1 Bakorinto 7:6 - Indagano Inyaaya mu-Chijita

⁶ Naabhabhwira emisango ejo okubheekirisisya era okusigana katungu kafuyi inguru ya okusabhwa, jitari ati enibhasinyiirisya.

INDAGANO INYA:YA

⁶ Nawe ena:ika binu nini:kirisya:ra, tari ati natao ciragiro.

1 Bakorinto 7:6 ပူးပေါင်းရင်းမြစ်များ

1 Bakorinto 7:10

Ku‑bhanu bhatwareene, enibharagirira. Riragiriro eryo ritari ryani, tari risookere ku‑Raatabhugenyi Yeesu, ati, omugasi aasiga okutaana na omurume waaye.

1 Bakorinto 7:12

Woori enija okwayika na abheekirisya abhandi. Emisango jinu eneenda okwayika ni bhwiganirisya bhwani gatari amaragiriro ga Raatabhugenyi Yeesu. Araabha omurume omwikirisya atwaye omugasi unu atari mwikirisya, na omugasi oyo eekirisiisye okugenderera okwikara nage, omurume oyo, aasiga okutaana nage.

1 Bakorinto 7:25

Woori, ku‑bhayarakaji bhanu bhachaari okutwarwa, nitari na riragiriro okusooka ku‑Raatabhugenyi Yeesu. Nawe ku‑bhwiganirisya bhwani enibhatongera, anye unu niiyire okwiyikanyibhwa ku‑songa ya echigongo cha Nyamuwanga.

1 Bakorinto 7:40

Nawe ni akiri muno omutumbagasi oyo asigare atatwawe. Obhwo ni bhwiganirisya bhwani, na eniiganirisya ati anye wone Mwoyo wa Nyamuwanga kaantangasya okwayika emisango ejo.

2 Bakorinto 11:17

Emisango ja okwikuuya jinu enaayika woori, jitakusooka ku‑Raatabhugenyi, tari enaayika rwa omuunu omumuumu.

2 Bakorinto 8:8

Nitakwayika ejo korereki nibharagirire, tari eneenda okurora araabha eryenda ryemwe ni rya echimari, kwa okweresya kutyo abhandi abheekomeesya okusakira.