1 Batesalonika 1:5 - Indagano Inyaaya mu-Chijita

⁵ Echimenya kutyo, kwa okubha omwanya gunu ꞉chaabharaasisiisye Emisango ja Ekisi inguru ya Yeesu, ꞉chitaabharaasisiisye emisango era. Tari okuraasya kweswe, ꞉kwaruubheene na ebhiruguusyo bhinu bhyakorwaga na Mwoyo Mweru. ꞉Chaaraasiisye chimenyere kisi ati, emisango ejo ni ja echimari. Emwe abheene mumenyere kutyo chaariga chiri aamwi na emwe, korereki chibhasakire.

INDAGANO INYA:YA

⁵ Okuba Ebigambo byo bwana binu ca:ikire byakingire kwimwe mu kwaika:ra, nawe mu managa na mu Mwoyo Mweru na mu kwiikanya kwafu, rwa kutyo mumenyere kutyo cariga mwimwe kurwemwe.

1 Batesalonika 1:5 ပူးပေါင်းရင်းမြစ်များ

Mariko 16:20

Abheeyigisibhwa bhaaye bharya nibhasooka arya. Nibhagenda okuraasya Emisango ja Ekisi woonewoone. Raatabhugenyi Yeesu abhayaanaga amanaga ga okukora ebhibharikisyo. Nikwo kutyo aariga ˆneeresya emisango ejo ati ni ja chimari.]

Ruuka 1:1

Tewofiiro owa echibharo, abhaanu bhaafu bhaariga bheekomeesiisye, okukaama inguru ya emisango jinu ꞉jaakorekeene agati yeeswe.

Ebikorwa 11:21

Obhuturo bhwa Raatabhugenyi bhwariga bhuri aamwi nabho, abhaanu bhaafu nibheekirisya nibhayindukira Raatabhugenyi Yeesu.

Ebikorwa 16:14

Mu‑bhanu bhaachitegeresyaga, aariga ari‑mo omugasi umwi, asookere mu‑musi gwa Tiyaatira, risiina ryaye aatogwaga Riidiya. Riidiya oyo, aariga ari omugusi wa emyenda ja ekisi ja ijambarawu na aaramyaga Nyamuwanga. Pawuro ejire aabhabhwira Emisango ja Ekisi, Raatabhugenyi ˆneegura mutima gwa Riidiya, ˆnaategeresya kisi omusango gunu Pawuro aariga ˆnaaraasya.

Ebikorwa 2:33

Nyamuwanga ꞉aamwinamusiisye na okumuriinyya ku‑chibharo cha inguru, woori eenyanjire orubhaara rwaye rwa ebhuryo. Ka wone Raata Nyamuwanga ayaaye Yeesu Mwoyo Mweru rwa kutyo ꞉aamuragire. ꞉Aachiitururiiye Mwoyo Mweru, ebhikorwa bhyaye, nibhyo bhinu omurora na okuungwa.

Barumi 1:16

Anye nitakwiswara okuraasya Emisango ja Ekisi ejo, kwa okubha nijo obhuturo bhwa Nyamuwanga bhwa okuchungura abhaanu bhoone bhanu abheekirisya Yeesu, okwambira Abhayawudi okukingira abhaanu bhanu bhatari Bhayawudi.

Barumi 15:13

Nyamuwanga niwe echiiyikanya ati arikora joone jinu ꞉aachiragire. Kurwa ejo, enibhasabhirwa ati, abhayaane rikonderwa ryone na omurembe omwanya gunu omugenderera okumwikirisya. Awo niwo muribha na obhwiyikanyo obhunene, muribha nabhwo ku‑managa ga Mwoyo Mweru.

Barumi 2:16

Nikwo kutyo jiribha ku‑rusuku rwa indamu. Nyamuwanga ariramura abhaanu okutura ku‑Kirisito Yeesu, noorwo emisango jeebhwe ja imbisike, rwa kutyo ejaayika Emisango ja Ekisi jinu eniraasya.

