1 Bakorinto 9:21 - Indagano Inyaaya mu-Chijita

²¹ Ku‑bhanu bhatari na ebhiraagiro bhya Muusa, naariga niri rwa omuunu unu atari na ebhiraagiro ebhyo, korereki okubhasakira bheekirisye Kirisito. Ogwo gutari na obhugajuro ati nitari na ebhiraagiro imbere ya Nyamuwanga. Tari niri nabhyo kwa okubha enitangasibhwa na ebhiraagiro bhya Kirisito.

INDAGANO INYA:YA

²¹ Ku banu batari na biragiro, nabee rwa unu atana biragiro, nikorereki nibone banu batana biragiro. Tari ati nitana biragiro ku Nyamuanga, nawe niri mu biragiro bya Kristo.

1 Bakorinto 9:21 ပူးပေါင်းရင်းမြစ်များ

Ebikorwa 15:28

Okubha jaakondera Mwoyo Mweru aamwi na eswe ati, chisige okubhatwika omugugu ogundi tari ebhiraagiro bhya bhusibhusi bhinu.

Ebikorwa 16:4

Pawuro na abheejaabho abho, nibhagenda nibhaturaga mu‑misi ja ende‑yo, nibhabhwiraga abheekirisya amaragiriro ganu gateeywe‑wo na jitumwa ja Yeesu na abhakaruka bha Yerusareemu. ꞉Bhaakorere kutyo korereki abheekirisya bheende‑yo wone bhabhe nibhagayuka amaragiriro ago.

Ebikorwa 21:25

Nawe ku‑rubhaara rwa abhaanu bhanu bhatari Bhayawudi, bhanu abheekirisya Yeesu, ꞉chaabhakaamiiye inyarubha rwa kutyo ꞉chaaramuuye. ꞉Chaaramuuye ati, bhasige okurya ebhiryo bhinu bhisoosiibhwe inguru ya okuramya amasusano, okurya noorwo okunywa orwamba, okurya jityanyi jinu jiitirwe kwa okubhuutwa, na okukora obhuromesi.”

Barumi 2:12

Abhaanu bhanu bhatari Bhayawudi bhanu abhakora ebhibhiibhi bharisingaarisibhwa, noorwo bhaakabha bhatakumenya ebhiraagiro bhya Muusa. Abhayawudi bhanu abhakora ebhibhiibhi keenu bhamenyerega ebhiraagiro ebhyo, abheene bhariramurwa okuruubhana na ebhiraagiro ebhyo.

Barumi 2:14

Abhaanu bhanu bhatari Bhayawudi, abho bhatakumenya ebhiraagiro ebhyo. Noorwo kutyo, bhaakakora ja ekisi okuruubhana na obhwiganirisya bhwebhwe, na emisango ejo ejibha rwa kutyo ebhiraagiro bhya Muusa ebhyeresya, ejo ejeeresya ati abhamenya okukora jinu jiiyire.

Barumi 7:22

Ebhiraagiro bhya Nyamuwanga, enibhyenda kwa omwoyo gwani.

Barumi 7:25

Enisiima Nyamuwanga, kwa okubha omwene niwe anchunguuye, okutura ku‑Yeesu Kirisito, Raatabhugenyi weeswe. Kurwa ejo, anye omwene, enikorera emirimu ebhiraagiro bhya Nyamuwanga mu‑bhwiganirisya bhwani, nawe ku‑bhusimukwa bhwani bhwa echibhiibhi, enikoreraga emirimu echibhiibhi.

Barumi 8:4

korereki emisango joone ja obhurengeresi jinu ejitongwa mu‑bhiraagiro jikuumisibhwe na Kirisito inguru yeeswe. Eswe echitangasibhwa na Mwoyo Mweru, na chitakutangasibhwa rindi na obhusimukwa bhweswe bhwa echibhiibhi.

Bagalatia 3:2

Woori, siga nibhabhuusye ribhuusyo rimwi. Angu, ꞉mwaramiiye Mwoyo Mweru kwa okubha ꞉mwaruubhire ebhiraagiro bhya Muusa, amwi kwa okubha ꞉mwategeresiisye na okwikirisya Emisango ja Ekisi inguru ya Yeesu?

Bagalatia 6:2

Musakiranega na okugegerana emigugu jeemwe emisito, niwo murikuumisya echiraagiro cha Kirisito.

Baeburania 8:10

Inu niyo indagano inyaaya inu nirikora na Abhayisirayeeri ku‑siku jinu ejiija. Enija okutuura ebhiraagiro bhyani mu‑bhwiganirisya bhwebhwe, niribhikaama mu‑myoyo jeebhwe. Anye niribha Nyamuwanga weebhwe, abheene wone bharibhaga abhaanu bhaani.