1 Bakorinto 9:15 - Indagano Inyaaya mu-Chijita

¹⁵ Nawe anye nichaariga okutonga noorwo echiinu chimwi ku‑bhinu niiyire okuyaanwa. Ka wone nitakukaama kutyo, korereki niyaanwe ebhyo. Kw‑anye ni akiri nifwe okukira okusakirwa ebhiinu okusooka kw‑imwe, kwa okubha nitakwenda omuunu woonewoone angaanye okwikuuya inguru ya okuraasya Emisango ja Ekisi, kwa okunaana ebhiinu.

INDAGANO INYA:YA

¹⁵ Nawe anye nitakoraga ebyo na katyari, amwi nitandikire ebyo korereki nikorerwe kutyo uri. Okuba akiri anye nifwe, okukira omu:nu wo:ne akore okwikuya kwani kuba kutyo era.

1 Bakorinto 9:15 ပူးပေါင်းရင်းမြစ်များ

Matayo 18:6

“Nawe unu ariyabhya owumwi ku‑bhatooto bhanu abhanyikirisya, ˆnaareterera akore ebhibhiibhi, jikabheeye kisi omuunu oyo abhoyerwe mu‑bhicha orubhuyi runene rwa okuseera‑ko na okweswa ebhusibha mu‑nyanja.

Ebikorwa 18:3

kwa okubha Pawuro aakoraga emirimu ja okusona amayeema rwa abheene, ˆnaasigara eweebhwe awo na okukora emirimu aamwi nabho.

Ebikorwa 20:24

Nawe, nitakubhara obhurame bhwani ati ni chiinu cha omuriiro kw‑anye, korereki nikuumisye emirimu jinu Raatabhugenyi Yeesu ꞉aanaaye nikore. Emirimu ejo ni kuraasisya abhaanu Emisango ja Ekisi ja obhwitiriranya bhwa Nyamuwanga ku‑bhaanu.

Ebikorwa 20:33

꞉Niteegombere jipirya ja omuunu woonewoone, noorwo inaaryo, noorwo emyenda jaaye.

Ebikorwa 20:34

Emwe abheene mumenyere kisikisi ati naariga ninkora emirimu kwa amabhoko gaani, okubhona jipirya ja okugura ebhiinu bhyone bhinu anye aamwi na abheejaasu chaakenaga.

Ebikorwa 8:3

Omwanya ogwo Saawuri ˆnaamba okunyaasya abheekirisya bha Yeesu. Omwene aariga ˆneengira mu‑nju jeebhwe, ˆnaagwataga abharume na abhagasi kwa amanaga, ˆnaabhasira mw‑ibhoyero.

1 Bakorinto 4:12

Echikora emirimu jeeswe kwa okwikomeesya muno kwa amabhoko geeswe abheene. Omwanya gunu abhaanu abhachifuma, echibhasabhirwa amabhando. Omwanya gunu abhachinyaasya, echiigumiirisya.

1 Bakorinto 9:12

Araabha abhandi bheeyire okubhona ebhiinu rwa ebhyo okusooka kw‑imwe, woori eswe, chiteeyire muno okuyaanwa ebhiinu ebhyo? Nawe eswe ꞉chitaatongere bhinu chiiyire okuyaanwa na emwe, tari cheegumiirisya mu‑joone, korereki chaasiga okuyingirira abhaanu okwikirisya Emisango ja Ekisi inguru ya Kirisito.

1 Bakorinto 9:18

Woori echiyaanwa chaani niki? Echiyaanwa chaani nicho okuraasya Emisango ja Ekisi okuriywa wuri, okutonga wuri, chinu niiyire okuyaanwa inguru ya okuraasya Emisango ejo.

1 Batesalonika 2:9

Woori, abhayiri bheeswe, omwichuka okwikomeesya kweswe na okunyaaka kweswe, kutyo chaakoraga emirimu mu‑ngeta na mu‑mwisi. ꞉Chaakorere kutyo, korereki omwanya gunu echiraasya Emisango ja Ekisi okusooka ku‑Nyamuwanga, chisige okunyaasya omuunu woonewoone kw‑imwe.

2 Batesalonika 3:8

ka wone ꞉chitaariye ebhiryo bhya omuunu woonewoone, chitasoosisye jipirya. Chaariga nichikora emirimu kwa obhwikomeesya mu‑ngeta na mu‑mwisi, korereki chisige okunyaasya omuunu woonewoone mw‑imwe.