1 Bakorinto 1:24

Nawe ku‑bhaanu bhanu Nyamuwanga ꞉aabhirikiiye okubha abhaanu bhaaye, bhabhe Abhayawudi amwi bhabhe Abhayunaani, Kirisito niwe amanaga ga Nyamuwanga na obhwengeeso bhwa Nyamuwanga.

1 Bakorinto 10:33

Mubhe rwa kutyo anye niri. Eniikomeesya okukondisya abhaanu bhoone ku‑misango joone jinu enikora. Jitari ati enikora kutyo, korereki anye omwene niibhonere omuriiro, tari enikora kutyo, korereki abhaanu bhaafu bheebhonere omuriiro korereki bhachungurwe.

1 Bakorinto 3:16

Angu, mutakumenya ati, emwe muri riyekaru rya Nyamuwanga, ka wone ati Mwoyo wa Nyamuwanga eekaaye mw‑imwe?

1 Bakorinto 3:6

Anye ꞉naayambire jimbibho, Apooro ˆnaajiitirira amanji, nawe Nyamuwanga niwe aariga ˆnaamesya na okukusya.

1 Bakorinto 4:20

Enaayika kutyo kwa okubha obhukama bhwa Nyamuwanga, bhutakubhonekana mu‑misango era, tari chimwichimwi mu‑managa.

1 Bakorinto 9:14

Ka wone Raatabhugenyi Yeesu aragiriiye kutyokutyo ati, bhanu abharaasya Emisango ja Ekisi, bhabhonega obhukene bhwebhwe okuruubhana na emirimu ejo.

2 Bakorinto 3:6

Omwene niwe ꞉aachiyaaye obhuturo bhwa okubha abhakosi bha indagano inyaaya. Indagano eyo itakusookana na ebhiraagiro bhinu ꞉bhyakaamirwe, tari eyisooka ku‑Mwoyo Mweru, kwa okubha ebhiraagiro ebhireeta orufu, nawe Mwoyo Mweru kaareeta obhuwanga.

Bagalatia 2:2

꞉Naariinyire okugenda eyo ku‑mwanya ogwo, kwa okubha Nyamuwanga aariga answeruriiye ati nigende. Nichibhugana na abhatangasya bha rikanisa mu‑bhumbise. Nimbabhwira Emisango ja Ekisi jinu naariga nindaasya ku‑bhanu bhatari Bhayawudi. ꞉Naaramuuye okusangira aamwi nabho ejo, korereki emirimu jinu naariga ninkora na jinu enigenderera okukora jaasiga okubha ja okufwirwa‑mo.

Bagalatia 5:5

Nawe eswe, echiiyikanya ku‑bhuturo bhwa Mwoyo Mweru ati, Nyamuwanga arichibhara ati chiri bharengeresi, kwa okwikirisya Yeesu.

Baefeso 2:10

Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

Baefeso 3:20

Mbe Nyamuwanga akusibhwe, kwa okubha omwene ari na obhuturo bhwa okukora emisango myafu muno okukira ebhiinu bhyone bhinu echisabhwa amwi bhinu echiiganirisya. Omwene kaakora ejo, ku‑njira ya obhuturo bhwaye bhunu obhukora emirimu mu‑myoyo jeeswe.

Bafilipi 2:13

Mbe, mukore kutyo kwa okubha Nyamuwanga niwe kaakora emirimu mu‑mitima jeemwe, korereki mwende na okukora emisango jinu kaakena jikorekane.

Bafilipi 4:9

Mugenderere okukora jinu ꞉mweeyigiiye, jinu ꞉mwaramiiye, jinu ꞉mwoonguuwe okusooka kw‑anye na jinu ꞉mwarorere ninkora. Niwo, Nyamuwanga unu kaabhayaana omurembe arigenderera okubha aamwi na emwe.

Bakolosai 2:2

Enikora kutyo, korereki emyoyo jeemwe bhoone, jisimbiisibhwe na okugwatanyibhwa aamwi mu‑ryenda. Eneenda murumatane chimwi mu‑kusombookerwa, na okumenya obhutinge bhwa imbisike ya Nyamuwanga bhunu ku‑bhwambiro bhwariga bhubhisirwe. Imbisike eyo nikwo okumenya Kirisito omwene.

