1 Bakorinto 7:19 - Indagano Inyaaya mu-Chijita

¹⁹ Okutendwa amwi okurema okutendwa kutari‑mo omuriiro. Echiinu chinu chiri na omuriiro ni kuruubha amaragiriro ga Nyamuwanga.

INDAGANO INYA:YA

¹⁹ Okutendwa kutari ci:nu, no kuremo:tendwa kutari ci:nu, nawe ni kugwata ebiragiro bya Nyamuanga.

1 Bakorinto 7:19 ပူးပေါင်းရင်းမြစ်များ

Matayo 5:19

Omuunu woonewoone unu kaarema noorwo echiraagiro chimwi echitooto na okwiyigisya abhandi wone bhachireme, oyo aribha na echibharo chitooto muno mu‑bhukama bhwa mu‑rwire. Nawe woonewoone unu kaachigwata na okwiyigisya abhandi korereki wone bhakore kutyo, oyo aribha na echibharo chinene muno mu‑bhukama bhwa mu‑rwire.

Yowana 15:14

Araabha mukakora jinu nibharagiriiye, emwe muri bhasaani bhaani.

Barumi 3:30

Ari‑wo Nyamuwanga umwi era, kurwa ejo iri‑wo injira imwi era ya okubhara abhaanu okubha abharengeresi imbere yaaye. Abhayawudi na abhaanu bhanu bhatari Bhayawudi, bhoone abheekirisibhwa na Nyamuwanga okubha abharengeresi kwa okwikirisya Yeesu era.

1 Bakorinto 8:8

Woori, ebhiryo bhitakukora chibhe ayeeyi na Nyamuwanga, kwa okubha noorwo chikasiga okurya, chitakugerukirwa‑ko echiinu, ka wone noorwo chikarya, chitakwongesibhwa‑ko echiinu.

Bagalatia 3:28

Kurwa ejo, bhutari‑wo obhutaasyanya agati ya Omuyawudi na Omuyunaani, amwi omugaya na omuunu omwitaage, amwi omurume na omugasi. Bhoone muri chiinu chimwi, kwa okubha muri na obhumwi na Kirisito Yeesu.

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

Bagalatia 6:15

Okutendwa amwi okurema okutendwa, kutari na obhugajuro bhwonebhwone bhurya. Omusango gwa bhusibhusi ni kubhumbwa bhuyaaya na Nyamuwanga.

Bakolosai 3:11

Kurwa ejo, bhutari‑wo obhutaasyanya rindi agati ya Omuyawudi na unu atari Muyawudi, unu atenderwe na unu atatenderwe, unu kaasooka mu‑chaaro cha kura amwi omusikisi, omugaya na omwitaage. Tari Kirisito niwe wa bhusibhusi na omwene ari mw‑imwe bhoone.

Obhusweruro 22:14

Bharibhona amabhando, abhaanu bhanu abhafura emingiro jeebhwe mu‑sagama ya Omwana wa Inaama, korereki bheekirisibhwe okwingira mu‑musi omuyaaya ogwo okutura ku‑marango gaagwo na okurya amatwasyo ga riiti rinu erisoosya obhuwanga bhwa akajaanende koone.