1 Batesalonika 1:1 - Indagano Inyaaya mu-Chijita

¹ Inyarubha inu, niikaamire anye Pawuro, niri aamwi na Sirwano na Timoteewo. Echibhakaamira emwe bhanu muri mw‑ikanisa rinu riri mu‑musi gwa Tesaroonike, emwe bhanu mwikirisiisye Raata Nyamuwanga na Raatabhugenyi Yeesu Kirisito. Obhwitiriranya na omurembe bhibhe aamwi na emwe.

INDAGANO INYA:YA

¹ Anye Paulo, aamwi na Silwano na Timoteo, ecandikira ikanisa ya Batesalonika, inu iri mu Nyamuanga Rata na mu Ratabugenyi Yesu Kristo.

1 Batesalonika 1:1 ပူးပေါင်းရင်းမြစ်များ

Ebikorwa 15:22

Awo jitumwa ejo na abhakaruka, aamwi na abheekirisya bhoone bha Yerusareemu awo nibheekirisyanya. Nibhatema echiina ati, bhaawure abhaanu abharebhe mu‑bheene bhanu abhaja okugenda aamwi na Pawuro na Bharinaabha mu‑musi gwa Atiyookiya. Nibhaawura‑mo abhaanu abhabhiri bha echirume bhanu abhayaanwa echibharo muno mu‑bheekirisya. Omuunu wa okwamba, aariga ari Yuuda unu aatogwaga Bharisabha, omuunu wa kabhiri, aariga ari Siira. Abho nibhatumwa na inyarubha niyayikaga ati,

Ebikorwa 15:27

Kutyo abhaanu bhanu echituma kw‑imwe ni Yuuda na Siira. Abheene nibho bharyayika kwa eminwa jeebhwe emisango jinu chaabhakaamira.

Ebikorwa 15:40

Pawuro ˆnaawura Siira, abheekirisya abheejaabho nibhabhasabhirwa bhabhe na obhwitiriranya bhwa Raatabhugenyi, niwo nibheemuka awo.

Ebikorwa 16:19

Abhaami bha omugayagasi oyo, nibharora ati obhwiyikanyo bhwebhwe bhwa okubhona ribhona bhwawa. Kutyo, nibhagwatwa risungu, nibhakurumukira Pawuro na Siira, nibhabhakurura, nibhabhasira mw‑iguriro, imbere ya riramuriro rya abhakuru bha ebhiraagiro bhya Echiruumi.

Ebikorwa 16:25

Yejire yaakinga mu‑bhwire agati, Pawuro na Siira bhaasabhwaga na okumwimbira Nyamuwanga jinyimbo ja okumukusya, enu abhabhoywa abheejaabho nibhabhategeresyaga.

Ebikorwa 16:29

Awo, omuriisi oyo ˆnaaragirira ati idara iretwe. ˆNeengira mw‑ibhoyero omwo bhwangwebhwangwe, ˆnaagwa imbere ya Pawuro na Siira ˆnaayararaga.

Ebikorwa 17:11

Abhaanu bha Bherooya awo, bhaariga bhari na obhutinge bhwa kisi okukira abha Tesaroonike. Nibhakora Pawuro, abharaasisye omusango gwa Nyamuwanga, nibhaguramira kwa amanaga goone. Bhaaringiraga mu‑Bhikaame Ebhyeru bhuri rusuku, korereki bhamenye ati ejo aayikaga Pawuro ni ja echimari.

Ebikorwa 18:5

Siira na Timoteewo bhejire bhaakinga awo okusooka Makedooniya, Pawuro aariga ˆnaasoosya omwanya gwaye gwone okwiyigisya omusango gwa Nyamuwanga ku‑Bhayawudi, ˆnaabhabhwiraga ati Yeesu niwe Kirisito.

Ebikorwa 19:22

꞉Aatumire abhasakisi bhaaye abhabhiri, Timoteewo na Erasito, bhagende Makedooniya, omwanya ogwo omwene ˆnaasigara Asiya awo.

Ebikorwa 20:4

Ku‑rugendo runu, Pawuro ꞉aayeregesibhwe na Sopateeri omwana wa Piiro okusooka mu‑musi gwa Bherooya, aamwi na abhaanu bhabhiri, Arisitaariko na Sekundo okusooka mu‑musi gwa Tesaroonike, Gaayo okusooka mu‑musi gwa Deeribhe, Timoteewo, Tukiiko na Torofiimo okusooka mu‑mukoowa gwa Asiya.

Barumi 1:7

Enibhakaamira emwe abheekirisya bhoone bhanu muri Ruumi eyo. Nyamuwanga kaabheenda muno, na abhabhirikiiye, korereki mubhe abhaanu bhaaye abheeru. Obhwitiriranya na omurembe okusooka ku‑Nyamuwanga Raata weeswe, na ku‑Raatabhugenyi Yeesu Kirisito, bhibhe aamwi na emwe.

