1 Bakorinto 7:34 - Indagano Inyaaya mu-Chijita

³⁴ obhwiganirisya bhwaye bhuribha mbaara ebhiri. Wone omugasi unu atari na omurume, noorwo omuyarakaji kaafurubhendera emirimu ja Raatabhugenyi korereki eesoosye omubhiri na omwoyo ku‑Raatabhugenyi. Nawe omugasi unu atwawe, kaanyaakiririra emisango ja obhurame bhunu, keeganirisya kutyo arikondisya omurume waaye.

INDAGANO INYA:YA

³⁴ Buriwo butasyanya omutwaywe no muyara. Unu atatwaywe ke:gana ebya Ratabugenyi, abega mweru mu mubiri na mu mwoyo. Nawe unu atwaywe ke:gana ebya mu:si kutyo arakondisyega omurume wae.

1 Bakorinto 7:34 ပူးပေါင်းရင်းမြစ်များ

Yowana 10:13

Omuunu oyo keeruka, kwa okubha jinaama ejo jitakumusaasa.

Barumi 6:13

Mwasiga okwikirisya ebhiwuga bhyonebhyone bhya emibhiri jeemwe bhikore emirimu inguru ya echibhiibhi rwa ebhikorero bhya obhujabhi, tari mwisoosye ku‑Nyamuwanga. Mwirore ati muri bhaanu bhanu bhasuuruuywe okusooka mu‑bhafuuwe, na okwingisibhwa mu‑bhuwanga obhuyaaya. Mwisoosye ku‑Nyamuwanga, na ebhiwuga bhyone bhya emibhiri jeemwe bhibhe nibhimukorera emirimu rwa ebhikorero bhya obhurengeresi.

1 Bakorinto 6:20

kwa okubha ꞉mwagurirwe kwa obhugusi obhurambu. Kutyo mukusyega Nyamuwanga mu‑mibhiri jeemwe.

1 Bakorinto 7:33

Nawe omuunu unu atwaye, kaanyaakiririra emisango ja obhurame bhunu, keeganirisya kutyo arikondisya omugasi waaye,

1 Bakorinto 7:35

Enaayika emisango ejo ku‑songa ya omuriiro gwemwe, jitari ati eneenda okubhayingirira. Eneenda ati mwikarega rwa kutyo jiiyire, mukorerega emirimu Raatabhugenyi mu‑mutima gwone.

2 Bakorinto 11:28

Aamwi na ejo joone, bhuri rusuku enisitoyerwa na emirimu jaani ku‑makanisa goone.

2 Bakorinto 8:16

Enisiima Nyamuwanga unu ayaaye Tiito omwoyo gwa okubhasakira, rwa gunu anye wone niri nagwo.

Bafilipi 1:20

Enirindirira kwa obhwira bhunene na okwiyikanya ati, nitariiswasibhwa ku‑njira yooneyoone irya. Woori rwa kutyo jaariga jiri siku joone, nirigenderera okubha na ribhaasi nene korereki Kirisito akusibhwe ku‑joone jinu enikora, nibhe niri muwanga amwi niniitwa.

1 Batesalonika 5:23

Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.

1 Timoteo 3:5

Okubha omuunu unu atakutura okwimereegururu omusi gwaye kisi, kaatura kutiki okwangarira abheekirisya mw‑ikanisa rya Nyamuwanga?

1 Timoteo 5:5

Omutumbagasi wa echimari unu atari na omuunu wa okumusakira, oyo keeyikanya Nyamuwanga, kaamuramya na okusabhwa obhusakisi ku‑mwene mu‑ngeta na mu‑mwisi.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.