1 Bakorinto 7:22 - Indagano Inyaaya mu-Chijita

²² Naayika ati ogwo gwasiga okukunyaasya, kwa okubha omuunu unu aariga ari mugaya omwanya gunu ꞉aabhirikiiywe na Raatabhugenyi, oyo ni mwitaage ku‑Raatabhugenyi. Ka unu aariga ari mwitaage omwanya gunu ꞉aabhirikiiywe, oyo ni mugaya wa Kirisito.

INDAGANO INYA:YA

²² Okuba mu Ratabugenyi, unu abirikiywe ari mugaya, ni mwibure wa Ratabugenyi. Nyaburiko unu abirikiywe ari mwibure, oyo ni mugaya wa Kristo.

1 Bakorinto 7:22 ပူးပေါင်းရင်းမြစ်များ

Barumi 1:1

Inyarubha inu, niikaamire anye Pawuro, omukosi wa Kirisito Yeesu. Anye ꞉naabhirikiiywe nibhe itumwa yaaye, na okusorwa na Nyamuwanga nibhega nindaasya Emisango jaaye ja Ekisi.

1 Bakorinto 7:21

Araabha Nyamuwanga ꞉aakubhirikiiye omwanya gunu waariga uri mugaya, ogwo gwasiga okukunyaasya. Nawe araabha waakabhona omwanya gwa okwituura mu‑bhwitaage, nuukorere emirimu omwanya ogwo.

1 Bakorinto 9:19

Anye nitari mugaya wa omuunu woonewoone, niri mwitaage. Nawe niiteeye‑wo okubha omugaya wa abhaanu bhoone, korereki okusakira abhaanu bhaafu bheekirisye Kirisito.

1 Bakorinto 9:21

Ku‑bhanu bhatari na ebhiraagiro bhya Muusa, naariga niri rwa omuunu unu atari na ebhiraagiro ebhyo, korereki okubhasakira bheekirisye Kirisito. Ogwo gutari na obhugajuro ati nitari na ebhiraagiro imbere ya Nyamuwanga. Tari niri nabhyo kwa okubha enitangasibhwa na ebhiraagiro bhya Kirisito.

Bagalatia 1:10

Woori, omwitogera ati, eniyenjeresya okwikirisibhwa na abhaanu? Wuri, anye eniyenjeresya okwikirisibhwa na Nyamuwanga era. Amwi omwitogera ati eniyenjeresya okukondisya abhaanu? Araabha naakabheeye niyenjeresya okukondisya abhaanu, nitaakabheeye omukosi wa Kirisito.

Bagalatia 5:1

Kirisito achiyaaye obhwitaage, korereki chiikare mu‑bhwitaage obhwo. Kurwa ejo, mwimereeguru murumateene, mwasiga okwikirisya okusubha rindi mu‑bhugaya bhwa ebhiraagiro.

Bagalatia 5:13

Abhayiri bhaani, Nyamuwanga abhabhirikiiye, korereki mubhe abhaanu bhanu muri na obhwitaage. Nawe mwasiga okukorera obhwitaage bhwemwe wuti omwanya gwa okuruubha okurigira kwa omubhiri, tari musakirane mu‑ryenda.

Bakolosai 4:12

Epaafura, omukosi wa Kirisito Yeesu, ka wone ni muunu wa ewaanyu eyo, kaabhakeesya. Bhuri mwanya keekomeesya okubhasabhirwa korereki murumatane echinyamwoyo mu‑riikirisya ryemwe na okubha na echimari inguru ya okwenda kwone kwa Nyamuwanga.

Filemoni 1:16

Okwambira woori, omwene atari rwa omugaya era kw‑awe, tari omwene ari na ingʼoryo muno okukira omugaya, ari rwa omuyiri omwendwa. Anye enimwenda muno, awe urimwenda okukira anye, rwa omugaya mu‑nju yaawo, ka wone rwa omuyiri mu‑Raatabhugenyi Yeesu.

1 Petero 2:16

Mwikare rwa abhaanu bhanu bhari na obhwitaage, nawe mu‑bhwitaage obhwo, mwasiga okukora ebhibhiibhi. Mwikare rwa kutyo Nyamuwanga kaakena abhakosi bhaaye bheekare.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

Yuuda 1:1

Inyarubha inu, niikaamire anye Yuuda. Anye, niri mukosi wa Yeesu Kirisito, ka wone, niri mumura waabho Yakobho. Enikaamira emwe abhaanu bhanu mubhirikiiywe na Raata Nyamuwanga. Omwene kaabheenda, na kaabhaangarira kisi okukingira anu Yeesu Kirisito ariijira.