1 Bakorinto 8:13 - Indagano Inyaaya mu-Chijita

¹³ Kurwa ejo, araabha ebhiryo bhinu enirya, ebhiyabhya omwikirisya oweejaasu, nitarirya rindi inyama noorwo na akatyari, korereki naasiga okureterera omwikirisya oweejaasu akore echibhiibhi.

INDAGANO INYA:YA

¹³ Mbe, ebiryo bike:ku:jusya Omwana wa:su, nitarirya nyama anu ciribe:ra, korereki nitaja kwiku:jusya mwana wa:su.

1 Bakorinto 8:13 ပူးပေါင်းရင်းမြစ်များ

Matayo 17:27

Nawe chaasiga okufuruurusya abhaanu bhanu, genda ku‑nyanja weese rirobho mu‑manji. Iiswi inu uritangata okukoma, uyaasamye omunwa gwayo, owuja okusongʼana‑mo ipirya. Ugege ipirya eyo, ugende untobhere rigooti utobhe na eryawo.”

Ebikorwa 15:20

Echikenwa era okubhakaamira inyarubha okubheeresya ati bhasige okurya ebhiryo bhinu bhisoosiibhwe inguru ya okuramya amasusano, obhuromesi, okurya jityanyi jinu jiitirwe kwa okubhuutwa noorwo okunywa orwamba.

Barumi 14:13

Kurwa ejo, chisige okuramurana, tari chiramure okusiga okukora choonechoone chinu echiyabhya amwi okugwisya omwikirisya oweejaasu.

Barumi 14:21

Ni akiri usige okurya inyama, amwi okunywa echifuufu, amwi okukora choonechoone chinu echitura okuyabhya oweejaanyu kutyo.

1 Bakorinto 10:32

Mwasiga okubha echiikuujuro ku‑Bhayawudi, ku‑bhaanu bhanu bhatari Bhayawudi, noorwo mw‑ikanisa rya Nyamuwanga.

1 Bakorinto 10:33

Mubhe rwa kutyo anye niri. Eniikomeesya okukondisya abhaanu bhoone ku‑misango joone jinu enikora. Jitari ati enikora kutyo, korereki anye omwene niibhonere omuriiro, tari enikora kutyo, korereki abhaanu bhaafu bheebhonere omuriiro korereki bhachungurwe.

1 Bakorinto 13:5

Eryenda erikora omuunu ayaanega abhandi echibharo, ritakureterera okwiganirisya emisango jaaye era, noorwo okubhiyirwa bhwangu, noorwo okubha na ingwatira mu‑mwoyo.

1 Bakorinto 6:12

Abhaanu abhandi agati yeemwe abhaayika ati, “Chiikirisiibhwe okukora bhuri chiinu chinu echeenda.” Nawe anye enaayika ati, jitari ati emisango joone jiri na omuriiro. Ka wone abhaayika ati, “Chiikirisiibhwe okukora bhuri chiinu chinu echeenda.” Nawe anye nitakuja okubha omugaya wa omusango gwonegwone.

1 Bakorinto 9:12

Araabha abhandi bheeyire okubhona ebhiinu rwa ebhyo okusooka kw‑imwe, woori eswe, chiteeyire muno okuyaanwa ebhiinu ebhyo? Nawe eswe ꞉chitaatongere bhinu chiiyire okuyaanwa na emwe, tari cheegumiirisya mu‑joone, korereki chaasiga okuyingirira abhaanu okwikirisya Emisango ja Ekisi inguru ya Kirisito.

2 Bakorinto 11:29

Araabha omuunu woonewoone ni mujorobhoke, anye wone eniiyungwa okubha omujorobhoke. Araabha abhaanu bharetereeye omuunu woonewoone okukora ebhibhiibhi, anye wone enirumwa.

2 Bakorinto 6:3

Chitakukorera omuunu woonewoone omusango gwonegwone gunu ogumureterera okwikuujura, korereki obhukosi bhweswe bhwasiga okwayikwa kubhiibhi.