1 Batesalonika 2:13

Kurwa ejo, eswe chitakuyigwa okusiima Nyamuwanga, kwa okubha mwejire mwoongwa emisango jaaye okusooka kw‑iswe, ꞉mutaajiikirisiisye wuti ni misango ja abhaanu. Nawe, ꞉mwajiikirisiisye mumenyere ati ejisooka ku‑Nyamuwanga. Chimari, nikwo kutyo jiri. Emisango ejo, nijo ejikora emirimu mu‑myoyo jeemwe, emwe abheekirisya.

2 Batesalonika 2:14

Nyamuwanga ꞉aabhabhirikiiye, korereki muramire obhuchungusi obhwo ku‑njira ya Emisango ja Ekisi jinu ꞉chaaraasiisye kw‑imwe. ꞉Aabhabhirikiiye korereki musangire aamwi mw‑ikusyo rya Raatabhugenyi weeswe Yeesu Kirisito.

2 Timoteo 2:10

Kurwa ejo, eniigumiirisya joone inguru ya abhaanu bhanu Nyamuwanga asorere, korereki abheene wone bhabhone obhuchungusi ku‑njira ya okwikirisya Kirisito Yeesu na bhasangire rikusyo ryaye akajaanende.

2 Timoteo 2:8

Wiichuke Yeesu Kirisito wa mu‑ruganda rwa omukama Dawudi. Nyamuwanga ꞉aamusuuruuye okusooka mu‑bhafuuwe. Ejo nijo Emisango ja Ekisi jinu eniraasya.

Baeburania 10:22

Kurwa ejo chifogere imbere ya Nyamuwanga chiri na emyoyo emyeru na eriikirisya rya echimari, okubha Nyamuwanga eesiisye emitima jeeswe emijabhi ku‑njira ya isagama ya Yeesu, na oosiisye emibhiri jeeswe na amanji ameeru.

Baeburania 6:11

Eniigomba muno ati bhuri umwi weemwe eeresyega okwikomeesya okwookwo okukingira ku‑bhuteero, korereki muramire joone jinu omwiyikanya.

1 Petero 1:12

Nyamuwanga ꞉aasweruriiye abharagi abho ati, emisango jinu ꞉bhaaragire, jaariga jitari jeebhwe abheene, tari jaariga jiri jeemwe. Emisango jinu ꞉bhaayikire, nijo ꞉mwaraasisiibhwe na abhaanu bhanu ꞉bhaabhareteeye Emisango ja Ekisi inguru ya Yeesu Kirisito. Abheene ꞉bhaabhabhwiriiye emisango ejo, ku‑bhuturo bhwa Mwoyo Mweru unu ꞉aatumirwe okusooka mu‑rwire. Emisango ejo, noorwo bhamaraayika wone abheegomba muno okujisombookerwa.

1 Petero 1:3

Akusibhwe Nyamuwanga, Esemwene Raatabhugenyi weeswe Yeesu Kirisito. Ku‑chigongo chaaye echaafu, ꞉aachiibhuuye rwa kabhiri ku‑njira ya okusuurura Yeesu Kirisito okusooka mu‑bhafuuwe. Kurwa ejo, chibhwene obhwiyikanyo obhwa obhuwanga.

1 Petero 5:3

Mwasiga okubha abhareefi abharuru ku‑bhanu omutangasya, tari rwa kutyo mwikaaye, mubhe echijekekanyo cha ekisi ku‑bheene.

2 Petero 1:10

Mbe, abhayiri bhaani, mwikomeesye muno okweresya chimari ati Nyamuwanga abhabhirikiiye na okubhasora. Araabha muramire ku‑njira eyo, mtariikuujura wuri.

2 Petero 1:19

Wone chiri na emisango ja abharagi, jinu jirumateene muno. Emwe murikora kisi araabha murijigwata, rwa kutyo omugwata idara inu eyimirika mu‑chisuute, okukingira omwanya gunu obhucheera na inyamaananga okubhamirikira mu‑myoyo jeemwe.