1 Bakorinto 7:35 - Indagano Inyaaya mu-Chijita

³⁵ Enaayika emisango ejo ku‑songa ya omuriiro gwemwe, jitari ati eneenda okubhayingirira. Eneenda ati mwikarega rwa kutyo jiiyire, mukorerega emirimu Raatabhugenyi mu‑mutima gwone.

INDAGANO INYA:YA

³⁵ Enaika kutyo korereki nibasakire emwe abene. Tari ati enibatega muyeto, nawe mu bufura, mukorereki mukorerega Ratabugenyi mutana bya kubaugya.

1 Bakorinto 7:35 ပူးပေါင်းရင်းမြစ်များ

Matayo 19:12

Enaayika kutyo, kwa okubha bhari‑wo abharume abhandi bhanu bhatakutwara kwa okubha bheebhuuywe bhari bhajigaru. Abhandi bhatakutwara kwa okubha abhaanu bhabhakonere korereki bhasige okwibhura. Ka wone, bhari‑wo abhandi bhanu bhatakutwara inguru ya obhukama bhwa mu‑rwire. Omuunu woonewoone unu kaatura okwikirisya omusango ogwo, agwikirisye.”

Matayo 22:15

Mbe, Abhafarisaayo nibheekumanya okwayikana kutyo abhatura okuteganya Yeesu kwa emisango jaaye.

Ruuka 21:34

“Mwikenge! Emyoyo jeemwe jaasiga okwisigomba kukora jitungwa jimbiibhi, obhunanamba, obhukorwa, na echibhabhuko cha obhurame. Mukarema okutengeeja, orusuku rwa okusubha anye Omwana wa Omuunu ruribhatakya!

Ruuka 8:14

“Jimbibho jinu ꞉jaaguuwe mu‑mawa, ejisusanyibhwa na abhaanu bhanu abhoongwa omusango gwa Nyamuwanga, nawe nibhayiganywa na obhwiganirisya bhwa obhurame bhwa ku‑chaaro na obhurigire bhwa obhuniibhi. Ejo nijo ejikora eriikirisya ryebhwe ritakusoosya amatwasyo ga ekisi.

1 Bakorinto 7:2

Nawe ku‑songa ya okwikenga ingʼanga ya okukora obhuromesi, bhuri murume abhe na omugasi waaye omwene, na bhuri mugasi abhe na omurume waaye omwene.

1 Bakorinto 7:28

Nawe noorwo araabha ukatwara, owubha utakorere echibhiibhi. Omuyarakaji wone, araabha akatwarwa, kaabha atakorere echibhiibhi. Tari, bhanu bhatwareene bharibha na jinyaako mu‑bhurame bhunu. Anye naakeendere jinyaako rwa ejo jaasiga okubhabhona.

1 Bakorinto 7:36

Omuunu woonewoone unu kaarora ati jitari ja kisi okusiga okutwara omuyarakaji unu ateeye‑ko obhuko, ka wone araabha okurigira kwaye okumuyiga, na omuunu oyo kaarora ati jiiyire bhatwarane, akore rwa kutyo keenda, bhatwarane. Awo kaabha atakorere echibhiibhi.

Baefeso 5:3

Nawe obhuromesi amwi obhujabhi bhwa bhuri mbaga, noorwo okwisigombera ebhiinu, ni bhusibhusi bhyasiga okubhubhuutwa agatigati yeemwe, kwa okubha emisango ejo, jiteeyire ku‑bheeru bha Nyamuwanga.

Bafilipi 4:8

Ku‑bhuteero, abhayiri bhaani, emisango ja echimari, emisango jinu jiiyire jiyanwe echibharo, emisango ja obhurengeresi, emisango emyeru, emisango jinu ejikondisya, emisango jinu jiri ja ekisi, emisango jinu jiiyire okukuuyibhwa, ejo nijo mwiganirisye.

1 Timoteo 1:10

ku‑bharomesi na ku‑bhanu abhasambuka abharume abheejaabho, ku‑bhanu abheetegaanira abhaanu na okubhagusya mu‑bhugaya, abhabheeyi na ku‑bhanu abharayira ku‑rubheeyi. Ebhiraagiro bhiteeywe‑wo ku‑misango joone jinu jitakwikirisyanya na ameeyigisyo ga echimari.

Tiito 2:3

Kutyokutyo abhakwekuru wone, ubheeyigisye bhabhe na jitungwa jinu ejikusya Nyamuwanga. Bhasige okubha abharomi bha abhaanu, bhasige okubha abhakorwa, tari abhakenwa bheeyigisye ameeyigisyo ga ekisi.