi bhanu bhaariga bhari‑wo kara. Mukondererwega na okusandabha muno, kwa okubha Nyamuwanga abhabhiikiiye echiyaanwa echinene mu‑rwire.”

Ruuka 24:20

Abhakuru bha abhagabhisi na abhatungi bheeswe, nibheekirisya ati, eetwe. Nibhamubhumiirira ku‑musarabha.

Ebikorwa 12:3

Ejire aarora ati echikorwa echo chaakondera Abhayawudi, ˆnaaragirira Peetero wone agwatwe. Jinu joone ꞉jaakorekeene ku‑mwanya gwa ichikukuru ya emikaate jinu jitakutuurwa‑mo echifwimbya.

Ebikorwa 2:23

Ejire eeya Yeesu oyo, ˆnaatuurwa mu‑mabhoko geemwe, rwa kutyo Nyamuwanga ꞉aaramuuye okuruubhana na obhukarariiye bhwaye, okusookerera kara. Emwe nimumwita ku‑musarabha, okutura ku‑bhanyamanga.

Ebikorwa 3:15

Kurwa ejo, ꞉mweetire unu ari bhusimukwa bhwa obhuwanga. Nawe Nyamuwanga ˆnaamusuurura okusooka mu‑bhafuuwe! Eswe chiri bhabhambaasi bha okusuuruka kwaye.

Ebikorwa 4:10

emwe bhoone aamwi na Abhayisirayeeri abhandi bhoone, enikena mumenye echimari ati, unu eemereeguuyu imbere yeemwe ni muwanga, kwa obhuturo bhwa risiina rya Yeesu Kirisito Omunajareeti, unu emwe ꞉mwabhambire ku‑musarabha, nawe Nyamuwanga ꞉aamusuuruuye okusooka mu‑bhafuuwe.

Ebikorwa 5:30

Emwe ꞉mweetire Yeesu kwa okumubhamba ku‑musarabha, nawe Nyamuwanga wa bhasaaja weeswe ˆnaamusuurura.

Ebikorwa 7:52

Angu, ari‑wo omuragi noorwo umwi unu ꞉ataanyaasiibhwe? ꞉Bheetire na abharagi bhanu bhaaraasyaga kara, okuuja kwa Omurengeresi wa Nyamuwanga! Ka oyo niwe emwe ꞉mwaromeeye iniku, ka wone nimumwita!

1 Bakorinto 10:5

Nawe abhaafu mu‑bheene, bhaariga nibhakora jinu ꞉jitaakondeeye Nyamuwanga, kurwa ejo nibhasingaarisibhwa, emitumbi jeebhwe nijiswirana mw‑ibhara.

2 Bakorinto 11:26

Kwiya kaafu mu‑ngʼendo jaani, naariga niri mu‑ngʼanga ya okugegwa na emisima, mu‑ngʼanga ya okugwatwa na abhasaakusi, mu‑ngʼanga ya okusooka ku‑Bhayawudi bheejaasu na okusooka ku‑bhaanu bhanu bhatari Bhayawudi. Naariga niri mu‑ngʼanga mu‑misi, mu‑ngʼanga mw‑ibhara, na mu‑nyanja. Naariga niri mu‑ngʼanga ya okunyaasibhwa na bhanu abheekora wuti ni bheekirisya abheejaasu.