1 Bakorinto 1:2

Echikaamira emwe bhanu muri mw‑ikanisa rya Nyamuwanga mu‑musi gwa Koriito. Nyamuwanga abhasorere okubha na obhumwi na Kirisito Yeesu, na abhabhirikiiye okubha abheeru bhaaye. Echibhakaamira emwe aamwi na abhaanu bhoone bha mbaara joone bhanu abhasabhwa Yeesu Kirisito, unu ari Raatabhugenyi weebhwe na Raatabhugenyi weeswe wone.

2 Bakorinto 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya. Echikaamira emwe bhanu muri mw‑ikanisa rya Nyamuwanga mu‑musi gwa Koriito, aamwi na abheeru bhoone bha Nyamuwanga bhanu bhari mu‑mukoowa gwa Akaaya.

2 Bakorinto 1:19

Enaayika kutyo, kwa okubha Yeesu Kirisito, Omwana wa Nyamuwanga, unu anye, Sirwano, na Timoteewo ꞉chaamuraasiisye kw‑imwe, aariga atari muunu wa okwayika ati, “Cha,” neeya ˆnaayika ati, “Wuri.” Tari ku‑mwene oyo, omwanya gwone ni ati, “Cha.”

Bagalatia 1:2

Anye na abhayiri bhoone bhanu bhari aamwi na anye anu, echibhakeesya emwe bhanu muri mu‑makanisa ga Nyamuwanga mu‑mukoowa gwa Garaatiya.

Bagalatia 1:22

Omwanya ogwo, anye naariga nitakumenyekana ku‑bhaanu bhanu ꞉bheekirisiisye Kirisito, mu‑makanisa ganu gari mu‑mukoowa gwa Yuudeya.

Baefeso 1:2

Obhwitiriranya na omurembe okusooka ku‑Nyamuwanga Raata weeswe na ku‑Raatabhugenyi Yeesu Kirisito, bhibhe aamwi na emwe.

Bafilipi 1:1

Inyarubha inu, niikaamire anye Pawuro, niri aamwi na Timoteewo, omukosi weejaasu wa Kirisito Yeesu. Echikaamira abhaangarisi na abhasakisi bha rikanisa, na emwe abheeru bhoone bha Nyamuwanga Firiipi eyo, bhanu muri na obhumwi na Kirisito Yeesu.

Bakolosai 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya.

2 Batesalonika 1:1

Inyarubha inu, niikaamire anye Pawuro, niri aamwi na Sirwano na Timoteewo. Echibhakaamira emwe bhanu muri mw‑ikanisa rinu riri mu‑musi gwa Tesaroonike, emwe bhanu mwikirisiisye Raata weeswe Nyamuwanga na Raatabhugenyi Yeesu Kirisito.

1 Timoteo 1:2

Enikukaamira awe Timoteewo, omwana waani wa echimari mu‑riikirisya. Obhwitiriranya, echigongo na omurembe okusooka ku‑Raata Nyamuwanga na ku‑Kirisito Yeesu Raatabhugenyi weeswe, bhibhe aamwi na awe.

2 Timoteo 1:2

Enikukaamira awe Timoteewo, omwana waani omwendwa. Obhwitiriranya, echigongo na omurembe okusooka ku‑Raata Nyamuwanga na ku‑Kirisito Yeesu Raatabhugenyi weeswe, bhibhe aamwi na awe.

Baeburania 13:23

Eneenda mumenye ati omuyiri weeswe mu‑riikirisya Timoteewo eeguriiywe okusooka mw‑ibhoyero. Araabha akaaja anu bhwangu, niriija nage kw‑imwe eyo okubhagosorera.

1 Petero 5:12

Naabhakaamira inyarubha ifuyi inu, kwa obhusakisi bhwa Sirwano. Anye enisombookerwa kisi ati, omwene ni omwiyikanyibhwa. Obhukarariiye bhwani ni kukomeesya emyoyo jeemwe na okubhabhwira ati, emisango jinu chimari ni bhwitiriranya bhwa Nyamuwanga. Woori, mwimereeguru murumateene mu‑bhwitiriranya obhwo.

1 Yoana 1:3

Echibharaasisya emisango inguru ya Yeesu unu ꞉chaarorere na okumutegeresya, korereki mubhe na obhumwi na eswe mu‑riikirisya. Obhumwi obhwo, chiri nabhwo na Raata Nyamuwanga na Omwana waaye Yeesu Kirisito.

Yuuda 1:1

Inyarubha inu, niikaamire anye Yuuda. Anye, niri mukosi wa Yeesu Kirisito, ka wone, niri mumura waabho Yakobho. Enikaamira emwe abhaanu bhanu mubhirikiiywe na Raata Nyamuwanga. Omwene kaabheenda, na kaabhaangarira kisi okukingira anu Yeesu Kirisito ariijira.