1 Batesalonika 2:13 - Indagano Inyaaya mu-Chijita

¹³ Kurwa ejo, eswe chitakuyigwa okusiima Nyamuwanga, kwa okubha mwejire mwoongwa emisango jaaye okusooka kw‑iswe, ꞉mutaajiikirisiisye wuti ni misango ja abhaanu. Nawe, ꞉mwajiikirisiisye mumenyere ati ejisooka ku‑Nyamuwanga. Chimari, nikwo kutyo jiri. Emisango ejo, nijo ejikora emirimu mu‑myoyo jeemwe, emwe abheekirisya.

INDAGANO INYA:YA

¹³ Neswe kwecikora nicisi:ma Nyamuanga kusigira uri, okuba wejire mwaramira omusango gwa Nyamuanga, gunu mwonguywe kwiswe, mutaguramiye uti musango gwa ba:nu, nawe rwo musango gwa Nyamuanga rwa kutyo guri cimari, nigwo gunu ogukorera mwimwe abe:kirisya.

1 Batesalonika 2:13 ပူးပေါင်းရင်းမြစ်များ

Matayo 10:20

Okubha mutari emwe bhanu muribhaga nimwayika, tari ni Mwoyo wa Esomwana unu ari mu‑rwire, niwe aribhaga ˆnaayika okutura kw‑imwe.

Matayo 10:40

“Omuunu woonewoone unu kaabhakuma, kaabha aankumire. Ka wone, omuunu woonewoone unu kaankuma, kaabha akumire Nyamuwanga unu antumire.

Ruuka 11:28

Nawe Yeesu ˆnaayika ati, “Ni chimari! Tari, bhari na ribhando muno abhaanu bhanu abhoongwa omusango gwa Nyamuwanga na okugugayuka!”

Ruuka 5:1

Rusuku rumwi, Yeesu aariga eemereeguuyu ku‑ngego ya omwaro gwa Genejareeti, enu ˆneeyigisyaga echise cha abhaanu omusango gwa Nyamuwanga. Abhaanu nibhamufogera‑ko, okukingira nibhamuyiganya korereki bhamutegeresye.

Ruuka 8:11

“Mbe, obhugajuro bhwa echijekekanyo echo nibhwo bhunu. Imbibho ni musango gwa Nyamuwanga.

Ruuka 8:21

Yeesu ˆnaabhasubhya ati, “Maayi na abhamura bhaasu ni bhanu abhoongwa omusango gwa Nyamuwanga na okugugayuka.”

Yowana 15:3

Emwe mwakongoreeywe na okubha abheeru ku‑songa ya ameeyigisyo ganu naabheeyigisya.

Yowana 17:17

Raata, enikusabhwa ubheesye mu‑chimari chaawo, kwa okubha omusango gwawo nigwo echimari.

Yowana 17:19

Eniisoosya okukukorera emirimu ku‑songa yeebhwe, korereki abheene wone bheesibhwe mu‑chimari.

Ebikorwa 10:33

Niyo isonga, awoawo ꞉naatumire abhaanu bhaaje bhakubhirikire na waakora ja ekisi okuuja. Woori eswe bhoone chiri anu imbere ya Nyamuwanga, korereki chuungwe bhuri omusango gunu Raatabhugenyi akuragiriiye okuchibhwira.”

Ebikorwa 13:48

Abhaanu bhanu bhatari Bhayawudi bhejire bhoongwa emisango ejo, nibhakonderwa na okukuuya Raatabhugenyi ku‑musango gwaye. Bhoone bhanu ꞉bhaasorerwe okubha na obhuwanga bhwa akajaanende, nibhamwikirisya Raatabhugenyi Yeesu.

Ebikorwa 16:14

Mu‑bhanu bhaachitegeresyaga, aariga ari‑mo omugasi umwi, asookere mu‑musi gwa Tiyaatira, risiina ryaye aatogwaga Riidiya. Riidiya oyo, aariga ari omugusi wa emyenda ja ekisi ja ijambarawu na aaramyaga Nyamuwanga. Pawuro ejire aabhabhwira Emisango ja Ekisi, Raatabhugenyi ˆneegura mutima gwa Riidiya, ˆnaategeresya kisi omusango gunu Pawuro aariga ˆnaaraasya.

Ebikorwa 17:11

Abhaanu bha Bherooya awo, bhaariga bhari na obhutinge bhwa kisi okukira abha Tesaroonike. Nibhakora Pawuro, abharaasisye omusango gwa Nyamuwanga, nibhaguramira kwa amanaga goone. Bhaaringiraga mu‑Bhikaame Ebhyeru bhuri rusuku, korereki bhamenye ati ejo aayikaga Pawuro ni ja echimari.

Ebikorwa 17:32

Abhakuru abho, bhejire bhoongwa ati Pawuro kaayika inguru ya okusuuruka kwa abhafuuwe, abhaanu bheebhwe abharebhe nibhamuseka na okumugaya. Nawe abhandi nibhamubhwira ati, “Echija okukutegeresya rindi inguru ya emisango ejo.”

