1 Bakorinto 7:14 - Indagano Inyaaya mu-Chijita

¹⁴ Enaayika kutyo, kwa okubha Nyamuwanga keesya omurume unu atari mwikirisya, ku‑songa ya omugasi waaye. Omugasi wone unu atari mwikirisya, Nyamuwanga kaamwesya ku‑songa ya omurume waaye. Araabha jikabheeye jitari kutyo, abhaana bheemwe bhatakabheeye abhaana bha Nyamuwanga, tari woori ni bhaana bhaaye.

INDAGANO INYA:YA

¹⁴ Okuba omurume unu ate:kirisisye ke:sibwa no mugasi, no mugasi unu ate:kirisisye ke:sibwa no murume. Kwenda bitari kutyo, aba:na bemwe batake:rere, nawe woryanu ni be:ru.

1 Bakorinto 7:14 ပူးပေါင်းရင်းမြစ်များ

Ebikorwa 10:23

Ejire eeya Peetero ˆnaabhakuma mu‑nju, bhabhe abhagenyi bhaaye. Mwejo yende‑ko, Peetero na abhaanu bhasatu bharya nibhaamba orugendo rwebhwe, aamwi na abheekirisya abharebhe okusooka Yoopa.

Barumi 11:16

Araabha omuunu kaasoosisya Nyamuwanga amatongoro ga amatwasyo gaaye, mbe amatwasyo gaaye goone garibhaga gari inguru ya Nyamuwanga. Ka wone, araabha emisi ja omujeyituuni ni myeru, mbe noorwo amatabhi gaaryo goone garibhaga gari meeru.

1 Bakorinto 7:13

Nyabhuriko, omugasi omwikirisya, araabha atwawe na omurume unu atari mwikirisya, na omurume oyo eekirisiisye okugenderera okwikara nage, omugasi oyo, aasiga okutaana nage.

1 Timoteo 4:5

kwa okubha omusango gwa Nyamuwanga na risabhwa ryeswe, ebhyesya ebhiinu ebhyo.

Tiito 1:15

Ku‑bhaanu bhanu emitima jeebhwe ni myeru imbere ya Nyamuwanga, ebhiinu bhyone bhyesiibhwe. Nawe, ku‑bhaanu abhajabhi na bhanyateekirisya, ebhiinu bhyone ni bhijabhi, kwa okubha obhwiganirisya bhwebhwe na emitima jeebhwe, bhijabhiyaaye.