1 Batesalonika 1:6 - Indagano Inyaaya mu-Chijita

⁶ Emwe noorwo kutyo ꞉mwanyaasiibhwe muno inguru ya eriikirisya ryemwe, ꞉mwaruubhire omusango ogwo kwa rikonderwa rinu ꞉mwayaanirwe na Mwoyo Mweru. Kwa okukora kutyo, ꞉mwaruubhire echijekekanyo cheeswe na echa Raatabhugenyi Yeesu.

INDAGANO INYA:YA

⁶ Nemwe nimuciru:ba eswe na Ratabugenyi, nimuramira omusango mu kunya:sibwa kwafu, nimukonderwa no kukonderwa kwo Mwoyo Mweru

1 Batesalonika 1:6 ပူးပေါင်းရင်းမြစ်များ

Matayo 16:24

Mbe, Yeesu ˆnaabhwira abheeyigisibhwa bhaaye ati, “Omuunu woonewoone unu keenda okunduubha, keendwa eeyigaane omwene, abhature omusarabha gwaye, anduubhe.

Yowana 8:12

Mbe, Yeesu ˆnaagenderera okubhabhwira ati, “Anye naanye obhweru bhwa echaaro. Omuunu woonewoone unu kaanduubha, atakuribhata mu‑chisuute wuri, tari kaja okubha na obhweru bhunu obhumutangasya okuja mu‑bhuwanga bhwa kajaanende koone.”

Ebikorwa 13:52

Nawe abheeyigisibhwa bha Yeesu bha Atiyookiya ya Pisiidiya eyo, nibhabha na rikonderwa enene nibhagendereraga okwijusibhwa Mwoyo Mweru.

Ebikorwa 5:41

Niwo jitumwa nibhasooka mw‑ibharaja rikuru rirya bhakondeeywe, kwa okubha ꞉bhaabharire ati bhaariga bheeyire okugaywa inguru ya risiina rya Yeesu.

Ebikorwa 9:31

Mbe abheekirisya nibhabha na omurembe mbaara joone ja Yuudeya, Gariraaya na Samaariya. Abheekirisya nibhagenderera okukomeera na okuyaanwa amanaga na Mwoyo Mweru. Ka wone, bhaagayukaga Raatabhugenyi Yeesu na obhukumi bhwebhwe nibhugenderera okwiyongesya.

Barumi 15:13

Nyamuwanga niwe echiiyikanya ati arikora joone jinu ꞉aachiragire. Kurwa ejo, enibhasabhirwa ati, abhayaane rikonderwa ryone na omurembe omwanya gunu omugenderera okumwikirisya. Awo niwo muribha na obhwiyikanyo obhunene, muribha nabhwo ku‑managa ga Mwoyo Mweru.

1 Bakorinto 11:1

Kutyo mubhega nimunduubha, rwa kutyo anye wone eniruubha Kirisito.

1 Bakorinto 11:2

Enibhakuuya kwa okubha omunyichuka ku‑misango joone, na omuruubha ameeyigisyo ganu ꞉naabheeyigisiisye.

1 Bakorinto 4:16

Woori, enibheerembeeresya ati, mubhe nimuruubha orugere rwani.

2 Bakorinto 6:10

Ka wone echibhonekana wuti chisurumbaaye, nawe echikondererwa omwanya gwone. Echibhonekana wuti chiri bhataka, nawe chiniibhiisye bhaafu. Echibhonekana wuti chitari na echiinu choonechoone, nawe chiri na ebhiinu bhyone.

2 Bakorinto 8:5

꞉Bhaakorere kutyo okukira kutyo chaariga nichiiyikanya. ꞉Bheesoosiisye okwamba ku‑Raatabhugenyi, ka wone nibheesoosya kw‑iswe, rwa kutyo Nyamuwanga keenda.

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

Baefeso 5:1

Emwe muri abhaana abheendwa bha Nyamuwanga, kurwa ejo, mukorega rwa kutyo omwene kaakora.

Bafilipi 3:17

Abhayiri bhaani, bhoone muruubhe jitungwa jaani. Ka wone mwiyigire okusooka ku‑bhaanu bhanu abharuubha jitungwa jeeswe.

2 Batesalonika 1:4

Eswe wone, echikonderwa muno bhunu echisimura inguru yeemwe, mu‑makanisa ga Nyamuwanga. Echikondererwa kutyo omugenderera na obhwigumiirisya bhwemwe na eriikirisya ryemwe noorwo mu‑bhinyaasyo bhyone bhinu omubhona.

2 Batesalonika 3:7

Echaayika kutyo kwa okubha, emwe mumenyere kutyo jeenderwe muruubhe jitungwa jeeswe. Eswe bhunu chaariga chiri aamwi na emwe chaariga chitari bharenga,

2 Batesalonika 3:9

Omwanya gunu chaakoraga kutyo, jitari ati chaariga chiteeyire okukena echiinu kw‑imwe, nawe ꞉chaakorere kutyo korereki chibhe chijekekanyo kw‑imwe, mwiyigire.

2 Timoteo 4:2

Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.

Baeburania 10:34

Mwariga nimufwira echigongo abheejaanyu bhanu ꞉bhaabhoyerwe mu‑mabhoyero. Ka wone omwanya gunu ꞉mwateesibhwe ebhiinu bhyemwe, ꞉mwegumiirisiisye kwa rikonderwa, kwa okubha emwe ꞉mwamenyere ati muri na ebhiinu bhya ekisi muno bhinu bhitariwaa‑wo wuri.

1 Petero 1:6

Mbe mukondererwe muno emisango ejo, noorwo kutyo ku‑mwanya mufuyi gunu, omutura okusurumbara inguru ya amaregeejo maafu ga bhuri mbaga.

1 Petero 1:8

Emwe muchaariga okumurora, nawe mumwendere. Ka wone, noorwo kutyo mutakumurora woori, nawe omumwikirisya. Kurwa ejo, omukonderwa rikonderwa rinu ritakwayikwa na rinu riijuuye rikusyo,

1 Petero 3:13

Niga unu aribhakorera emibhiibhi, araabha omwikomeesya okukora ja ekisi?

3 Yoana 1:11

Woori, omwendwa waani Gaayo, waasiga okuruubha echijekekanyo echibhiibhi, tari echijekekanyo cha ekisi. Omuunu woonewoone unu kaakora ja ekisi, oyo ni mwana wa Nyamuwanga. Nawe unu kaakora ebhibhiibhi, atakusombookerwa ati Nyamuwanga niga.