Ebikorwa 2:41

Abhaanu wuti bhiwumbi bhisatu (3,000) nibheekirisya emisango ja Peetero, nibhabhatiijibhwa, nibhoongesibhwa ku‑chise cha abheekirisya abhandi bha Yeesu orusuku orwo.

Ebikorwa 8:14

Yerusareemu erya, jitumwa bhejire bhoongwa ati abhaanu bha Samaariya bheekirisya omusango gwa Nyamuwanga, nibhatuma Peetero na Yowana bhabhaje‑ko.

Barumi 10:17

Kurwa ejo, abhaanu abhatura okwikirisya Kirisito araabha bhaakoongwa emisango inguru yaaye. Nawe abhatura okuungwa era emisango ejo araabha jikaraasibhwa.

2 Bakorinto 3:18

Mbe, eswe bhoone bhanu chitakuswikira obhusu kwa echitambaara, echeeresya rikusyo rya Raatabhugenyi rwa kutyo rirore eryeresya orususo. Echiyindurwa, korereki chisusane nage, okusooka mw‑ikusyo okuja mw‑ikusyo ryafu muno. Rikusyo eryo erisooka ku‑Raatabhugenyi, omwene oyo niwe Mwoyo.

Bagalatia 4:14

Noorwo kutyo ꞉mwaregeejerwe okungaya na okundema ku‑songa ya obhurwaye bhwani, ꞉mutaakorere kutyo. Nawe omusango gunu ꞉mwakorere ni kunnyikirisya rwa kutyo mukeekirisiisye maraayika wa Nyamuwanga, amwi okwikirisya Kirisito Yeesu omwene.

Bakolosai 1:6

Emisango ja Ekisi jinu ꞉jaakingire kw‑imwe, woori ejiswirana mu‑chaaro choone. Ejigenderera okukora abhaanu bhatwasye amatwasyo na okukura echinyamwoyo, rwa kutyo ꞉jaakorekeene kw‑imwe okusookerera orusuku runu ꞉mwoonguuwe inguru ya obhwitiriranya bhwa Nyamuwanga na okusombookerwa kisi kutyo obhwitiriranya bhwaye bhuri.

Baeburania 4:12

Omusango gwa Nyamuwanga ni muwanga ka wone guri na amanaga okukira imbanda yooneyoone eya amoogi gabhiri. Rwa kutyo imbanda eyitura okusoma omuunu nikinga ku‑mawa gaaye, nikwo kutyo wone omusango gwa Nyamuwanga ogutura okusoma omuunu, nigwingira muno mu‑mwoyo gwaye, niguswerura jinu keeganirisya na jinu keenda.

Baeburania 4:2

Eswe chiraasisiibhwe emisango ja ekisi ejo ja orubhaara rwa okwisya omwoyo rwa kutyo bhasaaja weeswe wone ꞉bhaaraasisiibhwe. Nawe emisango ejo ꞉jitaabhasakiiye gwonegwone, kwa okubha ꞉bhaajuunguuwe tari ꞉bhataajiikirisiisye.

Yakobo 1:18

Rwa kutyo omwene ꞉eendere, ꞉aachikorere chibhe abhaana bhaaye, ku‑njira ya omusango gwaye gwa echimari. ꞉Aakorere kutyo, korereki chibhe rwa abhaana bha obhubhere ku‑bhiinu bhyone bhinu ꞉aabhumbire.

1 Petero 1:23

kwa okubha mwibhuuywe rwa kabhiri. Okwibhurwa okwo, kutakusooka ku‑bheesomwana, abheene abhafwa, tari mwibhuuywe kwa omusango omuwanga gwa Nyamuwanga, ogwene ogugenderere okubha gwa echimari akajaanende koone.

1 Petero 1:25

nawe omusango gwa Raatabhugenyi gurigenderera okubha gwa echimari akajaanende koone.” Omusango ogwo, ni Emisango ja Ekisi jinu ꞉mwaraasisiibhwe.

1 Petero 2:2

Woori mwamarire okurabha na okumenya ati Raatabhugenyi Yeesu ni wa ekisi. Mbe mubhe rwa abhaana abharera kutyo abhakena amata, emwe wone mubhe na obhwiro bhwa amata ga ekisi ga echinyamwoyo, korereki ku‑managa gaago murumatane mu‑bhuchungusi bhwemwe.

2 Petero 3:2

Eneenda mwichuke emisango jinu ꞉bhaayikire kara abharagi abheeru na wone jinu ꞉aaragiriiye Raatabhugenyi na Omuchungusi okutura ku‑tumwa jaaye.

1 Yoana 3:3

Kurwa ejo, omuunu woonewoone unu ari na obhwiyikanyo obhwo, keendwa asigane na ebhibhiibhi, rwa kutyo Kirisito atakukora ebhibhiibhi.