1 Batesalonika 1:8 - Indagano Inyaaya mu-Chijita

⁸ Okusookana na emwe, abhaanu ꞉bhoonguuwe Emisango ja Ekisi inguru ya Raatabhugenyi Yeesu. Itari ku‑bhaanu bha Makedooniya na Akaaya era, tari eriikirisya ryemwe ku‑Nyamuwanga rimenyekeene bhuri rubhaara. Kurwa ejo, eswe chitakunyaaka okubhwira abhaanu inguru ya eriikirisya ryemwe.

INDAGANO INYA:YA

⁸ Okuba omusango gwa Ratabugenyi gwaso:kere kwimwe nigwaikwa, tari mu Makedonia na Akaya era, nawe okwikirisya kwemwe ku Nyamuanga kwaswirire wo:ne wo:ne, ndijei niciremo:kena okwaika omusango.

1 Batesalonika 1:8 ပူးပေါင်းရင်းမြစ်များ

Ebikorwa 18:12

Omwanya gwa obhutungi bhwa Gaariyo, omusiibha wa Echiruumi mu‑mukoowa gwa Akaaya, Abhayawudi bhoone aamwi nibhagwata Pawuro, nibhamusira imbere ya echitebhe cha indamu.

Barumi 1:8

Nyabharinyabhari, enisiima Nyamuwanga okutura ku‑Yeesu Kirisito, inguru yeemwe bhoone, kwa okubha emisango inguru ya eriikirisya ryemwe ejimenyekana mu‑chaaro choone.

Barumi 15:26

Abheekirisya bhanu bhari Makedooniya na Akaaya, ꞉bhaarorere ati ni kisi okusoroosya, korereki bhasakire abheekirisya abhataka bhanu bhari Yerusareemu erya.

Barumi 16:19

Abhaanu bhoone bhoongwa kutyo omugayuka Raatabhugenyi Yeesu. Omusango ogwo ogunkondisya muno. Noorwo kutyo, eneenda mubhe na obhwengeeso muno mu‑kukora ja ekisi, na mwasiga okubha na esoro ryoneryone ati omukora ebhibhiibhi.

1 Bakorinto 14:36

Angu, omusango gwa Nyamuwanga gusookere kw‑imwe? Amwi gwijire kw‑imwe abheene era?

2 Bakorinto 2:14

Nawe echisiima Nyamuwanga, kwa okubha kaachitangasya omwanya gwone ku‑muroobho gwa okusandabhira obhuyigi bhwa Kirisito. Ka wone kaachikora chiraasye obhumenyi bhwa emisango inguru ya Kirisito bhuri rubhaara, rwa orurango rwa ekisi kutyo oruswirana mbaara joone.

2 Bakorinto 3:4

Echaayika ejo, kwa okubha obhwo nibhwo obhwiyikanyo bhweswe bhunu chiri nabhwo ku‑Nyamuwanga okutura ku‑Kirisito.

Bakolosai 3:16

Omusango gwa Kirisito gwikare kwa obhwafu mu‑myoyo jeemwe, keenu nimwiyigisyanya na okukengyanya mu‑bhwengeeso bhwone. Mwimbire Nyamuwanga kwa emyoyo jeemwe na okumusiima, okutura mu‑jabhuri, mu‑nyimbo na jinyimbo ja echinyamwoyo.

2 Batesalonika 1:4

Eswe wone, echikonderwa muno bhunu echisimura inguru yeemwe, mu‑makanisa ga Nyamuwanga. Echikondererwa kutyo omugenderera na obhwigumiirisya bhwemwe na eriikirisya ryemwe noorwo mu‑bhinyaasyo bhyone bhinu omubhona.

2 Batesalonika 3:1

Woori abhayiri bheeswe, muchisabhirwe korereki Emisango ja Ekisi inguru ya Raatabhugenyi Yeesu, jigenderere okuswirana bhwangu na abhaanu bhajiramire kwa echibharo, rwa kutyo jaariga jiri kw‑imwe.

1 Timoteo 2:8

Kurwa ejo, bhuri rubhaara runu omwikumanya okusabhwa, eneenda abharume bhasabhwega bheenamusiisye amabhoko inguru. Bhakore kutyo kwa omutima omweru, okubhiyirwa wuri noorwo okubhambasyanya.

2 Timoteo 2:9

Emisango ejo, nijo ejikora anye eninyaaka na okubhoywa amaseega rwa omukosi wa ebhibhiibhi. Nawe omusango gwa Nyamuwanga gutakutura okuyingwa.

3 Yoana 1:12

Abhaanu bhoone abhakuuya Demetiriiyo, abhaayika ati ni muunu wa ekisi. Kaaruubha echimari cha Nyamuwanga mu‑bhurame bhwaye. Noorwo eswe wone, echaayika ati ni muunu wa ekisi. Awe omwene, owumenya ati obhubhambaasi bhweswe ni bhwa echimari.

Obhusweruro 14:6

Nejire neeya, nindora maraayika owundi ˆneejungajunga ku‑rutumba. Maraayika oyo, aariga ari na Emisango ja Ekisi ja akajaanende okuraasisya abhaanu bhanu bheekaaye ku‑chaaro, abhaanu bha amaanga goone, jingʼanda joone, jinyaayika joone na abha jinyaami joone.

Obhusweruro 22:17

Mwoyo wa Nyamuwanga na omwenga wa Omwana wa Inaama abhabhirikira Raatabhugenyi Yeesu, nibhaayika ati, “Iija!” Abhaanu bhoone wone bhanu bharyungwa emisango ejo bhaayike ati, “Iija!” Woonewoone unu ari na obhwiro, aaje anywe amanji ganu agasoosya obhuwanga, atagurire wuri.